Tharindu Withanage – Page 6

புதிய பொலிஸ்மா அதிபர் ஜனாதிபதி அநுரகுமார திசாநாயக்கவை சந்தித்தார்

Tharindu Withanage / September 1, 2025

இலங்கையின் புதிய பொலிஸ்மா அதிபர், சட்டத்தரணி பிரியந்த வீரசூரிய அவர்கள், 2025 ஆகஸ்ட் 15 ஆம் திகதி மாலை, ஜனாதிபதி அலுவலகத்தில் ஜனாதிபதி கௌரவ அநுரகுமார திசாநாயக்கவை உத்தியோகபூர்வமாக சந்தித்தார். இந்த சந்திப்பின்போது, ஜனாதிபதி புதிய பொலிஸ்மா அதிபருக்கு தனது வாழ்த்துக்களைத் தெரிவித்தார். இச்சந்திப்பு நினைவாகும் வகையில், பொலிஸ்மா அதிபரால் ஜனாதிபதிக்கு நினைவுச் சின்னம் ஒன்று வழங்கப்பட்டதுடன், மரியாதையும் செலுத்தப்பட்டது. மேலும், சந்திப்பின் போது இருவருக்குமிடையில் சுமூகமான கலந்துரையாடல் இடம்பெற்றது.

Special Events - TA

இலங்கையின் 37வது பொலிஸ்மா அதிபராக பிரியந்த வீரசூரிய அவர்கள் பொறுப்பேற்றார்

Tharindu Withanage / September 1, 2025

இந் நாட்டின் சட்டம் மற்றும் ஒழுங்கைப் பாதுகாப்பதற்கு உறுதிப்பூண்டுள்ள இலங்கை பொலிஸ் துறைக்கு, சிறந்த தலைமைத்துவப் பொறுப்பை ஏற்றுக்கொண்ட பொலிஸ்மா அதிபர் சட்டத்தரணி பிரியந்த வீரசூரிய அவர்கள் 2025 ஆகஸ்ட் 14 ஆம் திகதி காலை, இலங்கை சனநாயக சோசலிச குடியரசின் 37 ஆவது பொலிஸ்மா அதிபராக தனது கடமையை உத்தியோகப்பூர்வமாக ஆரம்பித்துள்ளார். பொலிஸ்மா அதிபர், கொழும்பு 02 இல் அமைந்துள்ள பொலிஸ் தலைமையகத்தில், பொலிஸ் மற்றும் பொலிஸ் விசேட அதிரடிப் படையின் மறியாதை அணிவகுப்பை ஏற்றுக்கொண்டதுன், பௌத்த மதகுருமார்கள் மற்றும் பிற மதத் தலைவர்களின் ஆசிர்வாதங்களுடன் சுப நேரத்தில் தனது கடமையை அதிகாரபூர்வமாக ஆரம்பித்துள்ளார். புதிய பொலிஸ்மா அதிபர் நிகழ்வில் உரையாற்றியபோது, தனது பல ஆண்டுகால பொலிஸ் சேவையில் எதிர்கொண்ட சவால்களையும், சேவைக்கான அர்ப்பணிப்பையும் நினைவுகூர்ந்தார். மேலும், குற்றங்களை ஒழிக்க புதிய செயல்முறைகளை முன்னெடுத்து, பொலிஸ் சேவையை மேலும் வலுப்படுத்துவதற்கான திட்டங்களை செயல்படுத்தவுள்ளதாகவும் தெரிவித்தார். அத்துடன், இலங்கை பொலிஸ் மற்றும் பொதுமக்களுக்கிடையேயான நம்பிக்கையை மீட்டெடுத்து, பொலிஸ் சேவையை மேலும் மதிப்புமிக்க, மக்களிடம் செவிகொடுக்கக்கூடியதாக மாற்றங்களை ஏற்படுத்தும் நோக்கத்துடன், தேவையான மாற்றங்களை மேற்கொள்வது தொடர்பாகவும் உறுதி அளித்தார்.

Special Events - TA

இலங்கையின் 37ஆவது பொலிஸ் மா அதிபராக சட்டத்தரணி திரு. பிரியந்த வீரசூரிய நியமனம்

Tharindu Withanage / September 1, 2025

சிரேஷ்டப் பிரதிப் பொலிஸ் மா அதிபர் சட்டத்தரணி திரு. பிரியந்த வீரசூரிய அவர்கள், அரசியலமைப்புச் சபையின் அனுமதியுடன், கௌரவ ஜனாதிபதி அநுரகுமார திசாநாயக்க அவர்களால் இலங்கை சனநாயக சோசலிச குடியரசின் 37 ஆவது பொலிஸ் மா அதிபராக நியமிக்கப்பட்டுள்ளார். அதற்கமைய, 2025 ஆகஸ்ட் 14ஆம் திகதி, கொழும்பு 02இல் அமைந்துள்ள பொலிஸ் தலைமையகத்தில் புதிய பொலிஸ் மா அதிபராக சட்டத்தரணி திரு. பிரியந்த வீரசூரிய அவர்கள் தனது கடமையை உத்தியோகபூர்வமாக பொறுப்பேற்றார். 37ஆவது பொலிஸ் மா அதிபராக அவருடைய நியமனம், இலங்கைப் பொலிசிற்கான ஒரு சிறப்பான மைல்கல்லாகவே கருதப்படுகிறது. அதன் காரணம், இலங்கைப் பொலிசில் ஆட்சேர்ப்பு செய்யும் மூன்று நிலைகளிலும் இணைந்து பயிற்சி பெற்ற ஒரே அதிகாரியாக இருப்பதோடு, பொலிஸ் மா அதிபராக நியமிக்கப்பட்டுள்ளமை ஆகும். 1969 பெப்ரவரி 09ஆம் திகதி பிறந்த பிரியந்த லியன் ஆரச்சிகே சமன் பிரியந்த அவர்கள், தொடாங்கொடை நேஹின்ன முதல்நிலைப் பாடசாலையில் தொடக்கக் கல்வியையும், இடைநிலைக் கல்வியை களுத்துறை ஞானோதயம் மகா வித்தியாலயத்தில் கற்றுக்கொண்டார். கல்விக் கற்கும் போதே இலங்கைப் பொலிஸ் துறையை தனது வாழ்க்கைப் பாதையாகத் தேர்ந்தெடுத்து, 1988 மே 20 ஆம் திகதி கனிஷ்டப் பொலிஸ் பதவியில் பொலிஸ் சேவையில் சேர்ந்தார். மேலும், 1990ஆம் ஆண்டு க.பொ.த (உ/த) பரீட்சையில் சித்தியடைந்து, கொழும்பு பல்கலைக்கழகத்தின் சட்ட பீடத்திற்குத் தகுதிப்பெற்றார். 1992 ஆம் ஆண்டு உப பொலிஸ் பரிசோதகர் பதவியில் நேரடி ஆட்சேர்ப்பில் பயிலுநர் உப பொலிஸ் பரிசோதகராக இணைந்தார். பொலிஸ் சேவையில் இருந்தபோதே, 1993 ஆம் ஆண்டு சட்டப் பீடத்தில் சட்டப் பட்டப்படிப்பை ஆரம்பித்து, 1998 ஆம் ஆண்டு வெற்றிகரமாக நிறைவு செய்தார். 1999 ஆம் ஆண்டு தனது சட்டப் பட்டப்படிப்பை அடிப்படையாகக் கொண்டு, பயிலுநர் உதவிப் பொலிஸ் அத்தியட்சகராக நேரடியாக பொலிஸ் சேவையில் இணைந்து, அடிப்படை பயிற்சியின்போது கௌரவ உயர் நீதிமன்றத்தில் பிரசித்த நொத்தாரிசாக, சத்தியப்பிரமாண ஆணையராக, மற்றும் சட்டத்தரணியாகவும் சத்தியப்பிரமாணம் செய்துகொண்டார். மேலும், கொழும்பு பல்கலைக்கழகத்தில் மனிதவள முகாமைத்துவம் தொடர்பான வணிக நிர்வாகத்தில் முதுகலை பட்டமும் பெற்றுள்ளார். 2007ஆம் ஆண்டு பொலிஸ் அத்தியட்சகராகவும், 2012ஆம் ஆண்டு சிரேஷ்ட பொலிஸ் அத்தியட்சகராகவும், 2016 ஆம் ஆண்டு பிரதிப் பொலிஸ் மா அதிபராகவும், 2020ஆம் ஆண்டு சிரேஷ்ட பிரதிப் பொலிஸ் மா அதிபராகவும் பதவி உயர்வு பெற்றுள்ளார். திரு. பிரியந்த வீரசூரிய அவர்களின் 37 வருட சேவையில், பல செயல்பாட்டு பிரிவுகளில் பணிப்பாளராகவும், பிராந்திய மற்றும் மாகாணங்களுக்குப் பொறுப்பான அதிகாரியாகவும் கடமையாற்றியுள்ளார். நிர்வாகக் கடமைகளிலும் மேலதிக பொறுப்புகளிலும் திறமைசாலியாகவும் அனுபவமிக்கவராகவும் திகழ்கிறார். 2024 செப்டெம்பர் 27ஆம் திகதி, பதில் பொலிஸ் மா அதிபராக அரசியலமைப்புச் சபையின் அனுமதியுடன் கௌரவ ஜனாதிபதி அவர்களால் நியமிக்கப்பட்டார். பொலிஸ் சேவையின் பல்வேறு தேவைகள் மற்றும் உட்கட்டமைப்பு வசதிகள் தொடர்பாக ஆய்வுகளை மேற்கொண்டு, பல திட்டங்களை தீவிரமாகச் செயல்படுத்தியுள்ளார். அதன் விளைவாக, பொலிஸ் உத்தியோகத்தர்களின் நலன்கள் குறித்து கூடுதல் கவனம் செலுத்தப்பட்டு, சீருடைகள், விளையாட்டு சீருடைகள், பாதணிகள், மற்றும் விசேட கடமைக்கான படுக்கைப் பொருட்கள் போன்றவை வழங்குவதற்கான முக்கியத்துவத்தையும் வழங்கியுள்ளார். பதில் பொலிஸ் மா அதிபராகச் செயல்பட்ட காலத்தில், சர்வதேச பொலிசாருடன் இராஜதந்திர மட்டத்தில் நற்பிரதி பேணியதுடன், வெளிநாடுகளில் குற்றவாளிகளை கைது செய்து நாட்டுக்குள் கொண்டுவரும் பணியில் சிறப்பாக செயல்பட்டுள்ளார். கனிஷ்ட மற்றும் பரிசோதகர் நிலைகளில் ஆட்சேர்ப்பு செய்வதற்கான நடவடிக்கைகள், பதவி உயர்வுகளில் ஏற்பட்ட சிக்கல்களுக்கு தீர்வுகள் என்பவற்றையும் அவர் முன்னெடுத்துள்ளார். மேலும்: • பொது மக்களுக்கான உதவிச் சேவைகள் • பொது மக்கள் குறைகேள் தினங்களை நடாத்தல் • Whatsapp இலக்கத்தை அறிமுகப்படுத்தல் • Gopay திட்டம் • மாகாண அளவிலான குற்ற விசாரணைப் பிரிவுகள் • பொலிஸ் உத்தியோகத்தர்களின் சேவைத்தர மேம்பாடுகள் என்றவையும் செயல்படுத்தியமை சிறப்பம்சமாகும். மேலும், பொலிஸ் உத்தியோகத்தர்களின் கடமைகளை முறையாக கண்காணித்து பலவீனமான உத்தியோகத்தர்களை அடையாளம் காணுதல் மற்றும் ஊழல் செய்யும் உத்தியோகத்தர்களை சேவையிலிருந்து நீக்குதல் போன்ற நடவடிக்கைகளை செயல்படுத்துவதற்காகவும் பொலிஸ் துறையினை மேம்படுத்துவதும் இவரின் நீண்டகால திட்டமாகும். அதற்காக பொதுமக்கள் பாதுகாப்பு மற்றும் பாராளுமன்ற அலுவல்கள் அமைச்சின் வழிகாட்டலுக்கமைய எளிய தீர்வுகளுக்குப் பதிலாக திருமணமான பொலிஸ் உத்தியோகத்தர்களின் உத்தியோகப்பூர்வ இல்லங்களை அதிகரிப்பதற்காகவும் புதிய குடியிருப்புகளை கொள்வனவு செய்வதற்கான நடவடிக்கை எடுக்கப்பட்டுள்ளதுடன், அதற்கான நீண்டகால தீர்வினை பெற்றது சிறப்பான பணியாக கருதப்படுகின்றது. பிரியந்த வீரசூரிய அவர்கள் ஐக்கிய அமெரிக்காவில் உத்தியோகத்தர்களின் உயிர் பாதுகாப்பு தொடர்பான பயிற்சி பாடநெறியும், பங்காளதேஷில் நீண்ட தூர பாதுகாப்பு பயிற்சிப் பாடநெறியும், வியட்நாம் மற்றும் அவுஸ்திரேலியாவில் சட்டத்தை நடைமுறைப்படுத்தல் மற்றும் முகாமைத்துவ பயிற்சியும் தாய்லாந்தில் முகாமைத்துவம் மற்றும் நிருவாகப் பயிற்சியும், மலேசியாவில் செயல்முறைப்படுத்தல் மற்றும் மதிப்பீடு செய்தல் தொடர்பான பாடநெறியும், ரஷ்யாவில் பாதுகாப்பு தொழிநுட்பம் தொடர்பான பயிற்சி நெறியும், அமெரிக்காவில் White Collar Crime தொடர்பான பயிற்சி நெறியும், றோயல் மலேசியா பொலிசில் செயற்கை நுண்ணறிவு மற்றும் தலைமைத்துவ பாடநெறிகள் உள்ளிட்ட வெளிநாட்டு மற்றும் உள்நாட்டு பயிற்சி பாடநெறிகளையும் அவர் வெற்றிகரமாக முடித்துள்ளார். மேலும், 2008 இலிருந்து 2011 வரை கிழக்கு திமோர் மற்றும் ஹைட்டியில் ஐக்கிய நாடுகள் நடவடிக்கைகளுக்கு தனது பங்களிப்பினையும் வழங்கியுள்ளார். இலங்கை பொலிசில் பல்வேறு பதவிகளில் தனது கடமையினை வகித்தது மாத்திரமின்றி உண்மையாகவும் நேர்மையாகவும் பொறுப்புணர்வுடனும் பொலிஸ் சேவையில் கடமையாற்றிய திறமையான உத்தியோகத்தரான சட்டத்தரணி பிரியந்த வீரசூரிய அவர்கள் இந்நாட்டின் 37 ஆவது பொலிஸ்மா அதிபர் என்பதும் குறிப்பிடத்தக்கது.

Special Events - TA

ஊவா மாகாண பொலிஸ் உத்தியோகத்தர்களுக்காக புதிதாக நிர்மாணிக்கப்பட்டுள்ள நிருவாக கட்டடம் மற்றும் உடற்பயிற்சி நிலையம் திறந்து வைக்கப்பட்டுள்ளது

Tharindu Withanage / September 1, 2025

பொதுமக்கள் பாதுகாப்பு மற்றும் பாராளுமன்ற அலுவல்கள் அமைச்சர் கௌரவ திரு. ஆனந்த விஜேயபால அவர்கள் மற்றும் பதில் பொலிஸ்மா அதிபர் சட்டத்தரணி திரு. பிரியந்த வீரசூரிய ஆகியோரால் நாடளாவிய ரீதியில் பொலிஸ் உத்தியோகத்தரகளுக்கு தெளிவுப்படுத்தும் நிகழ்வுகள் தொடர்ச்சியாக நடாத்தப்பட்டு வருகின்றனர். அதற்கமைய ஊவா மாகாணத்தில் 48 பொலிஸ் நிலையங்களில் கடமையாற்றும் 400 பொலிஸ் உத்தியோகத்தர்களுக்கும் இதன்போது பொலிஸ் கடமைகள் தொடர்பாக தெளிவுப்படுத்தப்பட்டுள்ளதுடன், அவர்கள் எதிர்கொள்ளும் பிரச்சனைகள் தொடர்பாகவும் கவனம் செலுத்தப்பட்டது. இவ் நிகழ்ச்சித்திட்டம் நிறைவுப் பெற்றதைத் தொடர்ந்து 18 மில்லியன் ரூபாய் நிதி ஒதுக்கீட்டில் நிர்மாணிக்கப்பட்ட திவுலபெலெஸ்ஸ பொலிஸ் நிலையத்தின் புதிய கட்டடத்தை கௌரவ அமைச்சர் அவர்கள் திறந்து வைத்துள்ளார். இந் நிகழ்வின் போது மக்கள் பாதுகாப்பு மற்றும் பாராளுமன்ற அலுவல்கள் அமைச்சின் கௌரவ செயலாளர் திரு. ரவி செனவிரத்ன அவர்கள், ஊவா மாகாணத்திற்கு பொறுப்பான சிரேஷ்டப் பிரதிப் பொலிஸ்மா அதிபர் திரு. மகேஸ் செனவிரத்ன, பதுளை பிராந்தியத்திற்குப் பொறுப்பான பிரதிப் பொலிஸ்மா அதிபர் லக்ஶ்ரீ விஜேசேன அவர்கள், மொனராகலை பிராந்தியத்திற்கு பொறுப்பான பிரதிப் பொலிஸ்மா அதிபர் நிஹால் தல்துவ அவர்கள் உட்பட பதுளை, பண்டாரவலை மற்றும் மொனராகலை ஆகிய பொலிஸ் அத்தியட்சர் பிரிவுகளுக்கு பொறுப்பான உத்தியோகத்தர்களும், உயர் அதிகாரிகள் பலரும் கலந்துக் கொண்டனர். மேலும், பொலிஸ் உத்தியோகத்தர்களின் உடற்தகுதி மற்றும் மன ஆரோக்கியத்தை பேணுவதை நோக்கமாகக் கொண்டு ஊவா மாகாண பொலிஸ் உத்தியோகத்தர்களுக்காக பதுளை பொலிஸ் நிலைய வளாகத்தில் நிர்மாணிக்கப்பட்டுள்ள புதிய உடற்பயிற்சி உபகரணங்களுடன், உடற்பயிற்சி நிலையமொன்றை பதில் பொலிஸ்மா அதிபர் அவர்கள் திறந்து வைத்துள்ளார். இவ் உடற்பயிற்சி நிலையத்திற்கு தகுதிப்பெற்று பயிற்சியாளர் ஒருவர் நியமிக்கப்பட்டுள்ளதுடன், இந் நிகழ்வில் ஊவா மாகாணத்திற்கு பொறுப்பான சிரேஷ்டப் பிரதிப் பொலிஸ்மா அதிபர் மகேஷ் சேனாரத்ன அவர்கள் மற்றும் உயர் அதிகாரிகளும் கலந்து கொண்டனர்.

Special Events - TA

ஊவா மாகாண பொலிஸ் உத்தியோகத்தர்களுக்காக புதிதாக நிர்மாணிக்கப்பட்டுள்ள நிருவாக கட்டடம் மற்றும் உடற்பயிற்சி நிலையம் திறந்து வைக்கப்பட்டுள்ளது

Tharindu Withanage / August 29, 2025

Notable Services - TA

“109 க்கு அழையுங்கள்” உங்களைத் தெளிவுப்படுத்த எங்களின் நடைப்பயணம்.

Tharindu Withanage / August 26, 2025

சிறுவர்கள் மற்றும் பெண்களுக்கு எதிரான வன்முறைகள் போன்று அவர்கள் முகம் கொடுக்கும் பிரச்சனைகள் தொடர்பாக முறைப்பாடுகள் செய்வதற்காக சிறுவர் மற்றும் மகளீர் துஷ்பிரயோக தடுப்பு விசாரணைப் பணியகத்தில் ஸ்தாபிக்கப்பட்டுள்ள அவசர அழைப்பு இலக்கம் “109” தொடர்பாக பொது மக்கள் அவதானத்தை செலுத்தும் நோக்கில், சிறுவர் மற்றும் மகளீர் துஷ்பிரயோக தடுப்பு விசாரணைப் பணியகத்தினால் ஒழுங்குசெய்யப்பட்ட நடைப்பயணமானது 19.07.2025 ஆந் திகதி மாலை வேளையில் கொழும்பு ஆமர் வீதியிலிருந்து காலி முகத்திடல் வரை நடைபெற்றது. சிறுவர் மற்றும் மகளீர் துஷ்பிரயோக தடுப்பு மற்றும் விசாரணைப் பணியகத்தின் பிரதிப் பொலிஸ்மா அதிபர் திருமதி. ரேணுகா ஜயசுந்தர அவர்களின் தலைமையில் ஆரம்பிக்கப்பட்டதுடன், அப் பணியகத்தின் உதவிப் பொலிஸ் அத்தியட்சகர் மெரில் ரஞ்சன் லமா ஹேவா அவர்களும், கம்பஹா, களனி, மத்திய கொழும்பு, கொழும்பு தெற்கு, பாணந்துறை, எல்பிட்டி, காலி, மாதறை, தங்கல்லை மற்றும் குளியாபிட்டி ஆகிய பொலிஸ் பிரிவுகளில் கடமையாற்றும் சிறுவர் மற்றும் மகளீர் துஷ்பிரயோக தடுப்பு மற்றும் விசாரணைப் பணியகங்களில் கடமையாற்றும் 350 பொலிஸ் உத்தியோகத்தர்கள் கலந்துகொண்டனர். நடைப்பயணமானது ஆமர்வீதியில் அமைந்துள்ள சிறுவர் மற்றும் மகளீர் துஷ்பிரயோக தடுப்பு மற்றும் விசாரணைப் பணியகத்திற்கு அருகாமையில் மாலை 2.00 மணியளவில் ஆரம்பிக்கப்பட்டு மருதானை ஊடாக கொழும்புக் கோட்டை புகையிரத நிலையம் முன்பாகவும், காலி முகத்திடல் வரை சென்றதுடன் “109” விசேட செயற்பாட்டு அறை தொடர்பாகவும் மற்றும் சிறுவர், பெண்களுக்கு எதிரான வன்முறைகளை தடுப்பதற்கான வழிமுறைகள் தொடர்பாகவும் துண்டுபிரசுரம் வழங்கிவைக்கப்பட்டுள்ளதுடன், காட்சிகள் ஊடாக விழிப்புணர்வுகளை மேற்கொண்டு, வீதி நாடகங்கள் மற்றும் காலி முகத்திடலில் நடாத்தப்பட்ட விஷேட நிகழ்ச்சிகளினூடாக பொது மக்களை தெளிவுப்படுத்தும் நிகழ்வுகளும் நடைபெற்றது.

Notable Services - TA

கொழும்பு போக்குவரத்து தலைமையகத்தின் உத்தியோகத்தர்கள் இம்முறை கொழும்பு ஆனந்த கல்லூரிக்கு வருகை

Tharindu Withanage / August 26, 2025

போக்குவரத்துக் கட்டுப்பாடு மற்றும் வீதிப் பாதுகாப்புப் பிரிவின் பணிப்பாளர் சிரேஷ்டப் பொலிஸ் அத்தியட்சகர் திரு. மனோஜ் ரனகல அவர்களின் தலைமையில் 11.07.2025 அன்று கொழும்பு ஆனந்த கல்லூரியின் மாணவர்களுக்கு போக்குவரத்துச் சட்டம் மற்றும் வீதிகளில் பாதுகாப்பாக பயணிப்பது தொடர்பான தெளிவூட்டல்கள் நடாத்தப்பட்டது. இந் நிகழ்வில் போக்குவர்த்து பொலிஸ் உத்தியோகத்தர்களும் கலந்துக் கொண்டனர். போக்குவரத்துக் கட்டுப்பாடு மற்றும் வீதி பாதுகாப்பு தொடர்பாக நிபுணத்துவம் கொண்ட விரிவுரையாளரான கல்வியற் பிரிவின் பொறுப்பதிகாரி பொலிஸ் பரிசோதகர் ரவீன் சுமனரத்ன அவர்களும் ஓட்டுநர் பாடசாலையின் பொறுப்பதிகாரி உப பொலிஸ் பரிசோதகர் தயால் காரியவசம் ஆகியோரால் ஆனந்த கல்லூரி பிரதான மண்டபத்தில் நடாத்தப்பட்ட விரிவுரைகள் மற்றும் வீதி காட்சிகள், நடைமுறை செயற்பாடுகளும் இடம்பெற்றன. இந் நிகழ்வானது காலை முதல் மாலை வரை சுமார் 05 மணித்தியாலங்கள் வெற்றிகரமாக முன்னெடுக்கப்பட்டதுடன், பாடசாலை அதிபர் லால் திசாநாயக அவர்களால் ஒழுங்கு செய்யப்பட்டு 3000 இற்கும் மேற்பட்ட பாடசாலை மாணவர்கள் மற்றும் ஆசிரியர்கள் பங்குபற்றினர். பாடசாலைக்கு வருகைத்தரும் மாணவர்கள் ஒவ்வொருவரும் காலையில் ஆனந்த கல்லூரிக்கு முன்னால் வாகனங்களை செலுத்து முறைமை தொடர்பாக மாணவர்களுக்கு முக்கியமான தகவல்களை வழங்கியதோடு, மோட்டார் சைக்கிளில் வரும் மாணவர்கள் பாதுகாப்புக்கான தலைக்கவசம் அணிவதன் அவசியத்தையும், வீதியை கடக்கும் போது பாதசாரிகளின் முக்கியத்துவத்தையும் விரிவாக மற்றும் தெளிவாக எடுத்துரைப்பதற்கான நடவடிக்கைகள் மேற்கொள்ளப்பட்டுள்ளன. இந்த நிகழ்வுக்காக Fairfirst Insurance என்ற தனியார் நிறுவனம் அனுசரணை வழங்கியதுடன், சொற்பொழிவின்போது போக்குவரத்து பொலிஸ் அதிகாரிகள் எழுப்பிய வினாக்களுக்கு சரியான பதில்கள் வழங்கிய ஆனந்த கல்லூரியின் மாணவர்களுக்கு போக்குவரத்து தலைமையக உத்தியோகத்தர்களால் பெறுமதிமிக்க பரிசில்களும் வழங்கப்பட்டன.

Notable Services - TA

எசல பௌர்ணமி தினத்தை முன்னிட்டு பொலிஸ் மேலதிகப் படைத் தலைமையகத்தில் அன்னதானம் வழங்கும் நிகழ்வு.

Tharindu Withanage / August 25, 2025

எசல பௌர்ணமி போயா தினத்தை முன்னிட்டு 10.07.2025 ஆந் திகதி காலை வேளையில் பொலிஸ் மேலதிகப் படைத் தலைமையகத்தில் பௌத்த சமய நிகழ்வுகள் இடம்பெற்றது. சமய நிகழ்வானது பொலிஸ் மேலதிகப் படைத் தலைமையகத்திற்கு பொறுப்பான பிரதிப் பொலிஸ்மா அதிபர் ஜகத் சந்திரசேன அவர்களின் தலைமையிலும், பொலிஸ் மேலதிகப் படைத் தலைமையகத்தின் கட்டளையிடும் அதிகாரி பெண் சிரேஷ்டப் பொலிஸ் அத்தியட்சகர் தர்ஷிகா குமாரி அவர்கள் மற்றும் பொலிஸ் உத்தியோகத்தர்கள் இணைந்து பௌத்த சமய நிகழ்வை ஏற்பாடு செய்தனர். இந் நிகழ்வின் போது பொதுமக்களுக்கு அன்னதானமும் வழங்கிவைக்கப்பட்டது.

Notable Services - TA

ரூபாய் 5 இலட்சம் பெறுமதியான நன்கொடை கொக்கல்ல மகா வித்தியாலயத்திற்கு

Tharindu Withanage / August 23, 2025

The Library Association of Sri Lanka Police visited Koggalla Maha Vidyalaya in the Ambalantota Police area of the Tangalle Police Division on 04.07.2025 to fulfill the needs of its library. Every police officer currently in service contributes a small portion of their salary each month to the Library Association. From these contributions, funds are allocated to enhance library facilities at all police divisions across the island and to support various charitable initiatives. This charitable activity, organized under the coordination of the Police Sergeant Jeevan Sampath of the Executive Committee of the Library Association, was successfully carried out with the intervention of the Senior Superintendent of Police in charge of the Tangalle Division, Mr. Upula Seneviratne. Accordingly, a donation of books, stationery, and educational materials valued at over 500000 rupees was made to Koggalla Maha Vidyalaya. Superintendent of Police, Mr. Jayatissa, the Vice President of the Library Association, the Executive Members of the Library Association, the Officer in Charge of the Ambalantota Police Station and other officers participated in this event. Along with this, the Prefects Investiture Ceremony was also held, and the keynote speech of the occasion was made by the Sub Inspector of Police, Mr. Abeysinghe of the Police Media Division, who is known as an eloquent speaker and announcer.

Special Events - TA

பணம் தூயதாக்கலுக்கெதிராக மற்றும் பயங்கரவாத்திற்கு நிதியளித்தலை ஒழித்தல் தொடர்பான புரிந்துணர்வு ஒப்பந்தம் கைச்சாத்திடப்பட்டது.

Tharindu Withanage / August 17, 2025

பணம் தூயதாக்கலுக்கெதிரான மற்றும் பயங்கரவாத்திற்கு நிதியளித்தலை ஒழித்தல் தொடர்பாக மேற்கொள்ளப்படும் விசாரணைகளுடன் தொடர்புடைய தகவல்களை பகிர்ந்துகொள்வதற்காக இலங்கை பிணையங்கள் பரிவர்த்தனை ஆணைக்குழு மற்றும் இலங்கை பொலிசாருக்கு இடையிலான இருதரப்பு புரிந்துணர்வு ஒப்பந்தத்தில் கையொப்பமிடும் நிகழ்வானது 07.08.2025 ஆந் திகதியன்று பொலிஸ் தலைமையகத்தில் இடம்பெற்றுள்ளது. இப் புரிந்துணர்வு ஒப்பந்தத்தில் இலங்கை பிணையங்கள் பரிவர்த்தனை ஆணைக்குழுவின் பணிப்பாளர் திரு. சிந்தக மென்டிஸ் அவர்களும் பதில் பொலிஸ்மா அதிபர் சட்டத்தரணி திரு. பிரியந்த வீரசூரிய அவர்களும் உத்தியோகப்பூர்வமாக கையொப்பமிட்டனர்.

Author name: Tharindu Withanage