ops room

2019 M.A.N. වික්‍රමසිංහ අනුස්මරණ කුසලාන තරඟාවලියේ පිරිමි ශූරතාවය ශ්‍රී ලංකා පොලීසිය දිනා ගනී. කොළඹ දිස්ත්‍රික් කඹ ඇදීමේ සංගමය සහ ජාතික කඹ ඇදීමේ සංගමය ඒකාබද්ධව 05 වන වරටත් සංවිධානය කරන ලද “M.A.N. වික්‍රමසිංහ අනුස්මරණ කුසලානය - 2019” තරඟාවලිය 2019 අගෝස්තු මස 24 වන දින කුරුණෑගල වැහැර ක්‍රීඩාංගනයේදී පැවැත්විය.

පොලිස් සංස්කෘතික අංශයේ නව රංග ශාලාව විවෘත කිරීමකොළඹ 07, මලලසේකර මාවතේ පිහිටි පොලිස් සංස්කෘතික අංශයේ අභිනවයෙන් ඉදිකරන ලද නව රංග ශාලාව විවෘත කිරීම 2019 අගෝස්තු 22 වන දින ප්‍රවර්ථන දිසාව භාර නියෝජ්‍ය පොලිස්පති ප්‍රියන්ත වීරසූරිය මහතා විසින් සිදුකරන ලදී.

ගිරාඳුරුකෝට්ටේ පොලීසියෙන් සමාජ සත්කාරයක්. 2019 සැප්තැම්බර් 03 වන දිනට යෙදී ඇති 153 වන පොලිස් දිනයට සමගාමිව ගිරාඳුරුකෝට්ටේ පොලීසිය, ගල්පෝරුයාය ප්‍රජා පොලිස් කමිටු සාමාජිකයින්, ප්‍රදේශවාසීන් හා දානපතියන් කිහිපදෙනෙකුගේ සහභාගිත්වයෙන් ගල්පොරුයාය ප්‍රදේශයේ දිළිඳු පවුල් 48 ක් සඳහා වියළි ආහාර හා රෙදි පිළි බෙදාදීමේ උතුම් සමාජ සත්කාරයක් ගිරාඳුරුකෝට්ටේ පොලිස් ස්ථානාධිපති පොලිස් පරීක්‍ෂක ජානක විතානාච්චි මහතාගේ ප්‍රධානත්වයෙන් 2019 අගෝස්තු 20 වන දින පෙරවරුවේ ගල්පෝරුයාය විහාරස්ථානයේදී සිදුකරන ලදී.

ජාතික මට්ටමේ මල්ලවපොර තරගාවලියකදී ශ්‍රී ලංකා පොලිස් මල්ලවපොර කණ්ඩායම ශූරතාවය හිමිකර ගනී.2019 අගෝස්තු මස 17 හා 18 යන දෙදින තුළ ජාතික මට්ටමේ මල්ලවපොර තරඟාවලියක් කොළඹ ටොරින්ටන් ගෘහස්ථ ක්‍රීඩාගාරයේදී පවත්වන ලදී. එම තරඟාවලිය බර පංති 10 ක් යටතේ පවත්වන ලද අතර, එහිදී ශ්‍රී ලංකා පොලිස් මල්ලවපොර කණ්ඩායම රන් පදක්කම් 04 ක්, රිදි පදක්කම් 03 ක් හා ලෝකඩ පදක්කම් 04 ක් සමඟින් සමස්ත තරඟාවලියේ ශූරතාවය දිනාගන්නා ලදී.

ශ්‍රී ලංකා පොලිස් ක්‍රිකට් කණ්ඩායම ලෝක පොලිස් ක්‍රිකට් කිරුළ හිමිකර ගනීඑංගලන්තයේ වූස්ටන් නගරයේදී පවත්වන ලද 06 වන පොලිස් ලෝක කුසලාන ක්‍රිකට් තරගාවලියේදී බටහිර ඕස්ට්‍රේලියානු පොලිස් කණ්ඩායම පරදා ශ්‍රී ලංකා පොලිස් ක්‍රිකට් කණ්ඩායම ශූරතාවය හිමි කර ගැනීමට සමත්විය.

නියෝජ්‍ය පොලිස්පති මෙවන් සිල්වා මහතා වෙත පොලිස් උත්තමාචාරශ්‍රී ලංකා පොලීසියේ වසර 39ක කාලයක් සේවය කර අද දින (2019 අගෝස්තු 18) විශ්‍රාම යාමට නියමිත විශේෂ විමර්ශන දිසාව භාර නියෝජ්‍ය පොලිස්පති මෙවන් සිල්වා මහතා වෙත පොලිස් උත්තමාචාර පුද කිරීමේ උත්සවයක් 2019 අගෝස්තු 17 වන දින පොලිස් මූලස්ථානයේදි පැවැත්විණි.

news

1

1

sports news

special events1


Emergency: 119,

IG's Help Desk
+94 11 2444480
+94 11 2444483

Police Headquartes:
+94 11 2421111

Child & Women Bureau:
+94 11 2444444

Information Room:
+94 11 2854931