මාර්තු 8 දිනට යෙදෙන ලෝක කාන්තා දිනයට සමගාමීව පොලිස් ළමා හා කාන්තා අපයෝජන නිවාරණ කාර්යංශය මගින් වැඩසටහන් ගණනාවක් සංවිධානය කර ඇති අතර ඒ අනුව පවත්වන ලද වැඩසටහනක් 2021.03.08 වන දින ළමා හා කාන්තා කාර්යංශයේ අධ්‍යක‍්ෂ කාන්තා ජ්‍යෙෂ්ඨ පොලිස් අධිකාරී දර්ශිකා කුමාරි මහත්මියගේ ප්‍රධානත්වයෙන් කොළඹ බැස්ටියන් මාවත පුද්ගලික බස්නැවතුම්පලේදී පවත්වන ලදී.

සෞභාග්‍යමත් රටක ඵලදායි පුරවැසියෙක්, සතුටින් ජීවත්වෙන පවුලක්, විනය ගරුක සමාජයක් යන්න පෙරදැරි කරගනිමින් බියෙන් සැකෙන් තොර සමාජයක් උදෙසා ආරම්භ කරනු ලබන මහජන ආරක්ෂක කමිටු නියමු ව්‍යාපෘතියේ දකුණු පළාත් සම්මන්ත්‍රණය, මහජන ආරක්ෂාව පිළිබඳ අමාත්‍ය රියර් අද්මිරාල් (විශ්‍රාමික) ආචාර්‍ය සරත් වීරසේකර මැතිතුමාගේ ප්‍රධානත්වයෙන් 2021.03.07 වන දින පෙරවරු 09.00 ට රුහුණු විශ්ව විද්‍යාලීය රබීන්ද්‍රනාත් තාගෝර් අනුස්මරණ සම්මන්ත්‍රණ ශාලාවේදී පැවැත්විය.

මුළු ලොවෙහිම වසංගතයක් බවට පත්ව ඇති COVID-19 වෛරසයෙන් ආරක්ෂා වීම සඳහා දකුණු ආසියාවේ උසස්තම එන්නත් නිෂ්පාදන ආයතනයක් වන Serum Institute Of India නම් ආයතනය විසින් නිෂ්පාදනය කරන ලද COVISHIELDTM (Oxford-AstraZeneca) එන්නත, ශ්‍රී ලංකාව තුළ කොවිඩ් මර්දනයට සෘජු දායකත්වයක් දක්වන ශ්‍රී ලංකා පොලිසියේ නිලධාරීන් වෙත ලබාදීම 31.01.2021 වන දින නාරාහේන්පිට පොලිස් රෝහලේදී ආරම්භ කරන ලදි.

සංවිධානාත්මක අපරාධ නිවාරණ කොට්ඨාසයේ නිලධාරීන්ට ලද තොරතුරක් මත 2021.02.16 දින කොහුවල පොලිස් වසමේ පැපිලියාන පාරේ පිහිටි නවාතැන් පහසුකම් සපයන ස්ථානයක තිබී හෙරොයින් කිලෝ 5 යි ග්‍රෑම් 125 ක් සහ අයිස් මත්ද්‍රව්‍ය කිලෝ 5 යි ග්‍රෑම් 25 ක් සමඟ සැකකරුවකු අත්අඩංගුවට ගෙන ඇත.

2021.02.12 වන අද දින උදෑසන 11.45 ට පමණ බස්නාහිර පලාත් බුද්ධි කොට්ඨාසයේ නිලධාරීන්ට බොරැල්ල පොලිස් වසමේ ගෝතමීපාර, කොළඹ 08 ලිපිනයේ පිහිටි කල් ඉකුත් වූ රසායනාගාර උපකරණ බෙදා හරින බවට ලද තොරතුරක් මත ජාතික ඖෂද නියාමන අධිකාරියේ නිලධාරීන් කන්ඩායමක් සමග වැටලීමක් සිදුකර ඇත.