මුදල් විශුද්ධිකරණය හා ත්රස්තවාදයට මුදල් සැපයීම සම්බන්ධයෙන් සිදු කරන විමර්ශනවලට අදාලව අන්යෝන්ය සහයෝගීතාවය වර්ධනය කර ගැනීම සඳහා ශ්රී ලංකා පොලිසිය හා සුරාබදු දෙපාර්තමේන්තුව අතර ද්වි පාර්ශවීයව අවබෝධතා ගිවිසුමක් අත්සන් කිරීම 2026.02.25 වන අද දින පොලිස් මූලස්ථානයේදී සිදු කරන ලදී.
තරමක් අබලන් වූ, පැරණි ගොඩනැගිල්ලක පවත්වාගෙන යන මීරිගම පොලිස් ස්ථානය වෙනුවෙන් නව ගොඩනැගිල්ලක් ඉදිකිරීම අරඹමින් මුල්ගල් තැබීම මහජන ආරක්ෂක හා පාර්ලිමේන්තු කටයුතු අමාත්ය ආනන්ද විජේපාල මහතාගේ ප්රධානත්වයෙන් 2026.02.25 වන දින උදෑසන සිදු කෙරුණි. වත්මන් පොලිස් ස්ථානය පිහිටන භූමිය තුළම පොලිස් ස්ථානයකට අවශ්ය සියළු අංශ සඳහා ඉඩ පහසුකම් සහිතව නව ගොඩනැගිල්ල සැලසුම් කර ඇති අතර තක්සේරු වටිනාකම රුපියල් කෝටි 8 කට ආසන්න වියදමින් ගොඩනැගිල්ල කඩිනමින් ඉදිකර අවසන් කිරීමට නියමිතය. පොලිස්පති නීතිඥ ප්රියන්ත වීරසූරිය මහතා සමඟ බස්නාහිර පළාත භාර ජ්යෙෂ්ඨ නියෝජ්ය පොලිස්පති සංජීව මැදවත්ත මහතා, බස්නාහිර පළාත උතුර දිසාව භාර නියෝජ්ය පොලිස්පති කාලිංග ජයසිංහ මහතා, ප්රවර්ථණ දිසාව භාර නියෝජ්ය පොලිස්පති ප්රියංකරද සිල්වා මහතා, ගම්පහ කොට්ඨාස භාර ජ්යෙෂ්ඨ පොලිස් අධිකාරී සනත් අමරසිංහ මහතා, සර්වාගමික පූජ්ය පක්ෂය ඇතුළුව ප්රදේශයේ මහජන නියෝජතයින්, නිලධාරීන් මෙම අවස්ථාවට සහභාගී විය.
2026.02.13 වන දින තලංගම පොලිස් වසමේ අකුරේගොඩ ප්රදේශයේදී කාර් රථයක් තුල සිටි නීතිඥවරයෙකුට හා එම නීතිඥවරයාගේ බිරිඳට කාර් රථයකින් පැමිණි නාඳුනන තුවක්කුකරුවන් දෙදෙනෙකු විසින් වෙඩි තබා ඝාතනය කිරීමේ අපරාධයට සම්බන්ධ සියළු සැකකරුවන් අත්අඩංගුවට ගැනීම සඳහා බස්නාහිර පළාත් දකුණ දිසා අපරාධ කොට්ඨාසය මගින් විමර්ශන ක්රියාත්මකයි. ඒ් අනුව එම කොට්ඨාසයට සමගාමීව ක්රියාත්මක වන හෝමාගම කොට්ඨාස අපරාධ විමර්ශන ඒකකයේ නිලධාරීන් කණ්ඩායමකට 2026.02.21 දින සවස අම්බලන්ගොඩ පොලිස් වසමේ දෙල්දූව ප්රදේශයේදී වෙඩික්කරුවෙකු ලෙස ක්රියා කල සැකකරුවෙකු අපරාධය සඳහා භාවිතා කල ජංගම දුරකතනයක්ද සමඟ අත්අඩංගුවට ගැනීමට හැකිවිය. අත්අඩංගුවට ගත් සැකකරු වයස අවුරුදු 46 ක් වන බද්දේගම ප්රදේශයේ පදිංචිකරුවෙකි. එම අපරාධය සම්බන්ධව 2026.02.16 වන දින කොට්ටාව හා අතුරුගිරිය පොලිස් වසම්වලදී සහ 2026.02.17 වන දින කහතුඩුව පොලිස් වසමේදී ආධාර අනුබල දීම හා කුමන්ත්රණය කිරීමේ චෝදනා යටතේ සැකකරුවන් තිදෙනෙකු විමර්ශන නිලධාරීන් විසින් අත්අඩංගුවට ගත් අතර පොලිස් විශේෂ කාර්ය බලකාය විසින් 2026.02.21 වන දින මෙම අපරාධයට විවිධාකාරයෙන් ආධාර අනුබල දී ඇති බවට සැකකරන හා කරුණු ආනාවරණය වූ සැකකාරියන් දෙදෙනෙක් හා සැකකරුවන් තිදෙනෙක් අත්අඩංගුවට ගෙන ඇත. අත්අඩංගුවට ගත් සැකකරුවන් හා සාකකාරියන් වැඩිදුර විමර්ශන සඳහා බස්නාහිර පළාත් දකුණ දිසා අපරාධ කොට්ඨාසය භාරයේ පසුවේ. 2009 වර්ෂයේ ලබාදුන් පොදු සමා කාලය තුල නීත්යානුකූලව යුධ හමුදාවෙන් ඉවත්වූ අයෙකු ලෙස හඳුනාගෙන ඇති අත්අඩංගුවේ පසුවන සැකකාර වෙඩික්කරු 2026.02.22 අද දින කඩුවෙල ගරු මහේස්ත්රාත් අධිකරණයට ඉදිරිපත් කිරීමට නියමිතය. 2026.02.20 වන දින අත්අඩංගුවට ගැනීම සඳහා මහජන සහය අපේක්ෂා කරමින් ප්රසිද්ධියට පත්කළ AI තාක්ෂණය භාවිතයෙන් සැකසූ ඡායාරූප ස්වරූපයේ සැකකරු අත්අඩංගුවේ පසුවන සැකකරු නොවන අතර අපරාධයේ දෙවන වෙඩික්කරු ලෙස සැකකරන ප්රසිද්ධියට පත්කළ ඡායාරූප ස්වරූපයේ සැකකරු සොයා තවදුරටත් විමර්ශන ක්රියාත්මකයි. තොරතුරක් වෙතොත් දැනුම් දෙන්න. නියෝජ්ය පොලිස්පති / බස්නාහිර පළාත උතුර – 071 8598008කොට්ඨාස භාර නිලධාරී / නුගේගොඩ – 071 8591641අධ්යක්ෂ / බස්නාහිර පළාත් දකුණ අපරාධ කොට්ඨාසය – 071 8592279
කේරළ ගංජා කිලෝග්රෑම් 10 ග්රෑම් 455 ක් පොලිස් භාරයට ගනිමින් කල්පිටිය පොලිස් ස්ථානයේ නිලධාරීන් 2026.02.19 වන දින කල්පිටිය අනාවාසල ප්රදේශයේදී සාර්ථක වැටලීමක් සිදුකර ඇත. වැටලීමේදී සැකකරුවෙන් දෙදෙනෙකු අත්අඩංගුවට පත්වී ඇති අතර එක් සැකකරුවෙකු සන්තකයේ කේරළ ගංජා කිලෝග්රෑම් 05 ග්රෑම් 375 ක් තිබී, අනෙක් සැකකරු සන්තකයේ කේරළ ගංජා කිලෝග්රෑම් 05 ග්රෑම් 80 ක් තිබී ඇත. සැකකරුවන් දෙදෙනා වයස අවුරුදු 41 ක් හා 50 ක් වන හෙට්ටිපොල හා කල්පිටිය ප්රදේශවල පදිංචිකරුවන්ය. කල්පිටිය පොලිස් ස්ථානය විසින් වැඩිදුර විමර්ශන සිදුකරයි.
2025 වසරේදී විදේශීය ජාතිකයින් 05 දෙනෙකු ශ්රී ලංකාව තුල රිය පදවා මියගොස් ඇත. එමෙන්ම විදේශියකයන් විසින් රිය පදවා බරපතල රිය අනතුරු 07 ක්, සුළු තුවාල රිය අනතුරු 78 ක් මෙන්ම රථ වාහන අලාභ අනතුරු 06 ක් ද වාර්තා වී ඇත. මෙරට තුළ වලංගු රියැදුරු බලපත්රයක් නොමැතිව රිය පදවන විදෙස් සංචාරකයින් මෙන්ම මෝටර් රථ වාහන පනත උල්ලංඝනය කරමින් ඔවුනට කුලී රථ ලබාදෙන පාර්ශ්වයන් මෙලෙස අනතුරු වාර්තා වීමට හේතුවන බව නිරීක්ෂණය වී තිබේ. මෙරටට පැමිණෙන විදේශීය සංචාරකයන්ගේ ආරක්ෂාව තහවුරු කිරිම ශ්රී ලංකා පොලිසියේ වගකීම සහ යුතුකම වන බැවින් මෙම තත්වය වැළක්වාගැනීම සඳහා විදෙස් සංචාරකයන්ට වලංගු රියැදුරු බලපත්රයක් නොමැතිව වාහන ලබා දෙන අයවළුන් සම්බන්ධව රථවාහන මෙහෙයුම් මගින් සොයා බැලීම දකුණු පළාත මූලික කරගනිමින් ආරම්භ කර ඇත. විදේශිකයෙකු වෙත වාහනයක්, යතුරුපැදියක් හෝ ත්රීරෝද රථයක් ලබා දෙන්නේ නම් පහත බලපත්ර වලින් එකක් අනිවාර්යයෙන්ම එම විදෙස් ජාතික පුද්ගලයා සතුව තිබිය යුතුය. • ජාත්යන්තර රියැදුරු බලපත්රය (මෙම බලපත්රයට අදාල පන්තිවලට අයත් වාහනය පැදවිය හැක.) • මෙරට රැඳී සිටින විදේශිකයෙකු හට ශ්රී ලංකා මෝටර් රථ වාහන දෙපාර්තමේන්තුවෙන් රියැදුරු බලපත්රයක් නිකුත් කර ඇත්නම් එම රියැදුරු බලපත්රය (අදාළ පන්තියට ඔහුට හෝ ඇයට ශ්රී ලංකාවේ වාහනයක් පැදවීමට හැකියාව ඇත.) • විදේශිකයන්ට තමන්ගේ රටෙන් නිකුත් කරන රියැදුරු බලපත්රයට සමගාමීව එම රියැදුරු බලපත්ර ශ්රී ලංකාවේ මෝටර් ප්රවාහන දෙපාර්තමේන්තුවට ඉදිරිපත් කර එහි පරිවර්තන සහතිකය. (එයට අදාල නියමිත පන්තියේ වාහනයක් පැදවිය හැක. මෙම පරිවර්තන සහතික වේරහැර මෝටර් රථ ප්රවාහන දෙපාර්තමේන්තුවෙන් සහ බණ්ඩාරනායක ජාත්යන්තර ගුවන්තොටුපළේ විශේෂ කවුළුවකින් නිකුත් කරනු ලබයි.) ඉහත ආකාරයේ වලංගු රියැදුරු බලපත්රයක් නොමැති විදේශිකයෙකුට මෝටර් වාහනයක්, ත්රීරෝද රථයක් හෝ යතුරුපැදි කුලී පදනම, බදු පදනම මත හෝ වෙනත් ආකාරයකින් ලබා දීම වරදක් වන අතර මෝටර් රථ වාහන පනත ප්රකාරව පාර්ශව දෙකටම එරෙහිව නිතිය ක්රියාත්මක කිරීමේ හැකියාව පවතී. ඇතැම් අවස්ථාවලදී විදේශිකයින් නොමග යවා ව්යාජ ලෙස සකස් කරන ලද රියැදුරු බලපත්ර ඉදිරිපත් කරනු ඇත. එබැවින් කුලී රථ ලබාදීමේදී අවබෝධයෙන් කටයුතු කළ යුතුය. එමෙන්ම රියැදුරෙකු වන ඔබ රථ වාහන ධාවනයට පෙර රියැදුරු බලපත්රය, රක්ෂණ සහතිකය, ආදායම් බලපත්රය, රථ වාහන දුම් විමෝචන සහතිකය සහ යෝග්යතා සහතික මෙන්ම වාහනයේ යාන්ත්රික දෝෂ පිළිබඳව ද අවධානය යොමු කළ යුතුය. පොලිස් නිලධාරියෙකු රියැදුරු බලපත්රය ඉල්ලා සිටි අවස්ථාවකදි අනිවාර්යෙන්ම රියැදුරු බලපත්රය ඉදිරිපත්කළ යුතුය. මෝටර් වාහන පනතේ 123 ( i අ) පරිදි රියැදුරු බලපත්රයක් නොමැතිව කිසිදු වාහනයක් ධාවනය කළ නොහැකි අතර රියැදුරු බලපත්රයක් නොමැති පුද්ගලයෙකු සේවයේ යෙදවීම හෝ බාලවයස්කාර අයෙකු රිය පැදවිමට යෙදවුවහොත් පදවන අයට හා අයිතිකරු යන දෙදෙනාටම මෝටර් වාහන පනතේ යටතේ නඩු පැවරීම සිදුකෙරේ.
2026.02.15 දින සවස කටුනායක ගුවන්තොටුපල පරිශ්රයේදී පොලිස් මත්ද්රව්ය කාර්යංශ ගුවන්තොටුපොල ඒකකයේ නිලධාරීන් හා ගුවන්තොටුපොල රේගු නිලධාරීන් කණ්ඩායමක් විසින්, බැංකොක් සිට මෙරටට ගුවන් මඟින් පැමිණි සැකකටයුතු කාන්තාවක් පරීක්ෂා කර ඇත. එහිදි, ඇය සන්තකයේ තිබී කුෂ් මත්ද්රව්ය කිලෝ 16 යි ග්රෑම් 400 ක් සොයා ගෙන ඇති අතර එම සැකකාරිය හා මෙම මත්ද්රව්ය ජාවාරමට ආධාර අනුබල දීම සම්බන්ධයෙන් සැකකරුවන් දෙදෙනෙකු අත්අඩංගුවට ගෙන ඇත. සැකකාරිය අවුරුදු 35 ක් වන කොළඹ 14 ප්රදේශයේ පදිංචිකාරියක් වන අතර සැකකරුවන් අවුරුදු 27 හා 33 වයස්වල පසුවන කොළඹ 14 හා කොළොන්නාව ප්රදේශවල පදිංචිකරුවන් වේ. පොලිස් මත්ද්රව්ය කාර්යංශ විසින් වැඩිදුර විමර්ශන සිදු කරනු ලබයි. වැටලීමට අදාල ජායාරූප කිහිපයක් මේ සමඟ යොමු කරමි.
රාගම පොලිස් වසමේදී බස්නාහිර පළාත උතුර අපරාධ කොට්ඨාසයේ නිලධාරීන් 2026.02.14 දින රාත්රියේ සිදුකල හදිසි වැටලීමකින් කේරළ ගංජා කිලෝග්රෑම් 271 ග්රෑම් 835 ක් සමඟ සැකකරුවෙකු අත්අඩංගුවට ගෙන ඇත. සැකකරු අවුරුදු 34 ක් වන කොළඹ 14 ප්රදේශයේ පදිංචිකරුවෙකි. බස්නාහිර පළාත උතුර අපරාධ කොට්ඨාසය සිද්ධිය සම්බන්ධයෙන් වැඩිදුර විමර්ශන සිදු කරනු ලබයි.
පොලිස් සේවා වනිතා ඒ්කකයේ මූලිකත්වයෙන් නවීකරණය කිරීම් කිහිපයක් සමගින් නව මුහුණුවරකින් සකස් කළ පොලිස් මූලස්ථානයේ ආපනශාලාව 2026.02.23 දින උදෑසන පොලිස්පති නීතිඥ ප්රියන්ත වීරසූරිය මහතාගේ ප්රධානත්වයෙන් විවෘත කෙරුණි. පොලිස් සේවා වනිතා ඒ්කකයේ පූර්ණ අධීක්ෂණය හා මෙහෙයවීම මත ආපන ශාලාව ක්රමවත් අයුරින් පවත්වාගෙන යාමට නියමිත අතර දුර බැහැර ස්ථිර පදිංචිව පොලිස් මූලස්ථානයේ සේවයේ නියුතු නිලධාරීන්ට මෙන්ම විවිධ සේවා සඳහා මූලස්ථානයට පැමිණෙන මහජනතාවට සාධාරන මිලකට පෝෂදායී ආහාර පාන අවශ්යතාවය මින් සපුරනු ඇත. පොලිස් නිලධාරීන්ගේ පවුල්වල ආර්ථිකය සමුර්ධිත් කිරීම පොලිස් සේවා වනිතා ඒ්කකයේ මූලික පරමාර්ථයක් වන බැවින් මෙහි සේවය සඳහාද අවස්ථාව හිමකර දී තිබෙන්නේ පොලිස් නිලධාරීන්ගේ පවුල්වල සාමාජිකාවන්ටයි. පොලිස්පතිතුමාගේ මැතිණිය වන සේවා වනිතා ඒකකයේ සභාපතිනි නීතිඥ නිල්මිණී සමරතුංග මහත්මිය, පරිපාලනය භාර ජ්යෙෂ්ඨ නියෝජ්ය පොලිස්පති සංජීව ධර්රත්න මහතා, සහයක සේවා දිසාව භාර ජ්යෙෂ්ඨ නියෝජ්ය පොලිස්පති රාජිත ශ්රී දමින්ද මහතා, ජ්යෙෂ්ඨ නියෝජ්ය පොලිස්පති අජිත රෝහණ මහතාගේ මැතිණිය වන සේවා වනිතා ඒකකයේ ප්රජා කමිටු සභාපතිනී සුනේත්රා වීරක්කොඩි මහත්මිය, පොලිස් මූලස්ථාන නියෝජ්ය පොලිස්පති නාලක ද සිල්වා මහතා, සේවා වනිතා ඒකකයේ උප ලේකම් නියෝජ්ය පොලිස්පති දර්ශිකා කුමාරි මහත්මිය, පොලිස් සේවා වනිතා ඒකකයේ ස්ථානාධිපති ලෙස කටයුතු කරන ප්රධාන පොලිස් පරීක්ෂක පද්මිණී ජයවීර මහත්මිය ඇතුළු නිලධරයන් හා සේවා වනිතා ඒ්කකයේ සමාජිකයින් මෙම අවස්ථාව සඳහා සහභාගී විය.
ශ්රී ලංකා රග්බි පාපන්දු සම්මේලනය විසින් සංවිධානය කර පවත්වන “මැලිබන් අභියෝග කුසලාන” අන්තර් සමාජ ලීග් ශූරතා රග්බි තරගාවලියේ පළඟ ශූරතාව වෙනුවෙන් ශ්රී ලංකා පොලිස් රගර් කණ්ඩායම හා ගුවන් හමුදා රගර් කණ්ඩායම 2026.02.20 වන දින රත්මලාන ගුවන් හමුදා ක්රිඩාංගණයේදී තරඟ වැදුනි. එහිදී ගුවන් හමුදා කණ්ඩායම ලකුණු 24ට 12ක් ලෙස පොලිස් කණ්ඩායම පරාජයට පත්කරමින් පළඟ ශූරතාව දිනාගැනීමට සමත් විය. ඒ් අනුව පොලිස් කණ්ඩායම අනුශූරයින් ලෙස තරඟාවලිය නිමාකරන ලදී. ආරක්ෂක ලේකම් එයාර් වයිස් මාර්ෂල්(විශ්රාමික) සම්පත් තුයියකොන්තා මහතා, පොලිස්පති නීතිඥ ප්රියන්ත වීරසූරිය මහතා, අපරාධ හා රථ වාහන දිසාව භාර ජ්යෙෂ්ඨ නියෝජ්ය පොලිස්පති රන්මල් කොඩිතුවක්කු මහතා සහ ගුවන් හමුදාවේ ජ්යෙෂ්ඨ නිලධාරීන් තරඟය නැරඹීමට ක්රීඩාංගණයට එක්වී සිටියහ.
අපරාධයක් සම්බන්ධව අධිකරණයේදී විභහගවන නඩු නිමිත්තක් කඩිනමින් අවසන් කර යුක්තිය ඉෂ්ඨ කිරීම වෙනුවෙන් ඇසදුටු සාක්ෂි මෙන්ම විද්යාත්මක සාක්ෂි ඉදිරිපත් කරමින් සාධාරන සැකයෙන් ඔබ්බට සැකකරුවන්ගේ වරදකාරීබව ඔප්පුකිරීමට පොලිස් නිලධාරීන් කටයුතු කරයි. ඇඟිලි සටහන් හදුනාගැනීම, කෙස් හඳුනාගැනීම, රුධිරය වැනි ද්රවයන් සොයාගැනීම මෙන්ම තවත් විවිධ වූ තාක්ෂණික ක්රම උපායන් මගින් සාක්ෂි රැස්කිරීම විද්යාත්මක සාක්ෂි සොයාගැනීම යනුවෙන් හදුන්වන අතර එම කාර්ය වඩාත් නිවැරදිව සිදුකිරීම සඳහා Scene Of Crime Officer (SOCO) නිලධාරීන් නම් විශේෂඥ පුහුණුව ලත් පොලිස් නිලධාරීන් කණ්ඩායමක් සෑම පොලිස් කොට්ඨාසයකම විශේෂිතවූ පරීක්ෂණාගාරයකට (SOCO Lab) අනුයුක්තව කාර්යබහුලව සේවයේ නිරතව සිටී. මෙම පරීක්ෂණාගාර තවදුරටත් වැඩිදියුණුකිරීම මෙන්ම ව්යාප්තකිරීම, කොට්ඨාස මට්ටමෙන් වාර්තාවන අපරාධවල විමර්ශන කටයුතු කඩිනමින් අවසන් කිරීමට ප්රභල සාධකයක් වන බැවින් නව පරීක්ෂණාගාර අත්යවශ්ය ප්රදේශ හඳුනාගෙන කඩිනමින් පරීක්ෂණාගාර ලබාදීමට අවශ්ය ක්රියාදාමය සිදුවෙමින් පවතී. ඒ් අනුව මාන්කුලම් පොලිස් භූමියේ ඉදිකළ මුලතිව් කොට්ඨාස අපරාධ ස්ථාන පරීක්ෂණාගාරය උතුරු පළාත් භාර ජ්යෙෂ්ඨ නියෝජ්ය පොලිස්පති බුද්ධික සිරිවර්ධන මහතාගේ ප්රධානත්වයෙන් 2026.02.19 දින විවෘත කෙරුණි. කිලිනොච්චි දිසාව භාර නියෝජ්ය පොලිස්පති එම්.එන්.එස් මෙන්ඩිස්,මුලතිව් කොට්ඨාස භාර නිලධාරි ජ්යෙෂ්ඨ පොලිස් අධිකාරි රත්නවීර, අපරාධ වාර්තා කොට්ඨාසයේ අධ්යක්ෂ ජ්යෙෂ්ඨ පොලිස් අධිකාරි රුවන් කුමාර යන ජ්යෙෂ්ඨ පොලිස් නිලධාරීන්ගේ සහභාගීත්වය මෙම අවස්ථාව සඳහා හිමිවිය.