අතිගරු ජනාධිපතිතුමාගේ සංකල්පයක් මත කොළඹ නගරය හා අවට රථ වාහන තදබදය අවම කිරීම සඳහා ශ්‍රී ලංකා පොලිසිය මඟින් ඩ්‍රෝන කැමරා යොදා ගනිමින් නව රථවාහන වැඩපිළිවෙළක් ආරම්භ කිරීමේ නියමු ව්‍යපෘතිය අද උදෑසන (2021 මැයි 06) නුගේගොඩ ගුවන් පාලම අසලින් ආරම්භ කරනු ලැබීය. මෙය පොලිස් විශේෂ කාර්ය බලකායේ ඩ්‍රෝන කැමරා අංශය විසින් සිදු කළ අතර, ශ්‍රී ලංකා ගුවන් හමුදාවේ ඩ්‍රෝන කැමරා අංශයේද සහය ලබා ගන්නා ලදී.

අතිගරු ජනාධිපති ගෝඨාභය රාජපක‍්ෂ මහතා ඉදිරියේ පසුගියදා දිවුරුම් දුන් ප්‍රජා පොලිස් සේවා රාජ්‍ය අමාත්‍ය ගරු දිලුම් අමුණුගම මහතා අද දින (2021 මැයි 05) සිය ධූරයේ රාජකාරි කටයුතු නිල වශයෙන් ආරම්භ කරන ලදී. ඒ බත්තරමුල්ල පිහිටි මහජන ආරක්ෂක අමාත්‍යාංශයේදීයි.

පොලිස් තොරතුරු තාක්ෂණ කොට්ඨාසය හා පොලිස් සුභසාධක කොට්ඨාසය එක්ව සකස් කරන ලද පොලිස් නිලධාරීන්ගේ විශ්‍රාම ගොනු සකස් කිරීමේ මාර්ගගත (online) වැඩසටහන ජ්‍යෙෂ්ඨ නියෝජ්‍ය පොලිස්පති (පරිපාලන) ජගත් අබේසිරිගුණවර්ධන මහතාගේ ප්‍රධානත්වයෙන් 2021 අප්‍රේල් මස 28 වන දින උදෑසන 10.00 ට පොලිස් මූලස්ථානයේදී ස්ථාපිත කරන ලදී.