සමාජය තුල සිදුවන අපරාධ, නීති විරෝධී ක්‍රියා, මත්ද්‍රව්‍ය උවදුර හා ළමා අපචාර ක්‍රියා වලක්වා ගැනීම පිළිබඳව ළමා පරපුර දැනුවත් කිරීමේ දේශණ මාලාවක් වැඩබලන පොලිස්පති සි.ඩී. වික්‍රමරත්න මහතාගේ උපදෙස් පරිදි පොලිස් මහජන සම්බන්ධතා දිසාව භාර නියෝජ්‍ය පොලිස්පති ලාල් සෙනෙවිරත්න සහ පොලිස් මහජන සම්බන්ධතා කොට්ඨාසයේ අධ්‍යක්‍ෂ හා පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධීකාරී ජාලිය සේනාරත්න යන මහත්වරුන්ගේ අධික්ෂණය යටතේ පොලිස් මූලස්ථානයේ, පොලිස් මහජන සම්බන්ධතා කොට්ඨාසය මඟින් දිවයින පුරා ක්‍රියාත්මක කරනු ලබයි.

හම්බන්තොට විශේෂ කාර්ය බලකා කඳවුරේ නිලධාරීන්ට ලද තොරතුරක් මත 2020.09.13 වන දින රාත්‍රී 10.55 ට පමණ හම්බන්තොට පොලිස් වසමේ සින්නුක්කුගල ප්‍රදේශයේදී වැටලීමක් සිදුකර මෙරට නිෂ්පාදිත ගිනි අවි 02 ක්, පිහියක් හා තවත් දේපල සමඟ සැකකරුවන් තිදෙනෙකු අත්අඩංගුවට ගෙන හම්බන්තොට වනජීවී කාර්යාලය වෙත භාර දී ඇත.

පරයනාලන්කුලම් විශේෂ කාර්ය බලකා කඳවුරේ නිලධාරීන්ට ලද තොරතුරක් මත 2020.09.13 වන දින රාත්‍රී 09.45 ට පමණ පරයනාලන්කුලම් පොලිස් වසමේ 9 කණුව ප්‍රදේශයේදී කැළෑවක තිබී මෙරට නිෂ්පාදිත ගිනි අවියක් අත්අඩංගුවට ගෙන සිලාවතුර පොලිස් ස්ථානය වෙත භාර දී ඇත. සිලාවතුර පොලිසිය වැඩිදුර විමර්ශන පවත්වාගෙන යනු ලබයි.

තංගල්ල විශේෂ කාර්ය බලකා කඳවුරේ නිලධාරීන්ට ලද තොරතුරක් මත 2020.09.13 වන දින රාත්‍රී 07.45 ට පමණ දික්වැල්ල පොලිස් වසමේ වලස්ගල ප්‍රදේශයේදී වැටලීමක් සිදුකර විදේශ රටක නිෂ්පාදිත රිවෝල්වර් වර්ගයේ ගිනි අවියක්, බෝර 12 අවියක්, වායු රයිෆලයක් හා පතරොම් 04 ක් සමඟ සැකකරුවෙකු අත්අඩංගුවට ගෙන දික්වැල්ල පොලිස් ස්ථානය වෙත ඉදිරිපත් කර ඇත.

කතරගම විශේෂ කාර්ය බලකා කඳවුරේ නිලධාරීන්ට ලද තොරතුරක් මත 2020.09.13 වන දින සවස 05.05 ට පමණ කතරගම පොලිස් වසමේ පුංචිදඹේ ප්‍රදේශයේදී වැටලීමක් සිදුකර මෙරට නිෂ්පාදිත ගිනි අවියක් සමඟ සැකකරුවෙකු අත්අඩංගුවට ගෙන කතරගම පොලිස් ස්ථානය වෙත භාර දී ඇත.

කහවත්ත විශේෂ කාර්ය බලකා කඳවුරේ නිලධාරීන්ට ලද තොරතුරක් මත 2020.09.13 වන දින දහවල් 01.40 ට පමණ කහවත්ත පොලිස් වසමේ වැටලීමක් සිදුකර මෙරට නිෂ්පාදිත ගිනි අවියක් සමඟ සැකකරුවෙකු අත්අඩංගුවට ගෙන කහවත්ත පොලිස් ස්ථානය වෙත භාර දී ඇත.

කල්මුණ විශේෂ කාර්ය බලකා කඳවුරේ නිලධාරීන්ට ලද තොරතුරක් මත 2020.09.14 වන දින උදෑසන 11.30 ට පමණ කල්මුණේ පොලිස් වසමේ තුරෛනීලවනී කලපුවේ තිබී ටී 56 වර්ගයේ ගිනි අවියක් සොයා ගෙන ඇත. මෙම අවියේ කොටස් දිරා යෑමට ලක්ව ඇති අතර සැකකරුවන් සම්බන්ධයෙන් මෙතෙක් තොරතුරු අනාවරණය වී නොමැත. කල්මුණ පොලිසිය වැඩිදුර විමර්ශන පවත්වාගෙන යනු ලබයි.

2020.09.11 වන දින රාත්‍රී 11.00 ට පමණ පූගොඩ පොලිස් වසමේ තුත්තිරිදෙනිය, ලුණුගම ප්‍රදේශයේදී පූගොඩ පොලිස් විශේෂ කාර්ය බලකා කඳවුරේ නිලධාරීන් විසින් වැටලීමක් සිදුකර විදේශ රටක නිෂ්පාදිත බෝර 12 වර්ගයේ අවියක් හා කඩුවක් සමඟ සැකකරුවෙකු අත්අඩංගුවට ගෙන පූගොඩ පොලිස් ස්ථානය වෙත ඉදිරිපත් කර ඇත.

2020.09.11 වන දින රාත්‍රී 7.30 ට පමණ රත්නපුර පොලිස් වසමේ කොස්පැලවින්න ප්‍රදේශයේදී කහවත්ත පොලිස් විශේෂ කාර්ය බලකා කඳවුරේ නිලධාරීන් විසින් වැටලීමක් සිදුකර විදේශ රටක නිෂ්පාදිත බෝර 12 වර්ගයේ අවි දෙකක් සමඟ සැකකරුවන් දෙදෙනෙකු අත්අඩංගුවට ගෙන රත්නපුර පොලිස් ස්ථානය වෙත ඉදිරිපත් කර ඇත.