2020.09.11 වන දින උදෑසන 8.00 ට පමණ ග්‍රෑන්ඩ්පාස් පොලිස් වසමේ මුවදොර උයන අසලදී ගෝනහේන පොලිස් විශේෂ කාර්ය බලකා කඳවුරේ නිලධාරීන් විසින් වැටලීමක් සිදුකර හෙරොයින් ග්‍රෑම් 03 මිලි ග්‍රෑම් 280 ක් සමඟ සැකකරුවෙකු අත්අඩංගුවට ගෙන ග්‍රෑන්ඩ්පාස් පොලිස් ස්ථානය වෙත ඉදිරිපත් කර ඇත.

රත්ගම පොලිස් විශේෂ කාර්ය බලකා කඳවුරේ නිලධාරීන්ට ලද තොරතුරක් මත 2020.09.11 වන දින සවස 6.50 ට පමණ අනුරාධපුර පොලිස් වසමේ අනුරාධපුර නව නගරයේ පිහිටි ලැගුම් හලකදී රත්ගම පොලිස් විශේෂ කාර්ය බලකා කඳවුරේ නිලධාරීන් විසින් සංවිධානාත්මක අපරාධ කල්ලි සාමාජිකයෙකු අත්අඩංගුවට ගෙන ඇත.

රාජ්‍ය ආරක්ෂක අමාත්‍යංශයේ සංවිධානයෙන්, ශ්‍රී ලංකා පොලිසියේ රාජ්‍ය නිවේදිත නිලධාරින් සමඟ පොලිස් සේවය ප්‍රතිසංස්කරණය කිරීම පිළිබඳව විශේෂ සාකච්ඡාවක් වාරිමාර්ග අමාත්‍ය හා අභ්‍යන්තර ආරක්ෂක, ස්වදේශ කටයුතු හා ආපදා කළමනාකරණ රාජ්‍ය අමාත්‍ය ගරු චමල් රාජපක්ෂ මැතිතුමාගේ ප්‍රධානත්වයෙන් 2020.09.11 වන අද දින අපරාධ වාර්තා කොට්ඨාස ශ්‍රවණාගාරයේදී පැවැත්විණි.

2020.09.10 වන දින රාත්‍රී 7.30 ට පමණ වැලිපැන්න පොලිස් වසමේ බොන්දුපිටිය හන්දිය අසලදී හොරණ විශේෂ කාර්ය බලකා කඳවුරේ නිලධාරීන් විසින් වැටලීමක් සිදුකර හෙරොයින් ග්‍රෑම් 22 ක් සමඟ සැකකරුවෙකු අත්අඩංගුවට ගෙන වැලිපැන්න පොලිස් ස්ථානය වෙත ඉදිරිපත් කර ඇත.

2020.09.10 වන දින සවස 3.10 ට පමණ ඇහැලියගොඩ පොලිස් වසමේ පරකඩුව ප්‍රදේශයේදි පූගොඩ පොලිස් විශේෂ කාර්ය බලකා කඳවුරේ නිලධාරීන් විසින් වැටලීමක් සිදුකර මෙරට නිෂ්පාදිත පිස්තෝලයක් සමඟ සැකකරුවෙකු අත්අඩංගුවට ගෙන ඇහැලියගොඩ පොලිස් ස්ථානය වෙත ඉදිරිපත් කර ඇත.

2020.09.10 වන දින දහවල් 2.00 ට පමණ කොස්ලන්ද පොලිස් වසමේ උස්වැටිය ප්‍රදේශයේදි උඩවලව පොලිස් විශේෂ කාර්ය බලකා කඳවුරේ නිලධාරීන් විසින් වැටලීමක් සිදුකර අක්කර ¼ ක පමණ වගා කර තිබූ ගංජා හේනක් වැටලීමක් සිදුකර වගා කර තිබූ ගංජා ගස් 3000 ක් පමණ කොස්ලන්ද පොලිස් ස්ථානය වෙත ඉදිරිපත් කර ඇති අතර, අධිකරණ නියෝග මත ආයුර්වේද දෙපාර්තමේන්තුව වෙත භාරදීමට නියමිතය. කොස්ලන්ද පොලීසිය විමර්ශන පවත්වාගෙන යනු ලබයි.