Print this page

ලියන්ගහවෙල නව පොලිස් ස්ථානය ජනතා අයිතියට.

අතිගරු ජනාධිපතිතුමාගේ සෞභාග්‍යයේ දැක්ම සංකල්පයට සමගාමීව ඉදිකරන ලද බණ්ඩාරවෙල පොලිස් කොට්ඨාසයේ ලියන්ගහවෙල නව පොලිස් ස්ථානය ජනතා අයිතියට පත් කිරීම බදුල්ල දිසාව භාර නියෝජ්‍ය පොලිස්පති ජී.කේ.ජී. අපොන්සු මහතාගේ ප්‍රධානත්වයෙන් 2021 ඔක්තෝම්බර් 29 වන දින පෙරවරුවේ යෙදුණු සුභ මොහොතින් සිදු කරන ලදී.

රටේ පවත්නා කොවිඩ් 19 වසංගත තත්වය හේතුවෙන් නිසි සෞඛ්‍ය මාර්ගෝපදේශයන්ට අනුගතව මෙම උත්සවය පැවැත්විණි. ලියන්ගහවෙල නව පොලිස් ස්ථානයට ග්‍රාමසේවා වසම් 07 ක් අයත් වන අතර, මෙම පොලිස් ස්ථානය ආරම්භ කිරීමට ප්‍රථම එම සියලුම ග්‍රාමසේවා වසම් කොස්ලන්ද පොලිස් ස්ථානයට අයත්ව තිබුණි. මෙම නව පොලිස් ස්ථානය ජනතා අයිතියට පත්වීම තුලින් පොලිස් වසමේ පදිංචි 14380 කට අධික ජනතාවට ශ්‍රී ලංකා පොලිසිය මඟින් ලබාදෙන සේවාවන් වඩා කාර්යක්ෂම හා ඵලදායී ලෙස ලබාගැනීමට මෙන්ම අපරාධ පිළිබඳ බියකින් තොරව තම දෛනික කටයුතු සිදු කර ගැනීමට අවස්ථාව උදාවේ.

නව පොලිස් ස්ථානය ජනතා අයිතියට පත් කිරීමේ අවස්ථාවට බණ්ඩාරවෙල කොට්ඨාස භාර ජ්‍යෙෂ්ඨ පොලිස් අධිකාරී අතුල ද සිල්වා, පොලිස් අධිකාරි  බී.එම්.එම්. දසනායක, සහකාර පොලිස් අධිකාරි ප්‍රදීප් කුමාර යන මහත්වරුන් ඇතුළු පිරිසක් සහභාගි වූහ.