ඉතිහාසය

1972 ලංකාව ජනරජයක් වීමත් සමඟම එවකට අගමැතිනියගේ උපදෙස් පරිදි හා එවකට පොලිස්පති ධූරය හෙබවූ ස්ටැන්ලි සේනානායක මහතාගේ විශේෂ මූලිකත්වයෙන් ශ්‍රි ලංකා පොලිස් දෙපාර්තමේන්තුව, අද්‍යාපන අමාත්‍යංශය සමඟ එක්ව මැලේසියානු පොලිස් ශිෂ්‍යභට සේවය අනුගමනය කරමින්, මහජනතාවත් පොලිසියත් අතර වඩාත් සමීප සම්බන්ධතාවයක් ඇති කොට, වත්මන් තරුණ පරපුර සංවරශීලි, විනියගරුක, යහපත්, නිරෝගි පරපුරක් බවට පත්කිරීමේ බලාපොරොත්තුව ඇතිව ශ්‍රි ලංකා පොලිස් ශිෂ්‍යභට සේවය වර්ෂ 1972 ජූලි මස 04 වන දින කොළඹ ලොන්ඩන් පෙදෙසෙහි පිහිටි විශේෂ පොලිස් උපසේවා මූලස්ථානයේදී ආරම්භ කර ඇත.

පොලිස් ශිෂ්‍යභට ව්‍යාපාරය ප්‍රතිස්ථාපනය

• 2010 වර්ෂයේදී එවකට ජනාධිපතිතුමාගේ නියෝග පරිදි එවකට පොලිස්පති ආචාර්ය මහින්ද බාලසූරිය මැතිතුමාගේ, ආර්.ටී.එම් 214 / 2010 සැප්තැම්බර් 07 වන දින මඟින් දිවයිනේ විවිධ ප්‍රදේශවල පිහිටුවා ඇති ජාතික ශිෂ්‍ය භට මූලස්ථානය බලමූලයන් 18 කේන්ද්‍රකර ගනිමින් ක්‍රියාත්මක වන ආකරයට පොලිස් ශිෂ්‍යභට කටයුතු ආරම්භ කරන ලෙසට සියළුම පළාත්භාර හා කොට්ඨාස භාර නිලධාරීන් වෙත නියෝග කර ඇත.
• පොලිස් කොට්ඨාස මට්ටමින් හා ජාතික ශිෂ්‍යභට බල මූලයන් අනුව පහත සඳහන් පොලිස් කොට්ඨාස භාර නිලධාරින්ගේ සෘජු අධීක්ෂණය යටතේ ඔවුන් විසින් ශිෂ්‍යභට පුහුණු කිරීම සඳහා පත්කර ගත් පොලිස් නිලධාරින් විසින් පුහුණු කිරීම ආරම්භ කර තිබේ.

1. 1. 1. ගාල්ල
      2. මහනුවර
      3. කොළඹ මධ්‍යම
      4. කුරුණෑගල
      5. අනුරාධපුර
      6. බදුල්ල
      7. ගම්පහ
      8. රත්නපුර
      9. කෑගල්ල
      10. තංගල්ල
      11. පොළොන්නරුව
      12. කළුතර
      13. මාතලේ
      14. කුලියාපිටිය
      15. මොණරාගල
      16. මාතර
      17. අම්පාර
      18. නුවරඑළිය