2018 අප්‍රේල් 10 දින පොලිස් සේවයෙන් විශ්‍රාම යාමට නියමිත නුවර එළිය සහ හැටන් දිසාව  භාර නියෝජ්‍ය පොලිස්පති  සුනිල් චන්දන ගලපත්ති මහතා වෙනුවෙන් සංවිධානය කරන ලද උපහාර පිදීමේ උත්සවයක් 2018 අප්‍රේල් 07 වන අද දින පොලිස්පති පූජිත් ජයසුන්දර මහතාගේ ප්‍රධානත්වයෙන් පොලිස් මුලස්ථානයේදී පැවත්විණි.

මෙහිදී වසර 37 ක කාලයක් මහජනතාවගේ ජීවිත හා දේපල සුරක්‍ෂිත කිරීම වෙනුවෙන් හා ශ්‍රි ලංකා පොලිසිය වෙනුවෙන් සිදුකරන ලද අමිල වු සේවය අගයා නියෝජ්‍ය පොලිස්පති සුනිල් චන්දන ගලපත්ති මහතා හට පොලිස්පතිතුමන් විසින් සමරු තිළිණයක් පිරිනැමිම සිදුකළ අතර, නියෝජ්‍ය පොලිස්පතිතුමන්ගේ විශ්‍රාම දිවියට සුබ පැතුම්ද එක් කරන  ලදි.

මෙම උත්සව අවස්ථාව සදහා ජ්‍යෙෂ්ඨ නියෝජ්‍ය පොලිස්පති (පරිපාලන) සි.ඩි වික්‍රමරත්න මහතා ඇතුළු උසස් පොලිස් නිලධාරින් පිරිසක් සහභාගි විය.