Special Events – TA

பொதுமக்கள் பாதுகாப்பு மற்றும் பாராளுமன்ற அலுவல்கள் அமைச்சர் கௌரவ திரு. ஆனந்த விஜேயபால அவர்கள் மற்றும் பதில் பொலிஸ்மா அதிபர் சட்டத்தரணி திரு. பிரியந்த வீரசூரிய ஆகியோரால் நாடளாவிய ரீதியில் பொலிஸ் உத்தியோகத்தரகளுக்கு தெளிவுப்படுத்தும் நிகழ்வுகள் தொடர்ச்சியாக நடாத்தப்பட்டு வருகின்றனர்.   அதற்கமைய ஊவா மாகாணத்தில் 48 பொலிஸ் நிலையங்களில் கடமையாற்றும் 400 பொலிஸ் உத்தியோகத்தர்களுக்கும் இதன்போது பொலிஸ் கடமைகள் தொடர்பாக தெளிவுப்படுத்தப்பட்டுள்ளதுடன், அவர்கள் எதிர்கொள்ளும் பிரச்சனைகள் தொடர்பாகவும் கவனம் செலுத்தப்பட்டது.  இவ் நிகழ்ச்சித்திட்டம் நிறைவுப் பெற்றதைத் தொடர்ந்து 18 மில்லியன் ரூபாய் நிதி ஒதுக்கீட்டில் நிர்மாணிக்கப்பட்ட திவுலபெலெஸ்ஸ பொலிஸ் நிலையத்தின் புதிய கட்டடத்தை கௌரவ அமைச்சர் அவர்கள் திறந்து வைத்துள்ளார். இந் நிகழ்வின் போது மக்கள் பாதுகாப்பு மற்றும் பாராளுமன்ற அலுவல்கள் அமைச்சின் கௌரவ செயலாளர் திரு. ரவி செனவிரத்ன அவர்கள், ஊவா மாகாணத்திற்கு பொறுப்பான சிரேஷ்டப் பிரதிப் பொலிஸ்மா அதிபர் திரு. மகேஸ் செனவிரத்ன, பதுளை பிராந்தியத்திற்குப் பொறுப்பான பிரதிப் பொலிஸ்மா அதிபர் லக்ஶ்ரீ விஜேசேன அவர்கள், மொனராகலை பிராந்தியத்திற்கு பொறுப்பான பிரதிப் பொலிஸ்மா அதிபர் நிஹால் தல்துவ அவர்கள் உட்பட பதுளை, பண்டாரவலை மற்றும் மொனராகலை ஆகிய பொலிஸ் அத்தியட்சர் பிரிவுகளுக்கு பொறுப்பான உத்தியோகத்தர்களும், உயர் அதிகாரிகள் பலரும் கலந்துக் கொண்டனர்.  மேலும், பொலிஸ் உத்தியோகத்தர்களின் உடற்தகுதி மற்றும் மன ஆரோக்கியத்தை பேணுவதை நோக்கமாகக் கொண்டு ஊவா மாகாண பொலிஸ் உத்தியோகத்தர்களுக்காக பதுளை பொலிஸ் நிலைய வளாகத்தில் நிர்மாணிக்கப்பட்டுள்ள புதிய உடற்பயிற்சி உபகரணங்களுடன், உடற்பயிற்சி நிலையமொன்றை பதில் பொலிஸ்மா அதிபர் அவர்கள் திறந்து வைத்துள்ளார். இவ் உடற்பயிற்சி நிலையத்திற்கு தகுதிப்பெற்று பயிற்சியாளர் ஒருவர் நியமிக்கப்பட்டுள்ளதுடன், இந் நிகழ்வில் ஊவா மாகாணத்திற்கு பொறுப்பான சிரேஷ்டப் பிரதிப் பொலிஸ்மா அதிபர் மகேஷ் சேனாரத்ன அவர்கள் மற்றும் உயர் அதிகாரிகளும் கலந்து கொண்டனர். 

பொதுமக்கள் பாதுகாப்பு மற்றும் பாராளுமன்ற அலுவல்கள் அமைச்சர் கௌரவ திரு. ஆனந்த விஜேயபால அவர்கள் மற்றும் பதில் பொலிஸ்மா அதிபர் சட்டத்தரணி திரு. பிரியந்த வீரசூரிய ஆகியோரால் நாடளாவிய ரீதியில் பொலிஸ் உத்தியோகத்தரகளுக்கு தெளிவுப்படுத்தும் நிகழ்வுகள் தொடர்ச்சியாக நடாத்தப்பட்டு வருகின்றனர்.   அதற்கமைய ஊவா மாகாணத்தில் 48 பொலிஸ் நிலையங்களில் கடமையாற்றும் 400 பொலிஸ் உத்தியோகத்தர்களுக்கும் இதன்போது பொலிஸ் கடமைகள் தொடர்பாக தெளிவுப்படுத்தப்பட்டுள்ளதுடன், அவர்கள் எதிர்கொள்ளும் பிரச்சனைகள் தொடர்பாகவும் கவனம் செலுத்தப்பட்டது.  இவ் நிகழ்ச்சித்திட்டம் நிறைவுப் பெற்றதைத் தொடர்ந்து 18 மில்லியன் ரூபாய் நிதி ஒதுக்கீட்டில் நிர்மாணிக்கப்பட்ட திவுலபெலெஸ்ஸ பொலிஸ் நிலையத்தின் புதிய கட்டடத்தை கௌரவ அமைச்சர் அவர்கள் திறந்து வைத்துள்ளார். இந் நிகழ்வின் போது மக்கள் பாதுகாப்பு மற்றும் பாராளுமன்ற அலுவல்கள் அமைச்சின் கௌரவ செயலாளர் திரு. ரவி செனவிரத்ன அவர்கள், ஊவா மாகாணத்திற்கு பொறுப்பான சிரேஷ்டப் பிரதிப் பொலிஸ்மா அதிபர் திரு. மகேஸ் செனவிரத்ன, பதுளை பிராந்தியத்திற்குப் பொறுப்பான பிரதிப் பொலிஸ்மா அதிபர் லக்ஶ்ரீ விஜேசேன அவர்கள், மொனராகலை பிராந்தியத்திற்கு பொறுப்பான பிரதிப் பொலிஸ்மா அதிபர் நிஹால் தல்துவ அவர்கள் உட்பட பதுளை, பண்டாரவலை மற்றும் மொனராகலை ஆகிய பொலிஸ் அத்தியட்சர் பிரிவுகளுக்கு பொறுப்பான உத்தியோகத்தர்களும், உயர் அதிகாரிகள் பலரும் கலந்துக் கொண்டனர். மேலும், பொலிஸ் உத்தியோகத்தர்களின் உடற்தகுதி மற்றும் மன ஆரோக்கியத்தை பேணுவதை நோக்கமாகக் கொண்டு ஊவா மாகாண பொலிஸ் உத்தியோகத்தர்களுக்காக பதுளை பொலிஸ் நிலைய வளாகத்தில் நிர்மாணிக்கப்பட்டுள்ள புதிய உடற்பயிற்சி உபகரணங்களுடன், உடற்பயிற்சி நிலையமொன்றை பதில் பொலிஸ்மா அதிபர் அவர்கள் திறந்து வைத்துள்ளார். இவ் உடற்பயிற்சி நிலையத்திற்கு தகுதிப்பெற்று பயிற்சியாளர் ஒருவர் நியமிக்கப்பட்டுள்ளதுடன், இந் நிகழ்வில் ஊவா மாகாணத்திற்கு பொறுப்பான சிரேஷ்டப் பிரதிப் பொலிஸ்மா அதிபர் மகேஷ் சேனாரத்ன அவர்கள் மற்றும் உயர் அதிகாரிகளும் கலந்து கொண்டனர். 

பணம் தூயதாக்கலுக்கெதிரான மற்றும் பயங்கரவாத்திற்கு நிதியளித்தலை ஒழித்தல் தொடர்பாக மேற்கொள்ளப்படும் விசாரணைகளுடன் தொடர்புடைய தகவல்களை பகிர்ந்துகொள்வதற்காக இலங்கை பிணையங்கள் பரிவர்த்தனை ஆணைக்குழு மற்றும் இலங்கை பொலிசாருக்கு இடையிலான இருதரப்பு புரிந்துணர்வு ஒப்பந்தத்தில் கையொப்பமிடும் நிகழ்வானது 07.08.2025 ஆந் திகதியன்று பொலிஸ் தலைமையகத்தில் இடம்பெற்றுள்ளது.  இப் புரிந்துணர்வு ஒப்பந்தத்தில் இலங்கை பிணையங்கள் பரிவர்த்தனை ஆணைக்குழுவின் பணிப்பாளர் திரு. சிந்தக மென்டிஸ் அவர்களும் பதில் பொலிஸ்மா அதிபர் சட்டத்தரணி திரு. பிரியந்த வீரசூரிய அவர்களும் உத்தியோகப்பூர்வமாக கையொப்பமிட்டனர்.    

இலங்கை பொலிசின் நிருவாக திட்டத்தை மறுசீரமைப்பு செய்வதற்கு இணையாக அனைத்து மாகாணங்களிலும் மாகாண குற்றப் பிரிவுகளை வலுவூட்வதற்கு தீர்மானிக்கப்பட்டுள்ளது. அதற்கமைய வெஹெர பொலிஸ் வளாகத்தில்  அமைக்கப்பட்டுள்ள வடமேல் மாகாண குற்றப் பிரிவு 03.08.2025 ஆந் திகதியன்று கௌரவ பொதுமக்கள் பாதுகாப்பு அமைச்சர் ஆனந்த விஜயபால அவர்களின் தலைமையில், பதில் பொலிஸ்மா அதிபர் பிரியந்த வீரசூரிய அவர்களின் பங்கேற்புடன் திறந்து வைக்கப்பட்டுள்ளது.  இதன் பணியாக புத்தளம், குருநாகல், குளியாபிட்டி மற்றும் நிக்கவெரட்டி ஆகிய பொலிஸ் பிரிவுகளை உள்ளடக்கும் வகையில் திட்டமிடப்பட்ட குற்றங்கள் மற்றும் குற்றங்களை ஏற்படுத்தும் கும்பல்களை கட்டுப்படுத்தல், சட்ட விரோத போதைப் பொருள் வலையமைப்பை முடக்குவதனூடாக போதைப் பொருள்களை கடத்தல்களை ஒழித்தல் மற்றும் சகல குற்றங்களை இல்லாதொழிப்பது மாத்திரமின்றி  அதற்கு எதிராக சட்டத்தை நடைமுறைப்படுத்துவதற்காக விசேட விசாரணைக் குழுக்களின் ஊடாக கடமையை நிறைவேற்றவுள்ளனர்.  இந் நிகழ்வில் வடமேல் மாகாணத்திற்கு பொறுப்பான சிரேஷ்டப் பிரதிப் பொலிஸ்மா அதிபர் சட்டத்தரணி திரு. அஜித் ரோஹண அவர்களும், வடமேல் மாகாணப் பிராந்தியத்திற்குப் பொறுப்பான பிரதிப் பொலிஸ்மா அதிபர் திரு. சரத்குமார அவர்கள் மற்றும் சிரேஷ்ட உத்தியோகத்தர்களும் இந் நிகழ்வில் கலந்து கொண்டனர். 

வடமேல் மாகாண பொலிஸ் உத்தியோகத்தர்களின் பிள்ளைகளுக்காக  பாடசாலை உபகரணங்கள் வழங்கி வைக்கும் நிகழ்வானது பொது மக்கள் பாதுகாப்பு அமைச்சர் கௌரவ திரு. ஆனந்த விஜேபால அவர்களின் தலைமையில் 03.08.2025 அன்று குருநாகல் மலியாதேவ கல்லூரியின் கேட்போர் கூடத்தில் நடைபெற்றது. இந் நிகழ்வில் பதில் பொலிஸ்மா அதிபர் சட்டத்தரணி திரு. பிரியந்த வீரசூரிய அவர்களும் வடமேல் மாகாணத்திற்கு பொறுப்பான சிரேஷ்டப் பிரதி பொலிஸ்மா அதிபர் திரு. அஜித் ரோஹண அவர்களும் ஏனைய பொலிஸ் அதிகாரிகளும்  கலந்துகொண்டனர். இந் நிகழ்வின் போது அதிகளவிலான பாடசாலை மாணவர்கள் கலந்துகொண்டதுடன் அனைவருக்கும் பாடசாலை உபகரணங்களும் வழங்கி வைக்கப்பட்டன. நாட்டின் அமைதியை பேணுவதற்காக 24 மணித்தியாலங்களும் அர்ப்பணிப்புடன் செயல்படும் பொலிஸ் உத்தியோகத்தர்களின் சேவையை பாராட்டியதுடன் அவர்களின் நலன்புரி தொடர்பாகவும் எதிர்கால வேலைத்திட்டங்கள் தொடர்பாகவும் அமைச்சர் அவர்களும் பதில் பொலிஸ்மா அவர்களும் இந் நிகழ்வில் உரையாற்றினர். 

02.08.2025 ஆந் திகதி கொழும்பு தாஜ் சமுத்திரா ஹோட்டலில் நடைபெற்ற  இலங்கை தகவல் மற்றும் தொடர்பாடல் தொழில்நுட்பம் தொடர்பாக சட்டத்தரணி சங்கத்தின் 02 வது மாநாட்டில் பதில் பொலிஸ்மா அதிபர் சட்டத்தரணி திரு. பிரியந்த வீரசூரிய அவர்கள் கலந்துகொண்டுள்ளார்.  இந் நாட்டின் பிரதம நீதியரசர் பத்மன் சூரசேன  அவர்களின் தலைமையில் சட்டத்தரணிகள், நிறுவன தலைவர்கள், தேசிய கொள்கை வகுப்பாளர்கள், தொழில்நுட்ப  கண்டுபிடிப்பாளர்கள் மற்றும் இத் துறையிலுள்ள நிபுணர்கள் ஆகியோர் கலந்துகொண்டதுடன், டிஜிட்டல் தொழில்நுட்ப மாற்றத்தை நோக்கிய பயணத்தில் இலங்கை முகம்கொடுக்கும் சட்ட சவால்கள் தொடர்பாகவும் விரிவான கலந்துரையாடல்கள் மேற்கொள்ளப்பட்டது. உள்நாட்டு மற்றும் வெளிநாட்டு டிஜிட்டல் அச்சுறுத்தல்களை கட்டுப்படுத்துவது தொடர்பாகவும், சைபர் குற்றங்கள் தொடர்பாகவும், செயற்கை நுண்ணறிவை தவறாக பயன்படுத்தல் மற்றும் தரவுகளை பாதுகாப்பது போன்ற விடயங்கள் தொடர்பாகவும் இலங்கை பொலிசார் கவனத்தை செலுத்தி இக் காலத்திற்கு ஏற்றவாறு தற்போதைய சட்ட விதிகளின் கீழ் நடவடிக்கை எடுக்கப்படும் முறைமை தொடர்பாகவும் இதன்போது கருத்துக்கள் தெரிவிக்கப்பட்டன. 

பொலிஸ் சேவையிலுள்ள அனைத்து தரத்திலுள்ள உத்தியோகத்தர்கள் மற்றும் அவர்களின் குடும்ப நலன்புரிகளில் ஈடுபட்டுள்ள இலங்கை பொலிஸ் சேவை வனிதையர் பிரிவின் எதிர்காலத்திற்கான புதிய உத்தியோகத்தர்கள் குழுவை தேர்ந்தெடுக்கும் பொதுக்குழு கூட்டமானது பதில் பொலிஸ்மா அதிபர் சட்டத்தரணி பிரியந்த வீரசூரிய அவர்களின் தலைமையில் 02.08.2025 ஆந் திகதி காலை வேளையில் கொழும்பு பிரதிப் பொலிஸ்மா அதிபர் அலுவலகத்திலுள்ள  மாநாட்டு மண்டபத்தில் நடைபெற்றது.  பொலிஸ் சேவை வனிதையர் பிரிவின் தலைவரும் பதில்  பொலிஸ்மா அதிபரின் துனைவியுமான சட்டத்தரணி திருமதி. நில்மினி சமரதுங்க அவர்களும், ஓய்வுப்பெற்ற பொலிஸ்மா அதிபர் ஜயந்த விக்ரமரத்ன அவர்களின் துனைவி, சேவை வனிதையர் அன்னையர் பிரிவின் ஆலோசகருமான சிரேஷ்ட சட்டத்தரணி அனோமா குனதிலக ஆகியோரின் தலைமையில் நடைபெற்றதுடன். அப் பிரிவின் உயர் அதிகாரிகளும் இக் கூட்டத்தில் கலந்துகொண்டனர்.  புதிய உறுப்பினர்களை பதிவு செய்தல், கடந்த வருடம் கணக்கறிக்கை சமர்ப்பித்தல் போன்றவை இக்கூட்டத்தில் இடம்பெற்றதுடன், புதிய பதவிக்கான உறுப்பினர்களும் தெரிவுசெய்யப்பட்டு அதற்கான உள்ளக உறுப்பினர்களும் நியமிக்கப்பட்டனர். பொலிஸ் உத்தியோகத்தர்களின் குடும்ப நலன்புரிக்காக எதிர்கால புதிய வேலைத்திட்டங்கள் தொடர்பாகவும், புதிய திட்டங்களை நடைமுறைப்படுத்துவது  தொடர்பாகவும் கலந்துறையாடப்பட்டுள்ளது.  யாப்பில் குறிப்பிடப்பட்டுள்ளவாறு தலைவர் – சட்டத்தரணி திருமதி. நில்மினி நீட்டா சமரதுங்க அவர்கள். உபத்தலைவர் – பிரதிப் பொலிஸ்மா அதிபர் திருமதி. நிஷானி செனவிரத்ன அவர்கள். செயலாளர் – பிரதிப் பொலிஸ்மா அதிபர் திருமதி. ரேணுகா ஜயசுந்தர அவர்கள். பொருளாளர்  – சிரேஷ்டப் பொலிஸ் அத்தியட்சகர் திருமதி. மதாரா ஆரியசேன அவர்கள்.  உப பொருளாளர் –  பெண் பிரதான பொலிஸ் பரிசோதகர் திருமதி. நிமாலி பொன்சேகா அவர்கள்  

மாத்தறை மற்றும் தங்காலை பொலிஸ் பிரிவுகளில் பதிவாகும் திட்டமிடப்பட்ட குற்றங்கள் மற்றும் சட்ட விரோத நடவடிக்கைகளை கட்டுப்படுத்தும் நோக்கத்துடன் மாகாணத்தின் சட்டம் மற்றும் ஒழுங்கைப் பேணுவதற்கான வேலைத்திட்டங்களின் முன்னேற்றம் தொடர்பாக மதிப்பாய்வு செய்வதற்கான சந்திப்பொன்று 29.08.2025 ஆந் திகதி மாத்தறை சனச மண்டபத்தில் நடைபெற்றது.   கௌரவ பொதுமக்கள் பாதுகாப்பு மற்றும் பாராளுமன்றம் அலுவல்கள் அமைச்சர் கௌரவ திரு. ஆனந்த விஜேபால அவர்களின் தலைமையிலும் அமைச்சின் செயலாளர் ஓய்வுப்பெற்ற சிரேஷ்டப் பிரதிப் பொலிஸ்மா அதிபர் திரு. ரவி செனவிரத்ன அவர்கள் மற்றும் பதில் பொலிஸ்மா அதிபர் சட்டத்தரணி திரு. பிரியந்த வீரசூரிய அவர்கள் மற்றும் மாகாணங்களுக்குப் பொறுப்பான சிரேஷ்டப் பிரதிப் பொலிஸ்மா அதிபர்களும் இந் நிகழ்வில் கலந்து கொண்ட தோடு கடமைகளை மேற்கொள்ளும் போது ஏற்படும்  பிரச்சனைகள் தொடர்பாகவும் உத்தியோகத்தர்களின் நலன்புரிகளை மேம்படுத்துவது தொடர்பாகவும் இதன்போது கலந்துரையாடப்பட்டது. 

2011 ஆண்டிலிருந்து தண்டப்பணம் செலுத்தப்படும் முறைமையை புதிய பரிமானத்துடன் செயற்படுத்தும் முயற்சிகளின் பலனாக Digital payment System திட்டமானது வெற்றிகரமாக பொதுமக்களிடம் கொண்டு செல்வதற்கு பொதுமக்கள் பாதுகாப்பு அமைச்சு மற்றும் போக்குவரத்து, நெடுஞ்சாலைகள், துறைமுகங்கள் மற்றும் சிவில் விமான சேவைகள் அமைச்சு மற்றும் டிஜிட்டல் அபிவிருத்தி ஆகிய அமைச்சுகளும் இதில் இணைந்துள்ளது. முதற்கட்டமாக அநுராதபுரம், கவரக்குளம், திரப்பனை, மரதன்கடவள, கெகிராவை, மடாட்டுகம, குருநாகல், கொக்கரெல்ல, மெல்சிரிபுர, தொரட்டியாவ, தம்புள்ளை, கலேவெல ஆகிய 12 பொலிஸ் நிலையங்களில் கைத்தொலைபேசிகளை உபயோகித்து இத் திட்டத்தை ஆரம்பித்ததன் ஊடாக Digital payment System என்ற திட்டமானது வெற்றியடைந்துள்ளது. பொலிசார் மற்றும் பொதுமக்களின் வசதிக்காக மேலும் இத் திட்டத்தை விரிவுப்படுதி மேல் மாகாணங்கள் மற்றும் அதிவேக வீதிகளில் இடம்பெறும் சகல போக்குவரத்து குற்றங்கள் GovPay ஊடாக தண்டப்பணத்தை செலுத்துவதற்கான வசதிகள் 28.07.2025 ஆந் திகதி போக்குவரத்து, நெடுஞ்சாலைகள், துறைமுகங்கள் மற்றும் சிவில் விமான சேவைகள் அமைச்சர் ரத்நாயக்க அவர்கள் மற்றும் பொதுமக்கள் பாதுகாப்பு அமைச்சர் ஆனந்த விஐயபால அவர்களின் தலைமையில் மற்றும் பதில் பொலிஸ்மா அதிபர் சட்டத்தரணி பிரியந்த வீரசூரிய அவர்களின் பங்கேற்புடன் அதிகாரபூர்வமாக ஆரம்பிக்கப்பட்டு அறிமுகப்படுள்ளது.   இத்திட்டத்தை வெற்றிகரமாக செய்து முடிப்பதற்காக படிப் படியாக பொலிஸ் உத்தியோகத்தர்களுக்கு பயிற்சிகளை வழங்குவதற்கும், பொதுமக்களிடம் தெளிவுப்படுத்துவதற்கும் எதிர்காலத்தில் நடவடிக்கை எடுக்கப்படும். போக்குவரத்து குற்றங்கள் மற்றும் விபத்துகளை தடுப்பதற்கு மற்றும் பொதுமக்களுக்கு வசதிகள் வழங்குவதை இலகுபடுத்தும் நோக்கில் ஆரம்பிக்கப்பட்ட Digital payment System திட்டமானது எதிர்காலத்தில் நாடளாவிய ரீதியில் நடைமுறைப்படுத்துவதற்கு நடவடிக்கை எடுக்கப்பட்டுள்ளது

சப்ரகமுவ மாகாணத்தில் பதிவாகும் ஏதேனும் கடுமையான குற்றங்கள் அல்லது முறைப்பாடுகளை உடனடியாக நிவர்த்திசெய்வதற்காக தங்களிடமுள்ள திறனை மேலும் மேம்படுத்துவதற்காக குருவிட்ட பொலிஸ் நிலைய வளாகத்தில் ஸ்தாபிக்கப்பட்டுள்ள சப்ரகமுவ மாகாணக் குற்ற விசாரணை பிரிவானது பதில் பொலிஸ் மாஅதிபர் சட்டத்தரணி பிரியந்த வீரசூரிய அவர்களின் தலைமையின் கீழ் 19.07.2025 ஆந் திகதி  மாலை வேளையில் திறந்துவைக்கப்பட்டுள்ளது. இதன்போது பொலிஸ் மாஅதிபருடன் சப்ரகமுவ மாகாணத்திற்கு பொறுப்பான சிரேஷ்டப் பிரதி பொலிஸ் மாஅதிபர் மஹிந்த குணரத்ன அவர்களும் இரத்தினபுரி பிராந்தியத்திற்கு பொறுப்பான பிரதிப் பொலிஸ் மாஅதிபர் மஞ்சுள மஹகிரில்ல அவர்களும் இரத்தினபுரி பிரிவிற்கு பொறுப்பான சிரேஷ்டப் பொலிஸ் அத்தியட்சகர் கபில பிரேமதாஸ அவர்கள் மற்றும் பொலிஸ் சிரேஷ்ட உத்தியோகத்தர்களும் இந்நிகழ்வில் கலந்து கொண்டுள்ளனர்.