වැලිගම පොල්වත්ත ප්රදේශයේ පදිංචි මත්ද්රව්ය ජාවාරමෙහි නියුතු පුද්ගලයෙකු පිළිබඳව ලද තොරතුරක් මත එම පුද්ගලයා අත්අඩංගුවට ගැනීම සඳහා වැලිගම පොලිස් ස්ථානයේ නිලධාරීන් 2024.08.28 වන දින උදෑසන ඔහු පදිංචි නිවස වටලා ඇත.
සැකකරු පොලිස් නිලධාරීන් දැක සන්තකයේ තිබූ අයිස් මත්ද්රව්ය ග්රෑම් 500 ක පාර්සලයක් අතැතිව නිවසින් පලා යාමට උත්සහ කරීමේදී පොලිස් නිලධාරීන් ඔහුව අත්අඩංගුවට ගෙන තිබේ..
වයස අවුරුදු 28 ක් වන සැකකරු කුලී රැකියාවන්හි නිරත වෙමින් මෙම ජාවාරම් සිදුකරන බවට තොරතුරු අනාවරණය වී ඇති අතර ඔහු සන්තකයේ තිබූ ඩිජිටල් තරාදියක් සහ ජංගම දුරකථනයද සොයාගෙන පොලිස් භාරයට ගෙන ඇත.
වැලිගම පොලිසිය සැකකරු සම්බන්ධ මත්ද්රව්ය ජාලය හඳුනාගෙන අනෙකුත් සැකකරුවන් හඳුනාගැනීම සඳහා වැඩිදුර විමර්ශන සිදුකරනු ලබයි.
