සංවිධානාත්මක අපරාධවලට සම්බන්ධ සහ මත්ද්‍රව්‍ය වලට ඇබ්බැහි වූ පුද්ගලයින් සහ ඔවුන්ගේ පවුල්වල බාලවයස්කාර දරුවන් මත්ද්‍රව්‍ය භාවිතයෙන් තුරන් කර යහමඟට ගැනීමේ වැඩසටහනක් බස්නාහිර පළාත් භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාගේ ප්‍රධානත්වයෙන් 2020 ජුනි මස 28 වන දින පෙරවරු 0900 ට ගංගාරාම විහාරස්ථානයේදී ආරම්භ කෙරිණි.

ශ්‍රී ලංකා පොලිසියේ විශිෂ්ඨ රාජකාරි ඉටු කරන ලද පොලිස් නිලධාරීන් සඳහා මුදල් ත්‍යාග සහ පොලිස්පති ප්‍රශංසා පිරිනැමීමේ උත්සවයක් ඊයේ (2020.06.26) දින ආරක්‍ෂක අමාත්‍යාංශයේ ප්‍රධාන ශ්‍රවණාගාරයේදී පැවැත්විණි. ආරක්‍ෂක ලේකම් මේජර් ජෙනරාල් (විශ්‍රාමික) කමල් ගුණරත්න මහතාගේ ප්‍රධානත්වයෙන් පැවති මෙම උත්සවය සඳහා වැඩබලන පොලිස්පති සී.ඩී. වික්‍රමරත්න මහතාද සහභාගි විය.

COVID – 19 නොහොත් නව කොරෝනා රෝග වසංගතය නිවාරණය සඳහා ශ්‍රී ලංකා පොලිසිය දියත් කල වැඩසටහන් රැසක් මේ දිනවල දිවයින පුරා ක්‍රියාත්මක වේ.

ශ්‍රී ලංකාව තුළ කොරෝනා වෛරසය පැතිරීම වැළැක්විම සඳහා පුර්ව ක්‍රියාමාර්ග ගැනීම යටතේ 2020.03.15 වන දින සිට සති දෙකක කාලක් මහජනතාව වෙනුවෙන් පවත්වනු ලබන පොලිස් මහජන සහන දිනය සහ පොලිස් නිලධාරීන් වෙනුවෙන් පවත්වනු ලබන සහන දිනයද අවලංගු කිරීමට පොලිස් මූලස්ථානය මඟින් කටයුතු කර ඇත.

Covid 19 හෙවත් නව කොරෝනා වෛරසය පිළිබඳ තොරතුරු පරීක්ෂා කිරීම, වෛරසය පැතිරයෑම වැළැක්වීම සඳහා අවශ්‍ය ප්‍රවර්ථන පහසුකම් හා වෛරසය මර්ධනය කිරීම සඳහා කාර්ය සාධක බලකායක් පිහිටුවා ඇත.

2020.03.16 වන දින සිට ඉදිරියට ක්‍රියාත්මක කිරීමට නියමිතව තිබූ රාජ්‍ය බුද්ධි සේවයට පොලිස් කොස්තාපල් හා කාන්තා පොලිස් කොස්තාපල් තනතුරු සඳහා බදවාගැනීමේ අවසන් සම්මුඛ පරීක්ෂණ නැවත දැනුම් දෙනතුරු අත්හිටුවීමට පොලිස් මූලස්ථානය තීරණය කර ඇත.

රථවාහන මූලස්ථානය මඟින් පවත්වන ලද 37 වන කණිෂ්ඨ රථවාහන කළමනාකරණ පාඨමාලාවේ කණිෂ්ඨ ශ්‍රේණියේ නිලධාරීන් 190 දෙනෙකු සඳහා සහතිකපත් හා ලාංඡන ප්‍රධානය කර විසිරයාමේ උත්සවය 2020.03.12 වන දින බස්නාහිර පළාත හා රථවාහන භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාගේ ප්‍රධානත්වයෙන් අපරාධ වාර්තා කොට්ඨාසයේ ශ්‍රවණාගාරයේදී පැවැත්විණි.

රටේ නීතිය හා සාමය පවත්වා ගෙන යාමට උරදී කටයුතු කරන ශ්‍රී ලංකා පොලිසියේ නිලධරයන්ට ශක්තියක් එක් කරමින් කළුතර පොලිස් අභ්‍යාස විද්‍යාලයේ පුහුණුව ලැබූ ආධුනික පොලිස් නිලධරයන් 528 දෙනෙකු මූලික පුහුණුව අවසන් කර විසිර යාමේ උත්සවය 2020 පෙබරවාරි 20 දින කළුතර පොලිස් විද්‍යාලයීය අළුවිහාර ක්‍රීඩාපිටියේදී පැවැත්විණි.

අපරාධ, සංවිධානාත්මන අපරාධ, පොලිස් මත්ද්‍රව්‍යනාශක දිසාව භාරව සහ අණදෙන නිලධාරි පොලිස් විශේෂ කාර්ය බලකාය වශයෙන් රාජකාරි කර 2020 පෙබරවාරි 05 වන දින විශ්‍රාම ගිය ජ්‍යෙෂ්ඨ නියෝජ්‍ය පොලිස්පති එම්.ආර්. ලතීෆ් මහතා වෙනුවෙන් සංවිධානය කරන ලද උපහාර පිදීමේ උත්සවය 2020 පෙබරවාරි 03 වන දා පොලිස් මූලස්ථානයේදී පැවැත්විණි.