ගම්පහ කොට්ඨාස ප්‍රජා පොලිස් ඒකකයේ සංවිධානයෙන් ගම්පහ කොට්ඨාසයේ කිරි ගොවීන් මුහුණපා ඇති ගැටලු හා ගවයින් ආරක්‍ෂා කරගැනිම සම්බන්ධ සාකච්ඡාවක් ගම්පහ කොට්ඨාස භාර, ජ්‍යෙෂ්ඨ පොලිස් අධිකාරි, මුදිත පුස්සැල්ල මහතාගේ ප්‍රධානත්වයෙන් 2018 ජනවාරි 23 දින ගම්පහ පාපන්දු සම්මේලන සම්මන්ත්‍රණ ශාලාවේදි පවත්වන ලදි.

පොලිස්පති පූජිත් ජයසුන්දර මහතාගේ ගමට පොලිසියක් සංකල්පයට ශක්තියක් එක් කරමින් මැදගම පොලිස් ස්ථානාධිපති පොලිස් පරීක්ෂක ඕ.ඒ.එස්.ආර්. දයාරත්න මහතාගේ සංවිධාන ශක්තියෙන් යකුන්නාව ග්‍රාම නිලධාරී වසමේ වායාදෙන, නන්නපුරාව ප්‍රදේශයේ පදිංචි දිළිදු පවුලක් වෙනුවෙන් ඉදිකරන ලද නව නිවස නිවැසියන් වෙත ප්‍රදානය කිරීම මොණරාගල කොට්ඨාස භාර පොලිස් අධිකාරී සුජිත් වෙදමුල්ල මහතා විසින් 2018 ජනවාරි 13 දින සිදු කරන ලදී. 

යටියන්තොට පොලිසියේ ප්‍රජා පොලිස් ඒකකය හා ප්‍රජා පොලිස් කමිටුව සංවිධානයෙන් ලේ දන්දිමේ වැඩසටහනක් යටියන්තොට ශ්‍රී නන්දාරාම විහාරාධිපති, ශාසනාරක්‍ෂක බලමණ්ඩලයේ සභාපති, පූජ්‍ය බොස්සැල්ලේ ධම්මාවාස හිමියන්ගේ අනුශාසකත්වයෙන් හා යටියන්තොට පොලිස් ස්ථානාධිපති, පොලිස් පරීක්‍ෂක, එච්.ජී.එස්.පී.කේ. චන්ද්‍රසිරි මහතාගේ මුලිකත්වයෙන් පසුගිය (22) දා දවස පුරා යටියන්තොට ශ්‍රී නන්දාරාම විහරස්ථානයේදි පවත්වන ලදි. 

කිලිනොච්චිය පොලිස් වසමේ ක්‍රිෂ්නපුරම්, මලයාලපුරම් හා භාර්තීපුරම් ග්‍රාමසේවා වසම්වල ප්‍රජා පොලිස් කමිටු සාමාජිකයින් දැනුවත් කිරිම හා ඔවුන්ගේ ප්‍රශ්න පිළිබඳව සාකච්ඡා කිරිමේ වැඩසටහනක් කිලිනොච්චිය දිස්ත්‍රික් (i) භාර පොලිස් අධිකාරි එච්. සමුද්‍රජීව මහතාගේ ප්‍රධානත්වයෙන් 2017 දෙසැම්බර් 03 දින මලයාලපුරම් ග්‍රාමසේවා කාර්යාලයේදි පවත්වන ලදි.