covid ops

01සමාජය තුල සිදුවන අපරාධ, නීති විරෝධී ක්‍රියා, මත්ද්‍රව්‍ය උවදුර හා ළමා අපචාර ක්‍රියා වලක්වා ගැනීම පිළිබඳව ළමා පරපුර දැනුවත් කිරීමේ දේශණ මාලාවක් වැඩබලන පොලිස්පති සි.ඩී. වික්‍රමරත්න මහතාගේ උපදෙස් පරිදි පොලිස් මහජන සම්බන්ධතා දිසාව භාර නියෝජ්‍ය පොලිස්පති ලාල් සෙනෙවිරත්න සහ පොලිස් මහජන සම්බන්ධතා කොට්ඨාසයේ අධ්‍යක්‍ෂ හා පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධීකාරී ජාලිය සේනාරත්න යන මහත්වරුන්ගේ අධික්ෂණය යටතේ පොලිස් මූලස්ථානයේ, පොලිස් මහජන සම්බන්ධතා කොට්ඨාසය මඟින් දිවයින පුරා ක්‍රියාත්මක කරනු ලබයි.

1හම්බන්තොට විශේෂ කාර්ය බලකා කඳවුරේ නිලධාරීන්ට ලද තොරතුරක් මත 2020.09.13 වන දින රාත්‍රී 10.55 ට පමණ හම්බන්තොට පොලිස් වසමේ සින්නුක්කුගල ප්‍රදේශයේදී වැටලීමක් සිදුකර මෙරට නිෂ්පාදිත ගිනි අවි 02 ක්, පිහියක් හා තවත් දේපල සමඟ සැකකරුවන් තිදෙනෙකු අත්අඩංගුවට ගෙන හම්බන්තොට වනජීවී කාර්යාලය වෙත භාර දී ඇත.

1පරයනාලන්කුලම් විශේෂ කාර්ය බලකා කඳවුරේ නිලධාරීන්ට ලද තොරතුරක් මත 2020.09.13 වන දින රාත්‍රී 09.45 ට පමණ පරයනාලන්කුලම් පොලිස් වසමේ 9 කණුව ප්‍රදේශයේදී කැළෑවක තිබී මෙරට නිෂ්පාදිත ගිනි අවියක් අත්අඩංගුවට ගෙන සිලාවතුර පොලිස් ස්ථානය වෙත භාර දී ඇත. සිලාවතුර පොලිසිය වැඩිදුර විමර්ශන පවත්වාගෙන යනු ලබයි.

1තංගල්ල විශේෂ කාර්ය බලකා කඳවුරේ නිලධාරීන්ට ලද තොරතුරක් මත 2020.09.13 වන දින රාත්‍රී 07.45 ට පමණ දික්වැල්ල පොලිස් වසමේ වලස්ගල ප්‍රදේශයේදී වැටලීමක් සිදුකර විදේශ රටක නිෂ්පාදිත රිවෝල්වර් වර්ගයේ ගිනි අවියක්, බෝර 12 අවියක්, වායු රයිෆලයක් හා පතරොම් 04 ක් සමඟ සැකකරුවෙකු අත්අඩංගුවට ගෙන දික්වැල්ල පොලිස් ස්ථානය වෙත ඉදිරිපත් කර ඇත.

1කතරගම විශේෂ කාර්ය බලකා කඳවුරේ නිලධාරීන්ට ලද තොරතුරක් මත 2020.09.13 වන දින සවස 05.05 ට පමණ කතරගම පොලිස් වසමේ පුංචිදඹේ ප්‍රදේශයේදී වැටලීමක් සිදුකර මෙරට නිෂ්පාදිත ගිනි අවියක් සමඟ සැකකරුවෙකු අත්අඩංගුවට ගෙන කතරගම පොලිස් ස්ථානය වෙත භාර දී ඇත.

1කහවත්ත විශේෂ කාර්ය බලකා කඳවුරේ නිලධාරීන්ට ලද තොරතුරක් මත 2020.09.13 වන දින දහවල් 01.40 ට පමණ කහවත්ත පොලිස් වසමේ වැටලීමක් සිදුකර මෙරට නිෂ්පාදිත ගිනි අවියක් සමඟ සැකකරුවෙකු අත්අඩංගුවට ගෙන කහවත්ත පොලිස් ස්ථානය වෙත භාර දී ඇත.

05පොලිස් ඉතිහාසයේ ප්‍රථම වරට උප පොලිස් පරීක්ෂකවරුන් ලෙසින් වෛද්‍ය ශිෂ්‍යයන් 10 දෙනෙකු පොලිස් සේවයට බඳවාගැනීමෙන් පසු ඔවුනට අවුරුදු 06 ක පරිවාස කාලයකට යටත්ව සර් ජෝන් කොතලාවල ආරක්ෂක විශ්ව විද්‍යාලයේ වෛද්‍ය පීඨියේ වෛද්‍ය විද්‍යාව පිළිබද විධිමත් පාඨමාලාවක් හදරා ඉන් අනතුරුව පොලිස් වෛද්‍ය සේවා කොට්ඨාසයට අනුයුක්තව පොලිස් රෝහලේ වෛද්‍යවරුන් ලෙස රාජකාරි යෙදවීමට කටයුතු කර ඇත.