කොටදෙනියාව පොලිස් ස්ථානයේ නිලධාරීන් කොටදෙනියාව මැල්ලවගෙදර ප්‍රදේශයේ නීති විරෝධී මත්පැන් මත්පැන් නිෂ්පාදනය කරනු ලබන දෙමහල් නිවසක පිලිබඳව අනාවරණය කරගත් තොරතුරක් මත 2024.09.25 වන දින දහවල් එම නිවස වටලා පරීක්ෂාවට ලක්කර තිබේ.
එහිදී නිවසේ කාමර 03 ක් තුල තිබී නීති විරෝධී මත්පැන් ලීටර් 405 ක්, ගෝඩා ලීටර් 8505 ක් සහ මත්පැන් පෙරීමට උපයෝගී කර ගන්නා ලද තඹ දඟර 02 ක්. ගෑස් සිලින්ඩර් 06 ක්, වතුර මෝටර් 03ක්, ගෑස් ලිප් 02 ක් සහ සීනි කිලෝග්‍රෑම් 50 බැඟින් අඩංගු මිටි 17ක් හමුවී ඇති අතර ඒ සමඟ නිවසේ රැදී සිටි සැකකරුවන් තිදෙනෙකු අත්අඩංගුවට ගෙන ඇත.
සැකකරුවන් අවුරුදු 25 , 32 හා 49 වයස් වල පසුවන පුත්තලම, කොටදෙණියාව හා මීරිගම ප්‍රදේශවල පදිංචිකරුවන්ය.
කොටදෙනියාව පොලිස් ස්ථානය සැකකරුවන් අධිකරණය වෙත ඉදිරිපත්කර විමර්ශන පවත්වාගෙන යනු ලබයි.
