Special Events – SI

දිවයින පුරා විසිරී සිටින ක්‍රීඩා කෞෂලයන්ගෙන් හෙබි පොලිස් නිලධාරීන් අතරින් ජාත්‍යන්තර කෙළිබිම සඳහා සන්නද්ධ කළ හැකි ක්‍රීඩා තරු හදුනාගැනීම අරමුණ කරගනිමින් පවත්වන ශ්‍රී ලංකා පොලිසියේ අන්තර් කොට්ඨාස මළල ක්‍රීඩා උළෙල මෙවර තෙදිනක් පුරා පොලිස්පතිතුමාගේ ප්‍රධානත්වයෙන් බම්බලපිටිය ක්ෂේත්‍ර බලකා මූලස්ථාන‌ ක්‍රීඩාංගණයේදී පැවැත්වීමට සියලු කටයුතු සූදානම්. පොලිස්පති නීතිඥ ප්‍රියන්ත වීරසිංහ මහතාගේ නායකත්වය යටතේ ශ්‍රී ලංකා පොලිසියේ 84 වන අන්තර් කොට්ඨාස මළල ක්‍රීඩා උළෙල ලෙස සනිටුහන් වන මෙවර උළෙලේ සමාරම්භක උත්සවය 2025.09.12 වන අද දින උදෑසන පොලිස්පතිතුමන්ගේ ප්‍රධානත්වයෙන් ක්‍රීඩා ප්‍රතිඥාව ලබාදීමෙන් අනතුරුව ක්‍රීඩා නායකයින් වන පොලිස් කොස්තාපල් 90433 විජේතුංග නිලධාරියා සහ කාන්තා පොලිස් කොස්තාපල් 7109 සචිත්‍රා හර්ෂණී නිලධාරිනිය විසින් ගිනි සිළුව දැල්වීමත් සමඟ ආරම්භ විය.  කාන්තා, පිරිමි මීටර් 200 මූලික වටයේ තරඟ, උස පැනීම, දුර පැනීම සහ කඹ ඇදීම වැනි පිටිය හා ජවන තරඟ ඉසව් සමාරම්භක දිනය පුරා පැවැත්වීමට නියමිතය.

අප මාතෘ භූමියේ බියෙන් හා සැකයෙන් තොරව ජීවත්වීමට හැකි පරිසරය පවත්වාගැනීමට මෙන්ම මහජනතාවට එදිනෙදා ජීවිතයේදී අවශ්‍ය වන පොලිස් සේවා දිවා රැය නොබලා සැලසීම උදෙසා දිවුරුම් දෙමින්, මාස 08 කට ආසන්න කාලයක් කළුතර පොලිස් විදු මව් සෙවණේ සිය මූලික පුහුණුව සම්පූර්ණ කළ ආධුනික පොලිස් කොස්තාපල්වරුන් 396 දෙනෙක් ඔවුන් අනුයුක්ත කළ පොලිස් ස්ථාන වෙත 2025.09.09 වන අද දින සාඩම්බරව විසිර ගියහ. මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජයපාල මහතාගේ ප්‍රධානත්වයෙන්, මහජන ආරක්ෂක අමාත්‍යංශ ලේකම් රවී සෙනෙවිරත්න මහතාගේ සහ පොලිස්පති නීතිඥ ප්‍රියන්ත වීරසූරිය මහතාගේ සහභාගීත්වයෙන් විසිරයාමේ උත්සවය කළුතර පොලිස් විද්‍යාලයේ අළුවිහාර ක්‍රීඩාංගණයේදී අභිමානවත් ලෙස පැවැත්වුනි. පොලිස් කොස්තාපල්වරුන් 367 දෙනෙකුගෙන් සහ පොලිස් කොස්තාපල් රියදුරන් 29 දෙනෙකුගෙන් සමන්විත වූ ඇණි 12 කින් සමන්විත වූ මෙවර විසිරයාමේ උළෙලේ සම්මාන පෙළපාලිය ප්‍රධාන අණදෙන නිලධාරී ලෙස මෙහෙයවනු ලැබුවේ කොළඹ මධ්‍යම කොට්ඨාසයේ සහකාර පොලිස් අධිකාරී මිනුර සෙනරත් මහතා විසින්ය. දෙවන අණදෙන නිලධාරීවරයා ලෙස කළුතර පොලිස් විද්‍යාලයේ ස්ථානාධිපති ප්‍රධාන පොලිස් පරීක්ෂක බුද්ධීන් චන්ද්‍රදීප් මහතා කටයුතු කරන ලදී. සම්මාන පෙළපාලිය නිමාවීමෙන් අනතුරුව පුහුණුකාලය තුල කැපී පෙනෙන අයුරින් විශිෂ්ඨ දස්කම් දැක්වූ නිලධාරීන් උදෙසා කාණ්ඩ 05 ක් යටතේ ත්‍යාග සහ සහතික පත් ගරු අමාත්‍යතුමන්ගේ සහ පොලිස්පතිතුමන්ගේ සුරතින් පිළිගැන්වුනි.  * අති දක්ෂතම පොලිස් නිලධාරියා ලෙස ආධුනික පොලිස් කොස්තාපල් 107351 සී.බී.කේ.ආර්. නෙත්කැළුම්, * නීතිය පිළිබඳව දක්ෂතම ආධුනික නිලධාරීයා ලෙස ආධුනික පොලිස් කොස්තාපල් 107257 බී.ඩී.කේ. සම්පත්, * දක්ෂතම වෙඩික්කරු ලෙස ආධුනික පොලිස් කොස්තාපල් 107516 එස්.එම්.පී.ඒ.බී. සෙනෙවිරත්න, * දක්ෂතම ආධුනික කොස්තාපල් රියදුරු ලෙස ආධුනික පොලිස් කොස්තාපල් රියදුරු 103370 ඒ.එම්.ජේ.ඩී.බී. ජයසුන්දර,* හොඳම රියදුරු ලෙස ආධුනික පොලිස් කොස්තාපල් රියදුරු 103705 ආර්.එම්.අයි.පී. ජයතිලක ඉන් අනතුරුව උත්සව සභාව ආරම්භකරමින් ශ්‍රී ලංකා පොලිස් විද්‍යාල වැඩ බලන අධ්‍යක්ෂ ජ්‍යෙෂ්ඨ පොලිස් අධිකාරී දුෂාන්ත රුවන් තලගල මහතා විසින් උත්සවයේ පිළිගැනීමේ කතාව පවත්වමින් ප්‍රධාන ආරාධිත අමුත්තන් ඇතුලුව පැමිණ සිටි පුහුණු හා උසස් පුහුණු දිසාව භාර ‌ ජ්‍යෙෂ්ඨ නියෝජ්‍ය පොලිස්පති සජීව මැදවත්ත, බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති සංජීව ධර්මරත්න, බඳවා ගැනීම හා පුහුණු දිසාව නියෝජ්‍ය පොලිස්පති අනුර පුෂ්පකුමාර යන ජ්‍යෙෂ්ඨ පොලිස් නිලධාරීන් මෙන්ම ප්‍රධාන රාජ්‍ය ආයතනයන්හි මුලසුන් හොඹවමින් උත්සවය නියෝජනය කළ ජ්‍යෙෂ්ඨ රාජ්‍ය නිලධාරීන්, ආධුනික නිලධාරීන්ගේ දෙමව්පියන් සහ හිතවතුන් සාදරයෙන් පිළිගත්තේය. උත්සව සභාව ආමන්ත්‍රණය කළ මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජයපාල මහතා සහ පොලිස්පති නීතිඥ ප්‍රියන්ත වීරසූරිය මහතා නවක නිලධාරීන්ට සුභාසිංශන එක්කර පොලිස් සේවයේ යහපත් වෘත්තීයභාවයෙන් නිරතවීමෙන් ජීවිතයට එක්කර ගත හැකි වටිනාකම් පිළිබඳව පැහැදිලි කළහ. සුපුරුදු පරිදි විසිර යාමේ උළලක සමාප්තිය ගාම්භීරත්වයෙන්, රසාස්වාදයෙන් සහ දර්ශනීයභාවයෙන් නිමකිරීමට එක්වන පොලිස් විශේෂ කාර්ය බලකාය, පොලිස් බටහිර තූර්ය වාදන කණ්ඩායම, පොලිස් සංස්කෘතික කොට්ඨාසය සහ හැකියාවන්ගෙන් සපිරි පොලිස් විද්‍යාල කණ්ඩායම් විදහා පෑ සන්දර්ශන, වාදන සහ නර්තනාංගයනගෙන් මගින් පැමිණ සිටි සියල්ලන් පිනවන ලදී.  මෙවරත් මෙම සියලු අවස්ථාවන් සජීවීව නැරඹීමට SRI LANKA POICE නිල FACEBOOK පිටුව හා එක්වූ සැමට අවස්ථාව හිමිවිය.  

අළුත්වැඩියා කරන ලද කුරුඳුවත්ත පොලිස් ස්ථානයේ පරිපාලන ගොඩනැගිල්ල විවෘත කිරීමේ උත්සවය 2025.09.04 වන දින උදෑසන ගරු මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මැතිතුමාගේ ප්‍රධානත්වයෙන් හා පොලිස්පති නීතිඥ ප්‍රියන්ත වීරසුරිය මහතාගේ සහභාගිත්වයෙන් කුරුඳුවත්ත පොලිස් ස්ථාන පරිශ්‍රයේදී පැවැත්විණි.  වසර 102 ක් පැරණි මෙම පරිපාලන ගොඩනැගිල්ල රුපියල් මිලියන 70 ක මුදලක් වැය කරමින් අළුත්වැඩියා කටයුතු සිදු කර අංග සම්පූර්ණ ගොඩනැගිල්ලක් බවට පත්කර ඇති අතර එය නව අවි ගබඩාවකින් සමන්විතය. 1923 වර්ෂයේදී ඔබේසේකර පවුලෙන් පරිත්‍යාගයක් ලෙස මෙම ගොඩනැගිල්ල ශ්‍රී ලංකා පොලිසියට හිමිව ඇති අතර එම පවුලේ සමාජිකාවක් වන සොන්ඩ්‍රාල් හිරන්ති ඔබේසේකර මහත්මියද මෙම උත්සවයට සහභාගි විය. මෙම අවස්ථාවට විශ්ව විද්‍යාල ප්‍රතිපාදන කොමිෂන් සභාවේ සභාපති ජ්‍යෙෂ්ඨ මහාචාර්ය කපිල සෙනෙවිරත්න, බස්නාහිර පළාත් භාර ජ්‍යෙෂ්ඨ නියෝජ්‍ය පොලිස්පති සංජීව ධර්මරත්න, කොළඹ දිසාව භාර නියෝජ්‍ය පොලිස්පති නිශාන්ත ද සොයිසා, කොළඹ දකුණ කොට්ඨාස භාර ජ්‍යෙෂ්ඨ පොලිස් අධිකාරි ඩී.එල්.ඒ. සූරියබණ්ඩාර යන මහත්වරුන් ඇතුළු පොලිස් නිලධරයන් පිරිසක් සහභාගි විය.

මෙරට සිදුවන ආන්දෝලනාත්මක අපරාධ හා අතීතයේ මෙරටින් වාර්තා වූ තවමත් නොවිසිදුනු අපරාධ පිළිබඳව විමර්ශන සිදුකර එම අපරාධයන්හි සැබෑ අපරාධකරුවන් අධිකරණයට ඉදිරිපත්කිරීම සඳහා ක්‍රියාත්මක වන ශ්‍රී ලංකා පොලිසියේ පොලීස් මධ්‍යම අපරාධ විමර්ශන කාර්යාංශය (CCIB) මේ වනවිට එහි විමර්ශන කටයුතු කාර්යක්ෂමව පවත්වාගෙන යනු ලබයි. ඒ අනුව නීති විරෝධී වත්කම්, මනුෂ්‍ය ඝාතන හා සංවිධානාත්මක අපරාධ, පරිගණක අපරාධ, තැනැත්තන් වෙළෙදාම, ජාවාරම් හා සමුද්‍රීය අපරාධ වැනි අපරාධ විමර්ශනයෙන් අපරාධ පරීක්ෂණ දෙපාර්තමේන්තුවට සෘජුවම සහය වීමට හැකිවීමෙන් මෙරට ක්‍රියාත්මක වන අපරාධ ජාලයන් මෙන්ම අපරාධකරුවන් හදුනාගෙන ඊට විරුද්ධව නෛතික ක්‍රියාමාර්ග ගැනීම සඳහා විමර්ශනය කිරීම මෙම කාර්යංශය ස්ථාපිත කිරීමේ ප්‍රධාන අරමුණයි මෙම අරමුණු සහ මෙහෙවර සාර්ථක කරගැනීම සඳහා විධිමත් රාජකාරි ස්ථානයක් ලෙස හදුනාගත් නාරාහේන්පිට කම්කරු දෙපාර්තමේන්තු ගොඩනැගිල්ලෙහි වෙන්කරගන්නා ලද කාර්යාලයක් තුළ පොලීස් මධ්‍යම අපරාධ විමර්ශන කාර්යාංශය ස්ථාපිත කිරීම 2025.09.04 වන අද දින මහජන ආරක්ෂක අමාත්‍ය ආනන්ද විජයපාල මහතාගේ හා කම්කරු නියේජ්‍ය අමාත්‍ය මහින්ද ජයසිංහ මහතාගේ ප්‍රධානත්වයෙන් සිදුකෙරුනි. මෙම අවස්ථාව සඳහා පොලිස්පති නීතිඥ ප්‍රියන්ත වීරසූරිය මහතා, මධ්‍යම පළාත් භාර ජ්‍යෙෂ්ඨ නියෝජ්‍ය පොලිස්පති ලලිත් පතිනායක මහතා, මධ්‍යම අපරාධ විමර්ශන කාර්යාංශය භාර ජ්‍යෙෂ්ඨ නියෝජ්‍ය පොලිස්පති රන්මල් කොඩිතුවක්කු මහතා සහ එම කාර්යංශයේ අධ්‍යක්ෂක පොලිස් අධිකාරී කමල් ආරියවංශ මහතා ඇතුලු ජ්‍යෙෂ්ඨ පොලිස් නිලධාරීන් රැසක් සහභාගී විය.

මීගොඩ පොලිස් වසමේ ගොඩගම හන්දිය ආසන්නයේ ඉදිකළ හෝමාගම නව ජ්‍යෙෂ්ඨ පොලිස් අධිකාරි කාර්යාලය ගරු මහජන ආරක්ෂක සහ පාර්ලිමේන්තු කටයුතු නියෝජ්‍ය අමාත්‍ය සුනිල් වටගල මහතාගේ ප්‍රධානත්වයෙන්, , මහජන ආරක්ෂක අමාත්‍යංශ ලේකම් රවී සෙනෙවිරත්න මහතා සහ පොලිස්පති නීතිඥ ප්‍රියන්ත වීරසූරිය මහතාගේ ප්‍රධානත්වයෙන් 2025.09.03 විවෘත කරන ලදී. කොට්ටාව, හෝමාගම, මීගොඩ, අතුරුගිරිය, නවගමුව, කඩුවෙල, පාදුක්ක, හංවැල්ල, කොස්ගම යන පොලිස් ස්ථාන නවයක් හෝමාගම ජ්‍යෙෂ්ඨ පොලිස් අධිකාරී කාර්යාලයට අයත් වන අතර හෝමාගම කොට්ඨාස භාර නිලධාරියා ලෙස මේ වනවිට රාජකාරි ඉටුකරනු ලබන්නේ ජ්‍යෙෂ්ඨ පොලිස් අධිකාරි C.D ලියනගේ මහතායි. ඉතා කාර්යක්ෂම මෙන්ම ඵලදායි මහජන සේවයක් උදෙසා විධිමත් ලෙස ඉදිකළ තිබෙන නව ජ්‍යෙෂ්ඨ පොලිස් අධිකාරි කාර්යාලය 071 – 8592113 යන දුරකථන අංකය ඔස්සේ සම්බන්ධකරගැනීමට ඔබට හැකියාව පවතී. විවෘත කිරීමේ අවස්ථාව සඳහා පොලිස්පතිතුමන් සමඟ බස්නාහිර පළාත් භාර ජ්‍යෙෂ්ඨ නියෝජ්‍ය පොලිස්පති සංජීව ධර්මරත්න මහතා, බස්නාහිර දකුණ නියෝජ්‍ය පොලිස්පති ප්‍රදීප් කළුපහන මහතා ඇතුලු ජ්‍යෙෂ්ඨ පොලිස් නිලධාරීන් රැසක් සහභාගී විය.

ඔබට වඩාත් සමීපතම රාජ්‍ය ආයතනය ලෙස සියවස් එක හමාරකට අධික කාලයක්, එනම් 1866 වසරේ සැප්තැම්බර් 03 වන දින ශ්‍රීමත් ජී.ඩබ්.ආර් කැම්බල් මහතා මෙරට ප්‍රථම පොලිස්පති වශයෙන් පත්වූ දා සිට 2025.09.03 වන දිනය දක්වා වසර 159 ක්, විවිධ වූ කාල පරිච්ඡේදයන් තුල පැන නැගුණු බාධක අභියෝග සාර්ථකව ජයගනිමින් අප, වර්තමානයේ වඩාත් ශක්තිමත්ව මෙරට නීතිය හා සාමය සුරක්ෂිත කිරීමට ක්‍රියාත්මක වන්නෙමු. එහි අභිමානය පෙරදැරිකරගනිමින් 2025.09.03 වන දින සවස 159 වන පොලිස් සංවත්සර දින උළෙල ශ්‍රී ලංකා ප්‍රජාතාන්ත්‍රික සමාජවාදී ජනරජයේ ගරු ජනාධිපති අනුර කුමාර දිසානායක මහතාගේ ප්‍රධානත්වයෙන් බම්බලපිටිය පොලිස් ක්ෂේත්‍ර බලකා මූලස්ථාන ක්‍රීඩාංගණයේදී උත්කර්ෂවත් ලෙස පැවැත්විය. ශ්‍රී ලංකා ගරු පාර්ලිමේන්තුවේ කතානායක වෛද්‍ය ජගත් වික්‍රමරත්න මහතා,මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මහතා, එම අමාත්‍යංශයේ නියෝජ්‍ය අමාත්‍ය සුනිල් වටගල මහතා, ජනාධිපති ලේකම් ආචාර්ය නන්දික සනත් කුමානායක මහතා, ආරක්ෂක ලේකම් විශ්‍රාමික එයාර් වයිස් මාර්ෂල් සම්පත් තුයියකොන්තා මහතා,  මහජන ආරක්ෂක අමාත්‍යංශ ලේකම් විශ්‍රාමික ජ්‍යෙෂ්ඨ නියෝජ්‍ය පොලිස්පති රවී සෙනෙවිරත්න මහතා ඇතුලු ප්‍රභූවරුන් රැසක්, ත්‍රිවිධ හමුදාපතිවරුන් ඇතුලු ජ්‍යෙෂ්ඨ රාජ්‍ය නිලධාරීන් මෙම අවස්ථාවට ප්‍රධාන ආරාධිතයින් ලෙස සහභාගී විය. අසුපිට නැගි ජ්‍යෙෂ්ඨ පොලිස් නිලධාරී ඇණි විධායකවරුන් යටතේ ඇණි 5 කින් සමන්විත වූ සම්මාන පෙළපාලිය ජනාධිපතිතුමන් වෙත උත්තමාචාර පුදකිරීමෙන් ඇරඹි සංවත්සර උළලේ පිළිගැනීමේ කතාව පොලිස්පති නීතිඥ ප්‍රියන්ත වීරසූරිය මහතා විසින් සිදුකිරීමට පෙර මේ දක්වා රාජකාරියේදී දිවි පිදූ 3050 ක් ලෙස සැලකෙන පොලිස් නිලධාරී සමූහය සිහිකර කෙටි නිහැඩියාවක් පවත්වා ඔවුන් ගෞරවයෙන් සිහිපත් කරන ලදී. ඉන් අනතුරුව සිය උසස්වීම් ලැබිය යුතු කාලයට එළඹ නිශ්චිත දිනයක් නොමැතිව බලාපොරොත්තුවෙන් සිටි ප්‍රධාන පොලිස් පරීක්ෂක නිලයෙන් පහල පොලිස් විශේෂ කාර්ය බලකා නිලධාරීන් හා පොලිස් නිලධාරීන් 4254 ක් උදෙසා උසස්වීම් පිරිනැමීම ඇරඹුනි. ඒ් අනුව සංකේතාත්මකව නිලධාරීන් කිහිප දෙනෙකු එහිදී මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මහතාගේ, මහජන ආරක්ෂක අමාත්‍යංශයේ නියෝජ්‍ය අමාත්‍ය සුනිල් වටගල මහතාගේ සහ මහජන ආරක්ෂක අමාත්‍යංශ ලේකම් රවී සෙනෙවිරත්න මහතාගේ සුරතින් සිය උසස් වීමේ ලිපි ලබාගත්හ. පසුගිය සතියක කාලයක තුල සුප්‍රසිද්ධ වූ, මෙරට පොලිස් කණ්ඩායමක් විදේශයක් තුල සිදුකළ විශිෂ්ඨ මෙහෙයුමට නායකත්වය දුන් පොලිස් නිලධාරීන් දෙපළට ජනාධිපති ඇගයීම හිමි වූ අවස්ථාව එළඹුනේ ඉන් අනතුරුවයි. මෙරට නමගිය සංවිධානාත්මක අපරාධකරුවන් පස් දෙනෙකු ඉන්දුනීසියාවේදී අත්අඩංගුවට ගෙන මෙරටට ගෙන ආ ඒ සුවිශේෂී කාර්යභාරයට, බස්නාහිර පළාත් උතුර අපරාධ කොට්ඨාසයේ අධ්‍යක්ෂ සහකාර පොලිස් අධිකාරී ඕලුගල මහතාට සහ අපරාධ පරීක්ෂණ දෙපාර්මේන්තුවේ සහකාර පොලිස් අධිකාරී ඒ්.ඒම්.ඒම් ජයසුන්දර මහතාට ගරු ජනාධිපති අනුර කුමාර මහතා විසින් ජනාධිපති වීරතා පදක්කම පිරිනැමීය. එසැණින් පොලිස් දින සංවත්සර උළෙල ආමන්ත්‍රණය කළ ජනාධිපතිතුමන් ශ්‍රී ලංකා පොලිසිය අගයමින්, නිලධාරීන් ඇගයීමට ලක්කරමින් හා නිලධාරීන්ව අභිප්‍රේරණය කරමින් පොලිසියේ ඉදිරි ගමනට සුභාසිංශන එක් කරන ලදී. එහිදී පොලිස්පතිතුමන් විසින් මෙම අවස්ථාවට සපැමිණීම වෙනුවෙන් ගෞරව සිහිවටනයක් ජනාධිපතිතුමා වෙත පිරිනැමීය. ඒ සමඟ උත්සව සභාව සාර්ථකව නිමකිරීමෙන් අනතුරුව පොලිස් බටහිර තූර්ය වාදන වෘන්දය, පොලිස් විශේෂ කාර්ය බලකාය, පොලිස් නිලසුනඛ කොට්ඨාසය සහ පොලිස් සංස්කෘතික කොට්ඨාසය ඉදිරිපත්කළ දර්ශනීය සන්දර්ශන මගින් පැමිණ සිටි සියල්ලන්ට ශ්‍රී ලංකා පොලසිය සතු විවිධ වූ හැකියාවන්, සම්පත් උත්කර්ෂවත් ලෙස විදහා දැක්විය. පොලිස් මාධ්‍ය කොට්ඨාසය මෙම 159 වන අභිමානවත් සංවත්සර උළෙලේ සියලු අවස්ථාවන් පොලිස් තොරතුරු තාක්ෂණ කොට්ඨාසය සහ පොලිස් සන්නිවේදන කොට්ඨාසය සමඟ එක්ව SRI LANKA POLICE නිල Facebook පිටුව ඔස්සේ ඔබට සජීවීව ඉදිරිපත්කරන ලදී. Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

2024.03.15 වන දින සිට ශ්‍රී ලංකා පොලිස් මූලස්ථානය වශයෙන් භාවිතා කරමින් පවතින කොම්පඤ්ඤවීදිය ප්‍රදේශයේ අක්කර 03 ක පමණ භූමි ප්‍රමාණයක පිහිටන මහල් 12 කින් සමන්විත ගොඩනැගිල්ල මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මහතාගේ ප්‍රධානත්වයෙන් 2025.09.03 වන අද දින උදෑසන ශ්‍රී ලංකා පොලිසියට නිල වශයෙන් පවරා දෙන ලදී. 159 වන පොලිස් සංවත්සර දිනය යෙදෙන 2025.06.03 වන දිනයේ සනිටුහන් වූ ශ්‍රී ලංකා පොලිස් ඉතිහාසයේ සුවිශේෂ සන්දිස්ථානයක් වන මෙම අවස්ථාවට මහජන ආරක්ෂක සහ පාර්ලිමේන්තු කටයුතු නියෝජ්‍ය අමාත්‍ය සුනිල් වටගල මහතා, මහජන ආරක්ෂක අමාත්‍යංශ ලේකම් රවී සෙනෙවිරත්න මහතා, පොලිස්පති නීතිඥ ප්‍රියන්ත වීරසූරිය මහතා ඇතුලු ජ්‍යෙෂ්ඨ පොලිස් නිලධාරීන්ගේ සහභාගීත්වය හිමි විය.  සර්වාගමික ආශිර්වාද ලබාගැනීමෙන් අනතුරුව අමාත්‍යතුමන් නව පොලිස් මූලස්ථානය නිල වශයෙන් විවෘත කර පොලිස්පතිතුමන් වෙත සිය සුභාසිංශන පිරිනමන ලදී.

2025.09.03 වන දිනට යෙ‍දෙන පොලිස් සංවත්සර දිනයට සමගාමීව ශ්‍රී ලංකා පොලිසියේ ඉදිරි අනාගතයට ආගමානුකූලව ආශිර්වාද ලබා ගැනීම සඳහා වැඩසටහන් රැසක් 2025.09.03 වන අද දින උදෑසන සිට දිවයින පුරා පිහිටි පොලිස් ස්ථාන කේන්ද්‍රකරගනිමින් සංවිධානය කර ඇත.  පොලිස්පති නීතිඥ ප්‍රියන්ත වීරසූරිය මහතාගේ සහ බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති සංජීව ධර්මරත්න මහතාගේ සහභාගීත්වයෙන‍් අද (03) දින උදෑසන කොම්පඤ්ඤවීදිය ගංගාරාම විහාරස්ථානය , බම්බලපිටිය කදිරේෂන් හින්දු කෝවිල , කුරුඳුවත්ත දවටගහවත්ත මුස්ලිම් පල්ලිය සහ කොම්පඤ්ඤවීදිය ජේසු බිළිදාගේ කතෝලික දේවස්ථානය කේනද්‍රකරගනිමින් පැවැත්වුනු ප්‍රධාන සර්වාගමික වතාවන් සඳහා සෑම නිලතලයක්ම නියෝජනය වන පරිදි පොලිස් නිලධාරීන් රැසකට එක්වීමේ අවස්ථාව සලසා තිබුනි.

සියවස් එකහමාරකටත් අධික දීර්ඝ ඉතිහාසයකට උරුමකම් කියන ශ්‍රී ලංකා පොලීසියේ 159 වන පොලිස් දින සංවත්සරය 2025 සැප්තැම්බර් 03 වන දින යෙදී තිබේ.  ප්‍රථම පොලිස්පති ලෙස ශ්‍රීමත් ජී.ඩබ්.ආර් කැම්බල් මහතා පොලිස්පති ධූරයට පත් වු 1866 සැප්තැම්බර් 03 වැනි දින ව්‍යවස්ථාපිතව පොලිසිය ආරම්භ කළ දිනය ලෙස සලකනු ලැබේ.   ඒ අනුව පොලිස් දිනයක් ලෙස ස්මරණය කරන්නේ පොලිස්පතිධුරප්‍රාප්ත වු දිනය බැවින් 159 වන පොලිස් දිනය ශ්‍රී ලංකාවේ 37 වන පොලිස්පති ලෙස නීතිඥ ප්‍රියන්ත වීරසුරිය මහතා එම ධුරයේ වැඩ භාර ගෙන දෙසතියක් ඇතුලත ස්මරණය කිරීමට ලැබීම සුවිශේෂි සන්ධිස්ථානයක් බවට පත් වේ. 1602 දී ලන්දේසි ජාතිකයන් මුහුදුබඩ ප්‍රදේශ අත්පත් කර ගැනීමෙන් අනතුරුව 1650 වර්ෂයේ දී කොළඹ මහ නගර සභාව විසින් රාත්‍රී කාලයේදී නගරයේ ආරක්ෂාව සඳහා ආරක්ෂකයින් පත් කිරීමේ යෝජනාවක් සම්මත කරන ලදී. ඒ අනුව රාත්‍රීයේදී නගරයේ මුර සංචාරයේ යෙදීම සඳහා සොල්දාදුවන් සිව්දෙනෙකු පත් කරන ලද  අතර, ඔවුන්ගේ  රාජකාරිය  ශ්‍රී ලංකා පොලිසියේ ආරම්භක පොලිස් රාජකාරිය ලෙස  හැදින්විය හැකිය. 1796 වර්ෂයේ පෙබරවාරි 16 වන දින ලන්දේසීන් බ්‍රිතාන්‍යයන්ට යටත් වු අතර, එතැන් සිට රටේ නීතිය හා සාමය පවත්වාගෙන යාම බ්‍රිතාන්‍ය හමුදාව විසින් සිදු කරන ලදී. පොලිසිය අධීක්ෂණය කිරීමේ අතිරේක රාජකාරිය සම්බන්ධයෙන් රාජ්‍ය මූල්‍ය අධික බරක් පැටවිණි. එබැවින් ෆ්‍රෙඩ්රික් නෝර්ත් ආණ්ඩුකාරවරයා විසින් අගවිනිසුරුවරයාගේ කැමැත්ත ලබාගෙන මහේස්ත්‍රාත් හා පොලිස් විනිසුරුවන්ට පොලිසිය අධීක්ෂණය කිරීමේ කාර්යය භාර දෙන ලදී. ශ්‍රි ලංකා පොලිසිය සම්බන්ධයෙන් නීතිය මුල් වරට සම්මත කරන ලද්දේ බ්‍රිතාන්‍යය විසින් ලංකාව අත්පත් කර ගැනීමෙන් කෙටි කාලයකට පසුවය. අනතුරුව පොලිස් නිලධාරීන් හෙවත් ගමේ පොලිස් විදානේවරුන් යැයි හැඳින්වෙන මුලාදෑනින් කොටසක් ගමක් පාසා පත් කිරීමට 1806 දී රෙගුලාසි සම්මත විය. ඔවුන් එම දිස්ත්‍රීක්කයේ දිසාපතිට වග කිවයුතු වූ අතර තම තමන් භාරයේ පවත්නා ගම් වල සාමය පවත්වා ගැනීමේ හා අපරාධ ගැන පරීක්ෂා කිරීමේ වගකීම ද ඔවුන් සතුවිය. දිවයිනේ පොලිසිය ප්‍රතිසංවිධානය කිරීම සඳහා ගතික පුද්ගලයෙකු සොයමින් සිටි ෆ්‍රෙඩ්රික් නෝර්ත් ආණ්ඩුකාරවරයා ඉන්දියාවේ පොලිස් රාජකාරිය අනුකරණය කිරීම සඳහා එම කටයුතු නිරීක්ෂණයක යෙදෙන ලදී. බොම්බේ පොලිසියේ “රත්නගිරි රේන්ජර්ස්” භාරව සිටි ශ්‍රීමත් ජී.ඩබ්.ආර්. කැම්බල් මහතාට මෙම කර්තව්‍යය භාර දෙන ලෙස බොම්බායේ ආණ්ඩුකාරවරයා නිර්දේශ කළේය. ආණ්ඩුකාරවරයා විසින් තෝරාගන්නා ලද ජී.ඩබ්.ආර්. කැම්බල් මහතා වර්ෂ 1866 සැප්තැම්බර් 03 වන දින ප්‍රධාන පොලිස් අධිකාරී ලෙස රාජකාරි ආරම්භ කළේය.  ඉන් අනතුරුව වර්ෂ 1865 දී අංක 16 දරන පොලිස් ආඥා පනත සංශෝධනය කිරීමෙන් පොලිස් බලකායේ ප්‍රධානියාගේ තනතුර ප්‍රධාන පොලිස් අධිකාරී තනතුරේ සිට පොලිස්පති තනතුර ලෙස වෙනස් කරන ලද බැවින් වර්ෂ 1866 සැප්තැම්බර් 03 වන දින ලාංකික වර්තමාන පොලිස් සේවයේ ව්‍යවස්ථාපිත ආරම්භය සිදුවිය. වර්ෂ 1843 වන විටදී බලපැවැත් වූ  පොලිස් ආඥා පනත අවලංගු කර දිවයිනේ ඕනෑම ස්ථානයක පොලිස් ස්ථාන පිහිටුවීමට ආණ්ඩුකාරවරයාට බලය පැවරිණි. 1845 වර්ෂයේ දී පොලිස් පරීක්ෂක තනතුර හඳුන්වා දෙමින් පොලිස් නිලධරයන් සංඛ්‍යාව වැඩි කරගෙන ඇති අතර පොලිස් පියන් තනතුර අවලංගු කර පොලිස් කොස්තාපල් තනතුර හදුන්වා දී ඇත. 1870 වර්ෂයේදී පමණ විශාල වශයෙන් සිදුවන වාණිජ අපරාධ, අභිරහස් මිනී මැරුම් හා රහස්‍ය අනාවරණය කර ගැනීමේ අරමුණින් සිවිල් ඇදුමින්  සැරසුණ පොලිස් නිලධාරීන් යෙදවීම ආරම්භ කළේය.  අපරාධ පරීක්ෂණ දෙපාර්තමේන්තුව වර්ෂ 1891 වර්ෂයේදි පොලිස්පති තනතුරට පත්වු මේජර් නෝලිස් මහතා විසින්  ආරම්භ කරන ලද අතර එහි ප්‍රථම ස්ථානාධිපති වුයේ පොලිස් පරීක්ෂක කොතලාවල මහතාය. ප්‍රථම ශ්‍රී ලාංකික පොලිස්පතිවරයා වශයෙන් ශ්‍රීමත් රිචඩ් අලුවිහාරේ මහතා  වර්ෂ 1947 ජුනි මස 01 වන දින රාජකාරී ආරම්භ කළ අතර එවකට ස්වදේශ කටයුතු අමාත්‍යාංශය යටතේ පැවති පොලිස් දෙපාර්තමේන්තුව ආරක්ෂක අමාත්‍යාංශයේ විෂය පථයට යටත් කරන ලදී. වර්ෂ 1948 නිදහස ලබා ගැනීමත් සමඟ පොලිස් බලකාය යටත් විජිත දෘෂ්ඨියෙන් මිදුණු පොලිස් සේවාවක් බවට පරිවර්තනය කිරීමේ වගකීම ශ්‍රීමත් රිචඩි අලුවිහාරේ මහතාට ඉටු කිරීමට සිදු විය.  එම වගකීම නිසි ආකාරයෙන් ඉටු කරමින්  නිලධාරින්ගේ සුභසාධනය, විමර්ශනය, අපරාධ හඳුනා ගැනීම, අපරාධ වැළැක්වීමේ සමිති, ග්‍රාමීය ස්වේච්ඡා සේවකයන්, පොලිස් කුඩාරම්, මහජන සම්බන්ධතා, නව පුහුණු ක්‍රම ආදිය ද වැඩිදියුණු කිරීමේ ක්‍රමවේද වෙනුවෙන් වටිනා කාර්යභාරයක් ශ්‍රී ලංකා පොලිසිය වෙනුවෙන් එතුමා ඉටු කළේය. අපරාධ විසඳීම සඳහා ලෝකයේ භාවිතයට ගන්නා විශේෂඥ සාක්ෂියක් ලෙස පිළිගන්නා පොලිස් නිලසුනඛ රාජකාරිය ශ්‍රී ලංකා පොලිසියේ  ආරම්භ කරන ලද්දේ 1948 නොවැම්බර් මාසයේදිය. මේ වන විට දිවයින පුරා ඒකක 54 කදී නිල සුනඛයින් විශාල ප්‍රමණයක් අපරාධ විමර්ශනය, මත්ද්‍රව්‍ය සහ පුපුරණ ද්‍රව්‍ය හඳුනා ගැනීමේ රාජකාරි වල දී කැපි පෙනෙන දායකත්වයක් ලබා දීමට සමත්ව ඇත. 1952 වර්ෂයේ දී ශ්‍රී ලංකා පොලිසියට කාන්තා පොලිස් නිලධාරිනියන් බඳවා ගැනීම ආරම්භ කරන ලද අතර, එදා සිට මේ දක්වා පැමිණි ගමන් මග තුළ කාන්තා පොලිස් කොස්තාපල් තනතුරේ සිට කාන්තා නියෝජ්‍ය පොලිස්පති තනතුර දක්වා නිලයන් දරමින් කාන්තා පොලිස් නිලධාරිනියන් ශ්‍රී ලංකා පොලිසිය වෙනුවෙන් මහඟු කර්තව්‍යයක් ඉටු කරමින් සිටියි. 1979 දී ආරම්භ කරන ලද ළමා හා කාන්තා අපයෝජන නිවාරණ කාර්යංශය අද වන විට සියලු පොලිස් ස්ථාන ආවරණය කරමින් කාන්තා නිලධාරිනියන්ගේ දායකත්වයෙන් ක්‍රියාත්මක වෙමින් පවතී. පොලිස්පති චන්ද්‍රා ප්‍රනාන්දු මහතාගේ අවිධියේ එනම් 2006 වර්ෂයේ දී පොලිසිය වෙත වාර්තා වන අපරාධ පරීක්ෂණය සඳහා  අපරාධ ස්ථාන පරීක්ෂණ නිලධාරින් ලෙස ස්වීඩන් පොලිසියේ විශේෂ පුහුණුවක් ලබා දී  (SOCO) නමින් ඉතා සුවිශේෂී ඒකකයක් ආරම්භ කරන ලදී. එම පුහුණුව ලත් නිලධරයින් දිවයින පුරා ඒකක 43 කට අනුයුක්තව අපරාධ විමර්ශන රාජකාරි ඉටු කරනු ලබයි.  පොලිස් විද්‍යාල මගින් ලබාදෙනු පුහුණුවට අමතරව පොලිසියේ අනාගත අභියෝගයන් දැනුමින් සන්නද්ධව ජය ගැනීම සඳහා 1978 වර්ෂයේ දී පොලිස් උසස් පුහුණුවීම් ආයතනය ලෙස ආරම්භ කරන ලද පුහණු ආයතනය 2008 වර්ෂයේදි පොලිස් විදයාපීඨය ලෙසත් පසු කාලීනව 2011 අංක 04 දරණ පාර්ලිමේන්තු පනතින් ජාතික පොලිස් අභ්‍යාස ආයතනය නමින් ආරම්භකර විශ්වවිද්‍යාල සම්බන්ධිකරනය කරගනිමින් පාඨමාළාවන් ලබාදීම අනාගත පොලිස් උපාධියක් කරායන මාර්ගයට අවතතීර්ණ වීමකි. 1983 වර්ෂයේ දී පොලිසියේ සන්නද්ධ ඒකකය ලෙස බ්‍රිතාන්‍ය එස්.ඒ.එස් නිලධාරීන්ගේ පුහුණුවෙන් සැදුම්ලත් පොලිස් විශේෂ කාර්ය බලකාය එක්වන්නේ ‘නියතයි ජය’ තේමාව යටතේය. පොලිස් විශේෂ කාර්ය බලකාය වත්මන් කාලයේ දී සංවිධානාත්මක අපරාධ වැලැක්වීම ප්‍රභූ ආරක්ෂාව,මත් ද්‍රව්‍ය වැටලීම හා නීතිය සාමය සුරක්ෂිත කිරීම සඳහා ආරම්භ කළ විශේෂ මෙහෙයුම් විධානයකින්ද සමන්විතව සිය රාජකාරිය වික්‍රමාන්විතව ඉටු  කරනු ලබයි. 1866 සිට 2025 වසර  දක්වා පොලිස්පතිවරුන් 37 දෙනෙකුගේ නායකත්වය යටතේ  ශ්‍රී ලංකා පොලිසිය කාලාණුරූපව, එහෙත්  නීතිමය රාමුව ඔස්සේ  මහජන සේවාවන් වඩාත් ඵලදායීව ඉටු කිරීම  සඳහා නිරන්තරයෙන් කටයුතු කර ඇත. අපරාධ මත්ද්‍රව්‍ය රිය අනතුරු දුසිරිත් පාලනය කිරීම වෙනුවෙන්  පැය 24 පුරාම කැපවී සිටී. එකී රාජකාරි ඉටු කිරීම සඳහා කැපවු පොලිස් නිලධරයන් සංඛ්‍යාව පොලිස් විශේෂ කාර්ය බලකාය ද ඇතුලුව 86000 කට ආසන්න වේ. එම සංඛ්‍යාව දිවයින පුරා පොලිස් රාජකාරිය ඉටු කිරීමට අවශ්‍ය කරන නිලධාරි ප්‍රමාණයට වඩා 30000 ක පමණ ඌනතාවයක් බව වත්මන් පොලිස්පතිතුමා සිදුකරණ ලද සමීක්ෂණයකදි අනාවරණය කරගෙන ඇත. 2025 වන විට ශ්‍රී ලංකාව තුළ පොලිස් ස්ථාන 608 ක් ,ප්‍රාදේශීය පොලිස් කොට්ඨාස 45ක් සහ ක්‍රියාකාරී පොලිස් කොට්ඨාස 78 ක් පොලිසිය  තුළ ස්ථාපිතව ඇත. ප්‍රතිව්‍යුහගත කරණය හේතුවෙන් විවිධ කොට්ඨාස හා රාජකාරි ද පොලිස් පරිපාලනය සඳහා වෙන් කර ඇති දිසාවන් ද නව මානයකට යොමු විය.  එලෙස බෙදා වෙන් කරන ලද කොට්ඨාස නිසා රට තුළ නීතිය හා සාමය ආරක්ෂා කරමින් පැමිණි ගමන් මග  තුළ, අපරාධ හා

කලක් අබලන්ව පැවති තලෛයිමන්නාරම පොලිස් ස්ථානය භාවිතා කළ භෝජනාගාරය මන්නාරම පොලිස් කෝට්ඨාසයේ පොලිස් ඉංජිනේරු අංශය විසින් කෙටිකාලයක් තුල නවීකරණය කරන ලදී. පොලිස් ත්‍යාග අරමුදලින් මේ සඳහා අවශ්‍ය මූල්‍ය ආධාර පිරිනැමීය. එලෙස අංගසම්පූර්ණ ලෙස නවීකරණය කළ භෝජනාගාරය විවෘත කිරීම සඳහා උතුරු පළාත භාර ජ්‍යෙෂ්ඨ නියෝජ්‍ය පොලිස්පති තිලක්.සි.ඒ ධනපාල මහතාගේ ආරාධනය මත පොලිස්පති නීතිඥ ප්‍රියන්ත වීරසූරිය මහතා 2025.09.01 වන දින සවස තෛලයිමන්නාරම පොලිස් ස්ථානය වෙත පිවිසුනි. මෙම  අවස්ථාව සඳහා උතුරු පළාත භාර ජ්‍යෙෂ්ඨ නියෝජ්‍ය පොලිස්පති තිලක්.සි.ඒ ධනපාල, වන්නි දිසාව භාර නියෝජ්‍ය පොලිස්පති සාමන්ත විජේසේකර, මන්නාරම කොට්ඨාස භාර ජ්‍යෙෂ්ඨ පොලිස් අධිකාරී  ඩබ්ලිව්.කේ.ඒ.ජේ එරික් රංජිත්, මන්නාරම කොට්ඨාස භාරව රාජකාරි ඉටුකළ වත්මන් ත්‍රීකුණාමලය පොලිස් කොට්ඨාසය භාර ජ්‍යෙෂ්ඨ පොලිස් අධිකාරී එල්.වයි.ඒ චන්ද්‍රපාල, තලෛයිමන්නාරම පොලිස් ස්ථානාධිපති ප්‍රධාන පොලිස් පරීක්ෂක ජනක තුෂාර යන මහත්වරුන් එක්විය.