තියුණු ආයුධයක් පෙන්වා බියගන්වා 2024.08.13 වන දින කුරණ ප්‍රදේශයේදී රුපියල් ලක්ෂ 35 කට අධික වටිනාකමින් යුත් ලොරි රථයක් සහ ලක්ෂ 10 කට අධික වටිනාකමින් යුත් රන් මාලයක් කොල්ලකෑ පිරිසෙන් සැකකරුවන් දෙදෙනෙකු ජා ඇල ප්‍රදේශයේදී අත්අඩංගුවට ගැනීමට මීගමුව කොට්ඨාස අපරාධ විමර්ශන කාර්යංශය 2024.08.20 දින සමත්වී ඇත.
කොල්ලකෑමට ලක්වූ ලොරි රථය කුරණ ප්‍රදේශයේම අතහැරගොස් තිබියදීත්, රන් මාලය උනුකර ලබාගත් රන් කැබල්ලක් සැකකරුවන් සන්තකයේ තිබියදීත් සොයාගෙන මීගමුව පොලිස් ස්ථානය භාරයට පත්කර ඇති අතර සිද්ධියට සම්බන්ධ අනෙකුත් සැකකරුවන් සොයා තවදුරටත් විමර්ශන ක්‍රියාත්මකය.
අත්අඩංගුවට ගත් සැකකරුවන් වයස අවුරුදු 33 ක් සහ 63 ක් වන පොල්පිතිගම සහ ජා ඇල ප්‍රදේශයේ පදිංචිකරුවන්ය.
