බස්නාහිර පළාත තුළ අපරාධ, මත්ද්රව්ය, නීති විරොධී ක්රියාකාරකම් මැඩලීම සඳහා තොරතුරු ලබාදිය හැකි නව WhatsApp අංකය – 077 7128128 පැය 24 පුරා මෙම WhatsApp අංකයට ලැබෙන තොරතුරු බස්නාහිර පළාත භාර ජ්යෙෂ්ඨ නියෝජ්ය පොලිස්පති කාර්යාලයේ ස්ථාපිත විශේෂ මෙහෙයුම් මැදිරිය මගින් නිරීක්ෂණය කෙරෙන අතර තොරතුරු ලබාදෙන පුද්ගලයින්ගේ රහස්යභාවය සුරැකේ.
2019 වර්ෂයේ සිට 2023 වර්ෂය දක්වා කාලය තුළ දකුණු ඉන්දියාවේ සිට මෙරටට මත්ද්රව්ය ප්රවාහනය කර අත්අඩංගුවට පත්වූ සැකකරුවෙකුගේ බිරිඳගේ මව නීති විරෝධී වත්කම් විමර්ශන කොට්ඨාසය විසින් 2026.03.15 දින සවස මන්නාරම ප්රදේශයේදී අත්අඩංගුවට ගෙන ඇත. ජාවාරම්කරු ඉපැයූ මුදලින් මිලදීගත් දේපළ සම්බන්ධව සිදුකළ විමර්ශනයේදී රන් භාණ්ඩ තොගයක් මෙම සැකකාරිය විසින් මූල්ය ආයතන කිහිපයක උකස් කර පසුව මන්නාරම ප්රදේශයේ රන් භාණ්ඩ අලෙවිසැල් කිහිපයකට විකිණීම සිදුකර ඇති බව අනාවරණය වී තිබේ. ඒ් අනුව මුදල් විශූද්ධීකරණය වැලැක්වීමේ පනත ප්රකාරව නීති විරෝධී ක්රියාකාරකම් මගින් උපයාගන්නා ලද භාණ්ඩ බව දනිමින්ම උකස් කිරීම හා විකිණීම සිදු කිරීම යන වැරදි සැකකාරිය විසින් සිදුකර ඇති බැවින් අත්අඩංගුවට ගැනීමට ක්රියාකර ඇත. සැකකාරිය වයස අවුරුදු 66 ක් වන මන්නාරම ප්රදේශයේ පදිංචිකාරියකි. ජාවාරම මගින් උපයාගත් දෙමහල් නිවසක්, කඩකාමර 05 කින් යුත් නිවසක්, මෝටර් රථයක් හා රන් පවුම් 360 කට ආසන්න රන් ආභරණ ප්රමාණයක් සම්බන්ධව නීති විරෝධී වත්කම් විමර්ශන කොට්ඨාසය විසින් මහාධිකරණයේ නඩු පවරා භාවිතය තහනම් කර එම නියෝග දීර්ඝ කිරීම සිදු කරමින් පවතී. නීති විරෝධී වත්කම් විමර්ශන කොට්ඨාසය මගින් තවදුරටත් විමර්ශන ක්රියාත්මකයි.
2026.03.15 වන දින අළුයම අහුංගල්ල ගමකරවත්ත ප්රදේශයේ නිවසක් පිටුපස සිටි පුද්ගලෙයකු සන්තකයේ තිබී අයිස් ග්රෑම් 261 මිලිග්රෑම් 620 ක් අත්අඩංගුවට ගැනීමට අහුංගල්ල පොලිස් ස්ථානයේ නිලධාරීන් සිදුකළ වැටලීමකින් හැකිවී තිබේ. සැකකරු මත්ද්රව්ය බෙදාහැරීමේ නිරතවන්නෙකු බවට සැකකළ හැකි පරිදි කුඩා ප්රමාණයේ මත්ද්රව්ය ඇසුරුම් කිහිපයක් සන්තකයේ තිබී හමුවී අති අතර ජාවාරිමන් උපයාගත් බවට සැකකරන මුදල් රුපියල් 105,000/= ක්ද පොලිස් භාරයට ගෙන ඇත. සැකකරු වයස අවුරුදු 22 ක් වන පාතේගම ප්රදේශයේ පදිංචිකරුවෙකි. අහුංගල්ල පොලිස් ස්ථානය විසින් සැකකරු සම්බන්ධ වැඩිදුර විමර්ශන සිදුකරයි.
* තංගල්ල කොට්ඨාස අපරාධ විමර්ශන කාර්යංශය 2026.03.14 දින දහවල් හුංගම කිවුල දකුණ හා හාතගල ප්රදේශ තුළ සිදුකළ වැටලීම් මගින් අයිස් මත්ද්රව්ය ග්රෑම් 210 ක් හා හෙරොයින් ග්රෑම් 102 ක් සමඟ සැකකරුවන් දෙදෙනෙකු අත්අඩංගුවට ගෙන ඇත. අවුරුදු 27 හා 39 වයසේ පසුවන අම්බලන්තොට ප්රදේශවල පදිංචිකරුවන් වන මෙම සැකකරුවන් සම්බන්ධව හුංගම පොලිස් ස්ථානය වැඩිදුර විමර්ශන සිදුකරයි. * ඌරගස්මංහන්දිය පොලිස් ස්ථානයේ නිලධාරීන් කණ්ඩායමක් එදින රාත්රියේ ඌරගස්මංහන්දිය උඩුමුල්ල ප්රදේශයේ සිදුකළ වැටලීමක් මගින් ද අයිස් මත්ද්රව්ය ග්රෑම් 105 මිලිග්රෑම් 450 ක් හා හෙරොයින් ග්රෑම් 52 ක් ළඟ තබාගෙන සිටි සැකකරුවෙකු අත්අඩංගුවට ගෙන ඇත. සැකකරු වයස අවුරුදු 36 ක් වන ගල්උඩුමුල්ල ප්රදේශයේ පදිංචිකරුවෙකි. * ගංජා කිලෝග්රෑම් 02 ක් අයිස් මත්ද්රව්ය ග්රෑම් 05 මිලිග්රෑම් 260 ක් හා මත්ද්රව්ය ජාවාරමෙන් උපයාගත් බවට සැකකරුන මුදල් රුපියල් 84,500 ක් සන්කයේ තබාගෙන සිටි සැකකරුවෙකු අත්අඩංගුවට ගැනීමට ගලේවෙල පොලිස් ස්ථානයට හැකි වී තිබේ. 2026.03.14 දින දහවල් ගලේවෙල ජයතිලකමාවත ප්රදේශයේදී අදාළ වැටලීම සිදුකර ඇත. සැකකරු වයස අවුරුදු 38 ක් වන එම ප්රදේශයේම පදිංචිකරුවෙති. ගලේවෙල පොලිස් ස්ථානය මගින් සැකකරු සම්බන්ධව වැඩිදුර විමර්ශන ක්රියාත්මකයි.
මිරිහාන,මහරගම,දෙහිවල, ගල්කිස්ස වැනි කොළඹට ආසන්න තදාසන්න ප්රදේශවල නිවෙස් හිමියන් ගෘහ සේවය සඳහා මෙන්ම ව්යාපාරික ස්ථාන සඳහා සේවක සේවිකාවන් සොයා ගැනීම බොහෝ විට නියෝජිත ආයතන මගින් හෝ තැරැව්කරුවන් මගින් සිදුකරගනී. ඇතැම් අවස්ථාවල එම සේවකයින් අදාල නිවසේ හිමිකරුවන්ගේ මුදල්, රන් ආභරණ, දේපල හා විදේශීය මුදල් ඇතුළු වටිනා දේ සොරකම් කර පළා ගිය අවස්ථා අවස්ථා පිළිබඳව වාර්තා වන බැවින් යම් අයෙකු සේවකයෙකු ලෙස බඳවා ගන්නේ නම් පහත සඳහන් මගපෙන්වීම් සහ ක්රියාමාර්ග අනුගමනය කිරීම සුදුසු බව දැනුම් දෙන්නෙමු. * සේවයට බඳවා ගැනීමට පෙර ඔහුගේ හෝ ඇයගේ පසුබිම පරීක්ෂා කරන්න. * ජාතික හැඳුනුම්පතේ පැහැදිලි ඡායාරූප පිටපතක් ලබාගෙන එහි මුල් පිටපත පරීක්ෂා කර සත්ය පිටපතක් බව තහවුරු කර ගැනීම. * ස්ථිර හා තාවකාලික පදිංචි ප්රදේශයේ පොලිස් ස්ථානයෙන් ඔහු හෝ ඇය සම්බන්ධයෙන් පොලිස් වාර්තාවක් ලබා ගන්න. * පවුලේ සාමාජිකයන්ගේ දුරකථන අංක ඉල්ලාගෙන තහවුරු කරගන්න. * නිවසේ රන් ආභරණ, මුදල් සහ වටිනා ලියකියවිලි ආරක්ෂිත ස්ථානයක සඟවා තබාගන්න.
පොලිස් විශේෂ කාර්ය බලකායේ ගෝනහේන කඳවුරට අනුයුක්ත විශේෂ මෙහෙයුම් ඒ්කකයේ නිලධාරීන් කණ්ඩායමක් විසින් 2026.03.10 වන දින සවස නිට්ටඹුව පොලිස් වසමේ මීඅබේවත්ත පාර ප්රදේශයේදී අයිස් මත්ද්රව්ය කිලෝග්රෑම් 01 ග්රෑම් 344 ක් සහ හෙරොයින් මත්ද්රව්ය ගෑම් 688 ක් යතුරුපැදියක් මගින් ප්රවාහනය කරමින් සිටි සැකකරුවෙකු හා සැකකාරියක් අත්අඩංගුවට ගෙන ඇත. විදේශගතව සිටින සංවිධානාත්මක අපරාධ සැකකරුවෙකුගේ හා සංවිධානාත්මක අපරාධ සම්බන්ධව බන්ධනාගාරගතකර සිටින්නෙකුගේ අනුගාමිකයින් ලෙස මොවුන් හඳුනාගෙන ඇති අතර තවදුරටත් විමර්ශන සඳහා පොලිස් මත්ද්රව්ය කාර්යංශය වෙත භාර දී ඇත.
ඇතිමලේ පොලිස් ස්ථානය හා මත්ද්රව්ය නාශක කාර්යංශය 2026.03.09 වන දින උදෑසන ඇතිමලේ පොලිස් වසමේ කොටියාගල රක්ෂිත ප්රදේශයේ අක්කර 02 ක පමණ භූමි ප්රමාණයක වගාකර තිබූ ගංජා වගාවක් වැටලා එක් සැකකරුවෙකු අත්අඩංගුවට ගෙන ඇත. අඩි 06 ක් පමණ උසට වැඩී තිබූ ගංජා ගස් 55220 ක ප්රමාණයක් භූමි ප්රමාණයේ වගාකර තිබී ඇති අතර වගාව ගිණිතබා විනාශ කිරීමට පියවර ගෙන ඇත. සැකකරු වයස අවුරුදු 34 ක් වන ඇඹිලිපිටිය ප්රදේශයේ පදිංචිකරුවෙකි. ඇතිමලේ පොලිස් ස්ථානය විසින් වැඩිදුර විමර්ශන ක්රියාත්මකයි.
හබරණ පොලිස් ස්ථානයේ ස්ථානාධිපති ඇතුළු නිලධාරීන් කණ්ඩායමක් 2025.03.07 වන දින දඹුල්ල මාර්ගයේ ලොජ් හංදිය ආසන්නයේදී අයිස් මත්ද්රව්ය ග්රෑම් 46 මිලි ග්රැම්ස් 200 ක් සන්තකයේ තබාගෙන සිටි පුද්ගලයින් දෙදෙනෙකු අත්අඩංගුවට ගෙන ඇත. එක් සැකකරුවෙක් වයස අවුරුදු 27 ක් වන බකමූණ යාය 06 ප්රදේශයේ පදිංචිකරුවෙකි. ඔහු සන්තකයේ අයිස් මත්ද්රව්ය ග්රැම්ස් 35 මිලි ග්රැම්ස් 100 ක් තිබී ඇත. අත්අඩංගුවට ගත් අනෙක් සැකකරු වයස අවුරුදු 24 ක් වන පලුගස්වැව හබඳිවුල්වැව ප්රදේශයේ පදිංචිකරුවෙකි. ඔහු සන්තකයේ තිබී ඇති මත්ද්රව්ය ප්රමාණය අයිස් මත්ද්රව්ය ග්රෑම් 11 මිලිග්රෑම් 100 කි. මෙම සැකකරුවන් දෙදෙනා හබරන පොලිස් ස්ථානයේ දින 05 ක රදවා ගැනිමේ නියෝග මත රඳවා ගෙන ජාවරමට සම්බන්ධ අනෙකුත් සැතකරුවන් අත්අඩංගුවට ගැනීම සඳහා විමර්ශන සිදුකරයි.
වෙරළබඩ පොලිස් වසමේ ජින්තුපිටිය ප්රදේශයේදී 2026 ජනවාරි 16 දින පුද්ගලයකු වෙඩි තබා ඝාතනය කර දරුවන් දෙදෙනෙකුට තුවාල සිදුකිරීමේ සිද්ධිය සම්බන්ධයෙන් කොළඹ දිසාව භාර නියෝජ්ය පොලිස්පති නිශාන්ත සොයිසා මහතාගේ උපදෙස් පරිදි කොළඹ මධ්යම කොට්ඨාසය භාර ජ්යෙෂ්ඨ පොලිස් අධිකාරී මහේෂ් කුමාරසිංහ මහතාගේ හා කොළඹ මධ්යම දිස්ත්රික් 1 භාර ජ්යෙෂ්ඨ පොලිස් අධිකාරී බී.ඩී ගුණසේකර මහතාගේ අධීක්ෂණය යටතේ විමර්ශන ආරම්භ කරනු ලැබුවේ කොළඹ මධ්යම කොට්ඨාස අපරාධ විමර්ශන අංශය මගිනි. එම විමර්ශන වල ප්රථිපලයක් ලෙස අපරාධය සිදු කිරීම සඳහා පැමිණි වෙඩික්කරුවෙකු උඩවලව ප්රදේශයේ සිටින බවට කොළඹ මධ්යම අපරාධ විමර්ශන කොට්ඨාසයේ නිලධාරීන්ට ලද සාර්ථක තොරතුරක් මත එම සැකකරු 2026.03.09 දින උඩවලට ප්රදේශයේදී අත්අඩංගුවට ගැනීමට විමර්ශන නිලධාරීන්ට හැකිවිය. ඔහු වයස අවුරුදු 26ක් වන මිරිස්යාය, කොළඹගේආර ප්රදේශයේ පදිංචිකරුවෙකු වේ. සැකකරුගෙන් සිදුකල ප්රශ්ණ කිරීමේදී අනාවරණය වූ තොරතුරු මත අපරාධය සිදුකිරීමේදී සැකකරු භාවිතා කර ඇති ජංගම දුරකතන 02ක් ඇතුළු දේපළ ද, විමර්ශන නිලධාරීන් භාරයට ගෙන ඇති අතර සැකකරු සමඟ එම නඩු භාණ්ඩ වැඩිදුර විමර්ශන සඳහා වෙරළබඩ පොලිස් ස්ථානයට භාරදී ඇත. මෙම අපරාධය සිදු කිරීම සඳහා පැමිණි අනෙක් වෙඩික්කරු කොළඹ අපරාධ කොට්ඨාසය මගින් 2026.03.03 දින දහවල් ග්රෑන්ඩ්පාස් පොලිස් වසමේදී අයිස් මත්ද්රව්ය ග්රෑම් 11 මිලිග්රෑම් 830 ක් සමඟ අත්අඩංගුවට ගත් අතර එම සැකකරු අද දින මාලිගාකන්ද ගරු මහේස්ත්රාත් අධිකරණය වෙත ඉදිරිපත් කිරීමෙන් පසුව රක්ෂිත බන්ධනාගාර ගත කර ඇත.
වත්මන් පොලිස් මාධ්ය ප්රකාශක සහකාර පොලිස් අධිකාරී නීතිවේදී ෆෙඩ්රික් වුට්ලර් මහතා මාධ්ය ක්ෂෙත්රයට වෙනුවෙන් ඉටුකරන කැපී පෙනෙන කාර්ය භාරය වෙනුවෙන් තෙවන වරටත් ජනතා සම්මානයට පාත්ර වෙමින් 2026 මාර්තු මස 12 වන දින සවස බණ්ඩාරනායක අනුස්මරණ ජාත්යන්තර සම්මන්ත්රණ ශාලාවේදී පැවැත්වුනු SLI-BA 2026 – Sri Lanka International Business Awards සම්මාන උළෙලේදී විශ්ව අභිමාන්න්ය ගෞරව සම්මානයෙන් පිදුම් ලැබීය. 2025 දෙසැම්බර් මස 29 වන දින බත්තරමුල්ල Waters Edge හෝටල් පරිශ්රයේදී පැවැත්වුනු People’s Excellency Awards 2025 සම්මාන උළෙලේදී Public Communication Award සම්මානයට පාත්රවීම එතුමා ලැබූ පළමු සම්මානයයි. දෙවන සම්මානය, 2025 වසරේ මෙරට වෙනුවෙන් කැපි පෙනෙන සමාජ සේවයක් ඉටුකළ පුද්ගලයන් ඇගයීමට ලක්කරමින් 2026 පෙබරවාරි මස 02 වන දින කොළඹ 07 පදනම් ආයතනයේදී පැවැත්වුනු ජාතිකාභිමානී උත්තමාචාර 2026 ( Pride of the Nation Award 2026 ) සම්මාන උළෙලේදී පිරිනැමූ Pride of the Nation සම්මානයයි. පොලිස් මාධ්ය කොට්ඨාසයේ අධ්යක්ෂ හා පොලිස් මාධ්ය ප්රකාශක ලෙස කටයුතු කරමින් සිංහල දෙමළ හා ඉංග්රීසි භාෂා ත්රිත්වයෙන්ම මාධ්ය නිවේදන මාධ්ය ආයතන වෙත යොමුකිරීමෙන් ප්රජාව දැනුවත් විය තොරතුරු ප්රසිද්ධ කිරීමට කැපවීම, Sri Lanka Police නිල Facebook ගිණුම ඇතුළු ශ්රී ලංකා පොලිසියේ සමාජ මාධ්ය ජාලා සහ පොලිස් නිල වෙබ් අඩවිය ඔස්සේ සෘජුවම මහජනතාව වෙත තොරතුරු, අවවාද, උපදෙස් ගෙනයාමට කටයුතු කිරීම, වැනි ප්රශංසනීය මාධ්ය මෙහෙවරක නිරතවීම මෙවරද සම්මානයට පාත්රවීමට පාදක විය. පොලිස් මාධ්ය කොට්ඨාසය සාම්ප්රදායික මාධ්යකරනයෙන් ඔබ්බට ගෙන යමින් නව මාධ්ය රටාවට අනුගත වෙමින් ජනාතාවට තොරතුරු සමීපකරවීම සඳහා පොඩ්කාස්ට් (Podcast) වැනි අන්තර්ජාලය හරහා ඕනෑම වේලාවක සවන් දිය හැකි, එපිසෝඩ (episodes) ලෙස නිකුත් වන ඩිජිටල් ශ්රව්ය/දෘශ්ය වැඩසටහන් මාලාවක් පොලිස් නිල සමාජ මාධ්ය ජාලා ඔස්සේ සමාජය වෙත මුදාහැරීම වැනි නව සංකල්ප ක්රියාවට නැංවීම මෙහිදී විශේෂයෙන් ඇගයීමට ලක්විය. එමෙන්ම බාහිර උපදේශකවරයෙකු වශයෙන් සිසුන් හා ආයතන දැනුවත් කිරීමේ වැඩමුළු මෙහෙයවීම මගින් වුට්ලර් මහතා සමාජීය වශයෙන් ලබා ඇති කීර්තිය හා ශ්රී ලංකා පොලිසියට එක් කර ඇති අභිමානය මෙවර උළෙලේදී විශ්ව අභිමාන්න්ය ගෞරව සම්මානය හිමිවීමට හේතු සාධක වී තිබේ.