Author name: Tharindu Withanage

අනාවරණය කරගත් තොරතුරක් අනුව කොළඹ උතුර කොට්ඨාස අපරාධ විමර්ශන කාර්යංශයේ නිලධාරීන් විසින් විදේශ රටක නිෂ්පාදිත රිවෝල්වර අවියක්, එම ජීව පතරොම් 06 ක්, අයිස් මත්ද්‍රව්‍ය ග්‍රෑම් 36 ක් හා යතුරුපැදියක් සමඟ සැකකරුවන් දෙදෙනෙකු මට්ටක්කුලිය පොලිස් වසමේදී අත්අඩංගුවට ගෙන ඇත.  වැඩිදුර විමර්ශනයේදී විදේශගතව සිටින සංවිධානාත්මක අපරාධකරුවන් දෙදෙනෙකුගේ මෙහෙයවීම මත ග්‍රෑන්ඩ්පාස් පොලිස් වසමේ මහවත්ත ප්‍රදේශයේ පුද්ගලයෙකුට වෙඩි තැබීම සඳහා මොවුන් සූදානම්ව සිට ඇති බවට අනාවරණය වී තිබේ.  2026.01.09 වන දින රාත්‍රියේ සැකකරුවෙකු අයිස් මත්ද්‍රව්‍ය ග්‍රෑම් 05 මිලිග්‍රෑම් 800 ක් හා මත්ද්‍රව්‍ය ප්‍රවාහනයට සැකපිට ත්‍රීරෝද රථයක් සමඟ අත්අඩංගුවට ගෙන වැඩිදුර විමර්ශන සිදුකිරීමේදී අනාවරණය වූ තොරතුරු මත ඉහත සැකකරුවන් දෙදෙනා අත්අඩංගුවට ගැනීම සඳහා තොරතුරු අනාවරණය ඇත. මට්ටක්කුලිය, හොරණ, වනවාසල හා කැලණිය යන ප්‍රදේශවල පදිංචිකරුවන් ලෙස හඳුනාගෙන ඇති මෙම සැකකරුවන් තිදෙනා අවුරුදු 32,34,35 වයස්වල පසුවන්නන්ය.  2026.01.10 වන දින මාලිගාකන්ද ගරු මහේස්ත්‍රාත් අධිකරණයට ඉදිරිපත් කර ලබාගත් රැඳවුම් නියෝග මත කොළඹ උතුර කොට්ඨාස අපරාධ විමර්ශන කාර්යංශය මෙම සැකකරුවන් සහ අවිය සම්බන්ධව තවදුරටත් විමර්ශන සිදු කරයි.    

On the morning of 09.01.2026, a luxury jeep that was moving near the Etthukala railway crossing in Periyamulla was stopped and inspected by officers of the Negombo Divisional Criminal Investigation Bureau, who were suspicious and arrested the person in possession of 10g of cannabis, 01g of cocaine and 100 drug capsules. Further investigations into the suspect and a search of the room in the lodge where he was staying resulted in the discovery of 29g of 240mg of Kush and 02g of 230mg of unidentified drugs, while a search of the suspect’s herbal shop yielded 1000 drug capsules. The suspect has been produced before the Negombo Magistrate’s Court and a detention order has been obtained, and the Negombo Divisional Criminal Investigation Bureau has commenced extensive investigations into the suspect.  

2026.01.07 වන දින රාත්‍රී කාලයේ මීටියාගොඩ පොලිස් වසමේ හරන්නාගොඩ ප්‍රදේශයේදී පොලිස් විශේෂ කාර්ය බලකා ගෝනහේන කඳවුරේ නිලධාරීන් කණ්ඩායමක් විසින් ලද තොරතුරක් මත වැටලීමක් සිදුකර ටී56 වර්ගයේ ගිනි අවියක්, එම මැගසිනයක්, ටී56 වර්ගයේ පතරොම් 16ක්, 9mm වර්ගයේ උණ්ඩ යෙදිය හැකි පතරොම් ගැබක් හා හෙරොයින් ග්‍රෑම් 144 සමඟ සැකකරුවෙකු අත්අඩංගුවට ගෙන මීටියාගොඩ පොලිස් ස්ථානයට ඉදිරිපත් කර ඇත. සැකකරු වයස අවුරුදු 44ක් වන මීටියාගොඩ ප්‍රදේශයේ පදිංචිකරුවෙකි.  සැකකරු 2026.01.08 වන දින බලපිටිය ගරු මහේස්ත්‍රාත් අධිකරණයට ඉදිරිපත් කිරීමෙන් පසු 2026.01.13 වන දින දක්වා රැඳවුම් නියෝග ලබා ගෙන මීටියාගොඩ පොලිස් ස්ථානයේ රඳවා තබා ගනිමින් වැඩිදුර විමර්ශන සිදු කරනු ලබයි.  

Facebook සමාජ ජාලය තුල ප්‍රචාරය කර තිබූ දැන්වීමක් අනුව අධි බලැති ජල පීඩන යන්ත්‍රයක් මිලදී ගැනීම සඳහා අලෙවි ආයතනයක් සම්බන්ධකරගත් පුද්ගලයෙකු, එම ආයතනයෙන් ලැබුනු Link (වෙබ් දිගුවක්) භාවිතා කිරීමට ගත් උත්සාහයකදී මුදල් වංචාවකට හසුව ඇත. රුපියල් එක් ලක්ෂ අටදහසක් පමණ අහිමි වී ඇති අතර වින්දිත පුද්ගලයා වයඹ පළාත් පරිගණක අපරාධ විමර්ශන ඒ්කකයට සිදුකළ පැමිණිල්ලක් අනුව  එම ඒ්කකය 2026.01.07 වන දින සැකකරු අත්අඩංගුවට ගෙන ඇත. සැකකරු වයස අවුරුදු 22 ක් වන ඉහල ගොමුගොමුව ප්‍රදේශයේ පදිංචිකරුවෙකි. වයඹ පළාත් පරිගණක අපරාධ විමර්ශන ඒ්කකය සැකකරු සම්බන්ධව වැඩිදුර විමර්ශන සිදුකරයි. “අන්තර්ජාලය හරහා යම් භාණ්ඩයක් හෝ සේවාවක් මිලදී ගැනීමේදී පහසුවෙන් මුදල් ‌ගෙවිය හැකි ආකාරයට සකස් කර ඇති වෙබ් අඩවි පමණක් භාවිතා කිරීම සුදුසු වේ.  සැක සහිත වෙබ් යොමු(Link)  තුලට යොමුවෙමින් මුදල් ගෙවීම අපහසුවෙන් සිදුකිරීමට සිදුවීම මෙන්ම එම වෙබ් අඩවි ඔ‌බේ උපාංගයේ දත්ත සඳහා ප්‍රවේශය අවසර ඉල්ලුුුවහොත් අවසර ලබාදීම, වෙනත් පාර්ශවයකට  ඔබේ බැංකු ගිණුමේ මුදල් පමණක් නොව  උපාංගයේ තැන්පත් ඔබේ පෞද්ගලික දත්ත පවා ඩැහැ ගැනීම සඳහා කරනු ලබන ආරාධනාවකි”

යුද සමයේදී එල්.ටී.ටී.ඊ (LTTE) සංවිධානය විසින් වළදමා තිබූ බවට සැකකෙරෙන යුධෝපකරණ තොගයක් වාකරේ, සම්බු කලපුව ප්‍රදේශයේ සිදුකළ සෝදිසි මෙහෙයුමකදී සොයාගන්නා ලදී. විශේෂ කාර්ය බලකා වාකරේ කඳවුරේ නිලධාරීන් කණ්ඩායමක්, වාලච්චේන ගරු මහේස්ත්‍රාත් අධිකරණයෙන් ලබාගත් නියෝගයක් මත මෙම සෝදිසි මෙහෙයුම දියත් කරන ලදී. විශේෂ කාර්ය බලකායේ ප්‍රාදේශීය අණදෙන නිලධාරී (ත්‍රිකුණාමලය) ඇතුළු නිලධාරීන් කණ්ඩායමක් විසින් සිදුකළ මෙම සෝදිසි මෙහෙයුමේදී පහත යුධෝපකරණ තොගය හමු වී ඇත:  • යුද ටැංකි නාශක RPG උණ්ඩ: 38 • RPG උණ්ඩ සඳහා භාවිතා කරන චාජර්: 37 • SFG-87 වර්ගයේ ජීව අත්බෝම්බ: 05 මෙම පුපුරණ ද්‍රව්‍ය තොගය, අධිකරණ නියෝග ප්‍රකාරව හෙට (08) දිනයේදී විශේෂ කාර්ය බලකායේ බෝම්බ නිශ්ක්‍රීය අංශය මගින් ආරක්ෂිතව විනාශ කිරීමට නියමිතයි. ප්‍රදේශයේ ආරක්ෂාව තහවුරු කරමින් ශ්‍රී ලංකා පොලිසිය සහ විශේෂ කාර්ය බලකාය නිරන්තර විමර්ශන කටයුතු සිදුකරනු ලබයි.  

ඩයලොග් මෙගා වාසනා නමැති දිනුම් ඇදීම මගින් මුදල් ත්‍යාග ලැබී ඇති බව පවසා කාන්තාවකගෙන් රුපියල් ලක්ෂ 10 ක මුදලක් වංචනික ලෙස ලබාගත් අපරාධයක් සම්බන්ධව විමර්ශන සිදුකළ පරිගණක අපරාධ විමර්ශන අංශයේ උතුරු පළාත් ඒකකය, සැකකාර කාන්තාවක් හා පිරිමි පුද්ගලයෙකු 2026.01.05 දින අත්අඩංගුවට ගෙන ඇත. වයස අවුරුදු 29 ක් වන එම සැකකාරිය හා සැකකරු මඩකලපුව ප්‍රදේශයේ පදිංචිකරුවන්ය. “යම් ඇමතුමක් හෝ කෙටි පණිවුඩයක් මගින් ඔබට හිමි ත්‍යාග මුදලක් ලබාදීම සඳහා ඔබේ බැංකු ගිණුමේ සියළු තොරතුරු ඉල්ලා සිටියහොත්, අවසානයේ මුදල් සංසරණයට අවසර ලාබදීම සඳහා බැංකුව විසින් ඔබේ දුරකථනයට යොමුකරන OTP අංකයද ඉල්ලුම් කළහොත් නිසැකවම එම උත්සහය ත්‍යාග ලබාදීමට නොව ඔබගේ බැංකු ගිණුහේ සියලු මුදල් අහිමිකිරීමට බව මතක තබාගන්න. නවීන බැංකු පහසුකම් භාවිතා කරමින් දුරස්ථව සිදුකරන මෙවැනි අපරාධවල ගොදුරක් නොවන්න.”      

2026.01.01 වන දින අළුයම අම්බලන්තොට, වලවේ ගඟ පාලම අසල මාර්ග බාධකයේ රාජකාරියේ නිරතව සිටිමින් කාර් රථයක් නවත්වා පරීක්ෂාකිරීමට උත්සාහ දරා අනතුරට ලක්ව මියගිය පොලිස් කොස්තාපල් 82615 එම්. සරත් කුමාර නිලධාරියා, පශ්චාත් උසස් කිරීමේ පදනම මත පොලිස් සැරයන් තනතුර දක්වා උසස් කිරීමට පොලිස්පති ප්‍රියන්ත වීරසූරිය මහතා කටයුතු කර ඇත.

රිය පදවාගෙන නිවසට යායුතු බව දැන දැනම වර්ෂ අවසාන රාත්‍රියේ තැන තැන බීමත්වන නොහික්මුනු ප්‍රජාවගෙන් ජීවිත ආරක්ෂාකරගත යුතුයි.  ශ්‍රී ලංකා පොලිසිය එදින රාත්‍රියේ දිවයිනේ සෑම ප්‍රධාන මාර්ගයකම පොලිස් නිලධාරීන් යෙදවීමට කටයුතු කරන ලදී. ඒ් අනුව අම්බලන්තොට පොලිස් ස්ථානයට අනුයුක්තව සේවය කරමින් සිටි පොලිස් කොස්තාපල් 82615 එම්. සරත් කුමාර නිලධාරියාද නව වසර උදාවන රාත්‍රියද රාජකාරියට කැපකරමින්  අම්බලන්තොට වලවේ ගඟ පාලම අසල මාර්ග බාධකයේ රාජකාරි නියුතුව රථ වාහන පරීක්ෂාවේ යෙදෙමින් සිටියේය. අලුයම 2.30 ට පමණ තවත් සැක සහිත කාර් රථයක් නැවැත්වීමට ඔහුගේ විදුලි පන්දම දැල්වී ඇති අතර නොසිතු විරූ ලෙස වේගය අවමකිරීමක් හෝ නොකළ එම රථය ඔහුව දරුනු ඝට්ටනයකට ලක්කර පළාගිය බව වාර්තා වීමෙන් නව වසර සතුටින් සැමරීමට සූදානමින් පසුවූ සෑම පොලිස් හදවතක්ම කම්පනයට පත්විය. හැකි විගස 1990 ගිලන් රථයකින් නිලධාරියා හම්බන්තොට මහ රෝහලට ඇතුලත් කිරීමට පියවරගෙන තිබුනද, හිසට සිදුව තිබූ බරපතල තුවාල හේතුවෙන් ඔහු මියගිය බව රෝහල විසින්  2025.01.01 වන දින උදෑසන 04.05 ට පමණ දැනුම් දෙන ලදී. 2009.02.01 දින ඇල්පිටිය පොලිස් විද්‍යාලයට ඇතුලත්ව පොලිස් සේවයට බැඳී ඇති දිවන්ගත පොලිස් කොස්තාපල් 82615 එම්. සරත් කුමාර නිලධාරියා දෙදරු පියෙකි. සූරියවැව,වීරියගම පාසල ඉදිරිපිට ස්ථිර පදිංචිරකරුවෙකු වන ඔහු හම්බන්තොට, මත්තල, සූරියවැව,චීන වරාය යන පොලිස් ස්ථානවල සේවය කර ඇත. අම්බලන්තොට පොලිස් ස්ථානයට ස්ථාන මාරුවීම් ලබා පැමිණ ඇත්තේ 2024.12.31 වන දිනයි.  කාර් රථය නිලධාරියා සමඟ සේවයේ යෙදී සිටි සිවිල් ආරක්ෂක බලකායේ 9902 සමන් බණ්ඩා නිලධාරියාගේද ගැටී ඇති අතර එම නිලධාරියාද තුවාල ලබා හම්බන්තොට මහ රෝහලේ ප්‍රතිකාර ලබමින් පසුවේ. නිලධාරීන් හප්පා පළා ගිය කාර් රථය පසුපස හෝඩුවාවන් ඔස්සේ හඹාගිය නිලධාරීන් කාර් රථය අම්බලන්තොට රිදීගම ප්‍රදේශයේ නිවසක සඟවා තිබියදී සොයාගත්හ. එදිනම සැකකාර රියදුරුද අත්අඩංගුවට ගැනීමට හැකිවූ අතර ඔහු 21 හැවිරිදි පුද්ගලයෙකු බව අනාවරණය විය. ඔහුට සැඟවීම සඳහා ආධාර අනුබල දීම මත කාන්තාවක් ඇතුලු සැකකරුවන් තිදෙනෙක්ද අත්අඩංගුවට ගත්හ. ගරු අධිකරණයට ඉදිරිපත් කිරීමෙන් අනතුරුව සැකකාර රියදුරු 2026.01.08 දක්වා රක්ෂිත බන්ධනාගාරගතකරීමට ගරු අධිකරණය නියෝග කරන ලදී. අනෙකුත් සැකකරුවන් 2026.01.02 වන අද දින අධිකරණයට ඉදිරිපත්කිරීමට නියමිතය.

2025.12.30 වන දින කොහුවල පොලිස් වසමේ බෝධියත්ත ප්‍රදේශයේ නිවසක් ඉදිරිපිටදී යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් සිදුකල වෙඩි තැබීමකින් තරුණියකට තුවාල සිදුකර මනුෂ්‍ය ඝාතනයට තැත් කිරීමේ අපරාධයට අදාල යතුරුපැදියේ පැදිකරු, ගිනි අවිය භාරව කටයුතු කල සැකකරු, ගිනි අවි ප්‍රවාහනය කළ සැකකරු හා අපරාධකරුවන්ට නවාතැන් පහසුකම් ලබාදුන් සැකකරු ඇතුළු සැකකරුවන් සිව් දෙනෙකු ගල්කිස්ස කොට්ඨාස අපරාධ විමර්ශන කාර්යංශයේ නිලධාරීන් කණ්ඩායමක් විසින් 2026.01.03 වන දින දෙහිවල පොලිස් වසමේ කළුබෝවිල ප්‍රදේශයේදී අත්අඩංගුවට ගෙන කොහුවල පොලිස් ස්ථානය වෙත ඉදිරිපත් කර ඇත.  සැකකරුවන් අවුරුදු 25, 28, 33 හා 45 වයස්වල පසුවන දෙහිවල ප්‍රදේශයේ පදිංචිකරුවන් වේ. මෙම අපරාධය සංවිධානාත්මක අපරාධකරුවන් හා මහා පරිමාණ මත්ද්‍රව්‍ය  ජාවාරකරුවන් දෙපිරිසක් අතර ඇති වූ ගැටුමක ප්‍රතිපලයක් බවට පොලිසිය විසින් දැනට සිදු කරන ලද විමර්ශනයේදී අනාවරණය කරගෙන ඇති අතර වැටලීමේදී සැකකරුවන් සන්තකයේ තිබී රිවෝල්වර් වර්ගයේ ගිනි අවි 03 ක්, 09 mm වර්ගයේ ජීව පතරොම් 10 ක්,  හෙරොයින් ග්‍රෑම් 50 ක්, අයිස් මත්ද්‍රව්‍ය ග්‍රෑම් 55 ක් හා අපරාධයට යොදා ගත් යතුරුපැදි 02 ක් ද පොලිස් භාරයට ගෙන ඇත. කොහුවල පොලිසිය වැඩිදුර විමර්ශන සිදු කරයි.

රාජකාරියට සීමා නොවුනු සේවාවක් ඉටුකරන පොලිස් ජීවිතාරක්ෂක ඒ්කකය, වෘත්තීය ජීවිතය තුල ඔවුන් ලබාගත් වෘත්තීය නිපුණත්වයන් මනාව පිළිබිඹු කරමින් මෙවරත් ජාතික ජීවිතාරක්ෂක ක්‍රීඩා තරගාවලිය ජයග්‍රහනය කරන ලදී. මෙම ජයග්‍රහනයත් සමඟ පොලිස් ජීවිතාරක්ෂක කණ්ඩායම වාර 14 ක් ජාතික ජීවිතාරක්ෂක ක්‍රීඩා තරගාවලියේ සමස්ථ ශූරතාවය ශ්‍රී ලංකා පොලිසියට හිමිකර දී ඇත. 74 වන වරට පැවැත්වුනු මෙවර ජාතික ජීවිතාරක්ෂක ක්‍රීඩා තරගාවලිය සඳහාද නාවික හමුදාව, ගුවන් හමුදාව ඇතුලු දිවයිනේ ප්‍රමුඛ පෙලේ ජීවිතාරක්ෂක කණ්ඩායම් 12 ක් සහභාගී වී ප්‍රභල තරඟයක් දැකගත හැකිවිය. තරඟාවලිය 2025/12/27,28 දෙදින ඉසව් 19 ක් ඔස්සේ ශ්‍රී ජයවර්ධනපුර විශ්ව විද්‍යාල පිහිනුම් තටාකයේදී හා ගල්කිස්ස වෙරළ තීරයේදී පැවැත්වුනි. “දිට්වා” සුළි කුණාටුවෙන් විපතට පත්වූවන් වෙනුවෙන් වෙහෙස වී, උත්සව සමයේ සාමාන්‍ය පොලිස් රාජකාරිවලද නිරතවී, පසුබට නොවී තරඟ දෙදින තුල උපරිිම දක්ෂතාවයන් දක්වමින් ජයග්‍රහණය හිමිකරගැනීමට සමත්වීම ප්‍රසංසණීය ලෙස ශ්‍රී ලංකා පොලිසියේ සහෝදර නිලධාරීන් අගය කරන්නෙමු. පොලිස් ජල ක්‍රීඩා සභාපති නියෝජ්‍ය පොලිස්පති රෝෂාන් විජේසිංහ මහතාගේ හා ක්‍රීඩා කොට්ඨාස අධ්‍යක්ෂ ජ්‍යෙෂ්ඨ පොලිස් අධිකාරි පින්නදුව මහතාගේ අධීක්ෂණය මත පොලිස් ජීවිතාරක්ෂක ක්‍රීඩා ලේකම් ජ්‍යෙෂ්ඨ පොලිස් අධිකාරි සි.සි බමුණුආරච්චි, පුහුණුකරු ප්‍රධාන පොලිස් පරික්ෂක පි.එම්.කේ ජයවර්ධන, පොලිස් ජීවිතාරක්ෂක ක්‍රීඩා කළමනාකාර කාන්තා උප පොලිස් පරික්ෂක ජෙ.එම් ජයසුරිය යන මහත්ම මහත්මීන් යටතේ පොලිස් ජල ක්‍රීඩා කණ්ඩයමට නායකත්වය දෙනු ලබයි.